طلبة المسائي يتعرضون لهجوم شرس من قبل لجان الامتحانات

الحالة
مغلق و غير مفتوح للمزيد من الردود.

ركازي

عضو مخضرم
اول ما منعو شهادة السعودية

وقالولهم تعالو ادرسو عندنا ونعلمكم شلون تبون تاخذون الشهاده

وفي الاختبارات الحاليه نهاية الكورس الاول

اصبحت كل ادارة مدرسه يوجد فيها طلاب يمتحنون يتعرضون لرقابة صارمه جدا جدا الى درجه ان الواحد مايقدر يغش الصح والغلط لم تشهدها اي مجال دراسي في الكويت منذ ان تاسس التعليم

هذا الكلام منقول من جميع الطلبه الدارسين في المسائي

الى درجه ان وصل الامر الى ادارة المدرسة الكويتيين بمديرها تركو طلبه الصباحي

وحطو حيلهم في الطلبه المساكين

اللي اكثرهم متزوج وعنده عيال وظروف العمل وبيت ومسئوليه

ومع هذا لم يجدون اي مساعده ولو بسيطه

وفي المقابل

اسالو الطلبه اللي يدرسون صباحي شلون مسيبنهم على راحتهم

انا لا اطالب الادارة ان تغشش الطلبه

لكن شنو المقصد من اللي قاعد يصير

منعتو شهادة السعوديه

وحطيتو حيلكم كله في الطلبه بالكويت

هل السالفه فيها مقصد
 

فيصل الظفيري

عضو بلاتيني
والله يخوي انا اشوفه العكس ..

والله يا عزيزي عندي اخوي بالمسائي ( ثانيه ثنويه ) يقول ان الوضع فله ..

والغش عيني عينك ورئيس اللجنه يتصدد عن اللي يغشون ويسوي روحه ما يشوف ..

والمراقبين يغششونا أسألة الموضوعيه اما الاسأله المقاليه انت حلها ..

وان النجاح راح يكون فوق الـ 80 % ..
 

ولد التحالف

عضو بلاتيني
مـساء الخـير

خـيرا فـعلوا يا زمـيلي فنحن لا نحتاج الى أجـيال لا تفرق بـين السين والشين

نحتاج الى جيل مثقف واعـي قادر أن يخدم الوطـن فـي السنوات القـادمة


أنـا مـن المؤيدين جدا لفرض رقابة شديدة على الطـلاب أثناء الأختبارات

لكي يتم تقييم جمـيع الطـلاب على مستواهم العلمي الحقيقي


وينجح مـن يستحق ويرسب الغير مستحق

وجهة نظر...

:وردة:
 

الأصمعي

عضو مخضرم
والله زين إن طلبة المدارس السعوديةسابقاً يحسون بصعوبة النجاح بالمسائي و هذا دليل إن دراسة المسائي في دولة الكويت يخرج طلبة على قدر من العلم بدون غش و لا تغشيش ..

و إن كان هناك تساهل مع طلبة الصباحي فهذا لا يعني التبرير لهم بل يجب أن تكون الصرامة بكل الأوقات و لا يتم التبرير للتساهل في دوام الصباح لتقليل من الصرامة في دوام المساء ..

.. تحياتي ..
 

ركازي

عضو مخضرم
انا اطالب بالعدل

واسال شنو قصة هذا العمل اللي قاعدين يسوونه بالطلبه المسائي فقط
 

سكر زياده

عضو فعال
اول ما منعو شهادة السعودية


وقالولهم تعالو ادرسو عندنا ونعلمكم شلون تبون تاخذون الشهاده

وفي الاختبارات الحاليه نهاية الكورس الاول

اصبحت كل ادارة مدرسه يوجد فيها طلاب يمتحنون يتعرضون لرقابة صارمه جدا جدا الى درجه ان الواحد مايقدر يغش الصح والغلط لم تشهدها اي مجال دراسي في الكويت منذ ان تاسس التعليم



افهم من خلال الموضوع ان الاخ صاحب الموضوع مو عاجبه ان المراقبين يمنعون الغش ويعتبر الغش شي عادي ومن حق الطالب ويطالب بالسماح بالغش
والمضحك انه ماكتبها "مساعدة " بل وصفها بمصطلحها القبيح " الغش " وجاهر بكتابتها حرفيا و بسخطه على الادارة لانها تمنع " الغش " وهل الغش اصبحت كلمة وفعل سهل وعادي وفعل بسيط هذه الايام عند البعض !! للاسف
بدل ما تثني على الادارة و المراقبين وتقول بارك الله فيكم تقوم تفتح موضوع يهاجمهم لمنعهم الغش حسب وصفك ! وتطالبهم بالسماح للطالب بأنه يغش !!
بالنسبة لشهادات السعودية اعتقد من افضل القرارات اللي اتخذتها وزارة التربية بعدم الاعتراف فيها لان اغلب الطلبة ما اخذها بمجهوده !! طول السنة بالكويت ويروح يمتحن و " يغش " ويجيب شهادته وهو مايعرف حتى يكتب اسمه صارت حتى الشهادة مستهتر فيها وتؤخذ زوراً !!! وبالنهاية يمسك منصب والا مكان مسئول وهو مايفهم شي وعلى حسابنا وتخريب مستقبل ابناءنا يعيش ويستفيد !!
واتمنى من وزارة التربية تسير على هالنهج لتخريج ناس فاهمة طلعت بمجهودها وبعقلها اما الفاشلين اللي يدافع عنهم الاخ ركازي ويطالب بحقهم بالغش لا عزاء لهم و الاخوة اللي امكانياتهم العقلية محدوده ولا يستطيعون تجاوز المرحلة الثانوية واللي مالهم خلق وضاعت عليهم الفرصة نقول هذا نصيبكم حاولو واجتهدو والله يوفقكم واخذوها بتعب علشان تحسون بقيمته وتصيريون ناس فاهمين وعقليات محترمة لانكم اخذتوها بتعب افضل من اللي ياخذون شهادات مايستحقونها وياخذون وظايف واماكن يستحقها ناس تعبت واجتهدت بس علشان يرفع دخله وراتبه وطززززز بغيره !!
 

سحلبوط

عضو ذهبي
المفروض يستجوبون وزيرة التربية

ولا طالب ما يقدر يغش حتى أسئلة الصح و غلط ؟؟؟؟

وين صارت هذي ؟؟؟

من واجب وزارة التربية أن تسمح بالغش في المدارس

هذا استهتار

وزيرة التربية شلون تنام في بيتها مرتاحه ... و البلد فيها طالب مو قادر يغش ....

بس شتقول ...... ناس ضميرها ميت

أعوذ بالله


اي و الله أعوذ بالله من بلد ..... هذي مطالب اهلها
 

ركازي

عضو مخضرم
انا مالطالبت بالغش

لكن اللي ابي اعرفه شنو قصة هذا الامر بالنسبه لطلبه المسائي

مع تماديهم مع طلبه الصباحي
 

ولد التحالف

عضو بلاتيني
زميلي الفـاضل​

المعذرة كـل المـعذره عن المرور للمـره الثاني ولكن كـان لدي تسأل​

هل التساهل فـي المراقـبة على طـلاب الفتره الصباحية يشمل جمـيع مدارس الكـويت؟​


اذا كـان يشمل جمـيع مدارس الكـويت فـهناك خـلل فـي وزارة التربية ويجب أصلاح هذا الخـلال​


أمـا اذا كـان الخـلل فـي مدرسة واحده فالمشكله فـي الطاقم الأداري الذي يتولى شؤون الرقابة​


على الأختبارات​
 

الحاسم

عضو بلاتيني


طلاب يمتحنون يتعرضون لرقابة صارمه جدا جدا الى درجه ان الواحد مايقدر يغش الصح والغلط لم تشهدها اي مجال دراسي في الكويت منذ ان تاسس التعليم



والله يا عزيزي عندي اخوي بالمسائي ( ثانيه ثنويه ) يقول ان الوضع فله ..

والغش عيني عينك ورئيس اللجنه يتصدد عن اللي يغشون ويسوي روحه ما يشوف ..

والمراقبين يغششونا أسألة الموضوعيه اما الاسأله المقاليه انت حلها ..

وان النجاح راح يكون فوق الـ 80 % ..



لاحول ولا قوة إلا بالله :)
 

الاسكندر

عضو ذهبي
يتعرضون لرقابة صارمه جدا جدا الى درجه ان الواحد مايقدر يغش




هااااااااااااااااااااااااااااااااااااي والله أنك تحفة...

وجاي تشتكي بعد سامحك الله ستفتح المجال لحمار الحكيم توما وربعه يعلقون

 
الحالة
مغلق و غير مفتوح للمزيد من الردود.
أعلى