يا الله !! يا الله !!
دخلت الشبكة صدفة و فجعني العنوان !!!!
عرفت أخونا السنعوسي من موضوع " سعد السهلي " الله يرحمهم !
و نعم الأخ , و نعم الأخلاق !
إنا لله و إنا إليه راجعون , اللهم ارحمه و اغفر له , و عافه و اعف عنه .
وارفع درجته ياربّ العالمين .
إذا الأخ يبي الأجر , "وما نشكّ بنيّته إن شاء الله " , يقدر يتزوّج أثيوبية أيضاً و يكسب أجر دخولها الإسلام ..
بعد الإسلام ما فرّق بين الأسود والأبيض .. صحيح ؟!
دعاء ..
لاحظي تفاوت الآراء , و تأكّدي الموضوع هذا خاص جداً فيج .. و يعتمد على شخصيتج و طبيعة علاقتج مع زوجج ..
مسألة أنه يتزوج بدون علمج , هذي بحدّ ذاتها تُعتبر "خيانة" إن صحّ التعبير .. و بِما أنه تزوّج بنت أصغر منه بـ 30 سنة , فأعتقد واضح وضوح الشمس مقصد زوجج من هذا الزواج .
لو لا قدّر الله...
ما تمكن الندم من ذنب إلا كان ذلك من بشائر توبة الله على صاحبه..
ولولا أن الله يريد أن يتوب على العبد لما قذف في قلبه الندم..
ولذلك كان من دلائل عدم التوفيق للإنسان:حرمانه الندم بعد المعصية .
الشيخ محمد الشنقيطي .
قد يغفر الله ذنوبك، ولكنك قد لا تغفر لنفسك حين تضيق عليك الفرصة ويقترب الرحيل وتتذكر صحائف مملوءة بالذنوب والموبقات تخجل من ملاقاة الله بها!
-سلمان العودة .
العفو منك .. مايجوز تحكم عالريّال مو طبيعي لأنه بيعيش بروحه ! عرض موضوعه بكل أدب و طلب راي ، و الواضح صغير في العمر ، نقوله محتاج علاج ؟!
ليش مايكون مثلاً هالولد صالح و الأهل سيئين !!
ليش على طول مشفق عليه و لبسّته الغلط !
طبيعي كل الأماكن اللي شبابها يعانون من البطالة بيكون فيها انفلات ؛ و لو الدولة ما حلّت هالمشكلة ، بإيي لها يوم ماتقدر تسيّطر على أصغر مشكلة في المنطقة .
و عموماً هالمشكلة حتى أهالي العاشرة يعانون منها :)
نقدر نقول أعراف عند بعض الناس .
أول شي قانون الإيجار لازم عقد زواج،عازب ما يأجرون له ..
ثاني شي ، البيت مسؤولية مو بس إيجار ، وراك ماچلة، خادمة،و و و .
ثالث شي و اهوا المهم .. مهما كانت الظروف و العلاقة مع أهلك لا تفكر تطلع كلش، ممكن حضرتك ألحين تحت ضغوط نفسية عشان چذي تفكر بهالطريقة ، المبلغ اللي معاك حليو سوّ فيه حفلة عرس،...
90% راح عليها اللي درسته , إلا إذا صارت معجزة وقبلوها بالشريعة و قدروا يعادلون لها جم مادة !
تقدر تدرس من يديد في التطبيقي .. مسموح للسعوديين .
أو وحدة من الجامعات الخاصة , بس يكون عندها خبر الدراسة عندهم بتكون في الإنجليزي .
بالتوفيق .
مممممم
فيه شي غلط بالموضوع !
أنتي موظفة في القطاع الخاص . أكيد عندج ملف عندهم , شلون تمّ يمشي لج راتب ؟
ضروري تراجعينهم قبل لا يتراكم عليج المبلغ , لأنه كل اللي أخذتيه بدون وجه حقّ لازم يردّ لهم .
داومت سنة و انحشت , لي 3 سنوات بطالية, بسبّة ماني لاقية مكان مرتب أتوظف فيه غير التربية !
أفشل وظيفة ممكن الإنسان يدفن فيها نفسه في الكويت " التدريس " للأسف الشديد ..
عموماً .. صديقتي خريجة آداب - انجليزي تشتغل في الديوان الأميري .
صديقتي مدرسة , استقالت من التربية , وتستقبل الطلبة عندها في البيت , سجلت أخوي عندها , وماشاء الله ماشي معاها , للأمانة جذي ولا جذي مضطرين عالمدرسين الخصوصي , فـ الكويتي أولى من غيره أعتقد لو تم تخييرنا يعني !
توكل على الله .
جرّبت عيادة تيجان - فرع الفحيحيل - ممتازة جداً ..
د. مجد , التقويم كان لسد فراغات بسيطة بين الأسنان , لمدة سنة , تكلفته 950
الدفعة الأولى تكون 200 , ومع كل شدّ للأسنان تدفع 50 .