هل يعقل بتوظيف الكويتيين كمهنة الخدم وبمسمى يفشل

[ركازي]

هل يعقل انه يوجد عندنا بالكويت موظفين مهام عملهم مراقبة الفراشين في المدارس ​

وملاحظة تكرمون الحمامات واسطح المدارس والتأكد من نظافتها​

ومسماهم الوظيفي مساعد منفذ خدمه على الدرجه اعتقد الثامنه​

وعملهم الرئيسي مسؤولين الفراشين​

اقسم بالله يحدثني شخص عنهم في المدرسه​

يقول احد الموظفين يطالبه مدير المدرسة بمراقبة الفراشين وتحضيرهم وانصرافهم وبانه هو المسؤول عنهم واخذ جوله حول الحمامات لسلامتها من النظافه والخرابات الصحية​

لما رفض هذا العمل اخرج له المدير نشره تدين على ان هذي هي مهنته​

نطالب اعضاء الامه بالسؤال حول هذا المسمه ومهام عملهم​

علما​

ان هذي الوظيفه انتشرت بشكل كبير في المدارس ​

وتوظيف الكويتيين مثل الخدم​

والامر الاخر​

هم نطالب الوزيره بتسهيل عملية تعليم المنازل مثل باقي الدول​

بحيث تكون الامتحانات على الكورسين الاول والثاني​

تسهيلا لهم​

 

[kuwaity]

وانت بس ذابحك البرستيج ؟

اخوي هذا عمل شريف ومافي شي

 

[ركازي]

وانت بس ذابحك البرستيج ؟

اخوي هذا عمل شريف ومافي شي

اذا انت ترضى تفر على الحمامات عشان اجيك على نظافتها

ترى الحمدالله احنا بديرة خير مانرضى هالعمل

 

[الأناضول]

كل شي يصير

 

[اشتراكي بحت]

والله الي شهادته متوسط كفوه هالعمل

 

[waleed.k]

و الله عيب .. المصيبة انك تلقى الكويتي بهالوظيفة ... بينما بعض الوافدين يوظفونهم كمعلمين !!
كويتي يتعين بمسمى منفذ خدمة ؟!

 

[ركازي]

و الله عيب .. المصيبة انك تلقى الكويتي بهالوظيفة ... بينما بعض الوافدين يوظفونهم كمعلمين !!
كويتي يتعين بمسمى منفذ خدمة ؟!

والله انك صادق :إستحسان:

 

[ŞĥmLąŇ]

هل يعقل انه يوجد عندنا بالكويت موظفين مهام عملهم مراقبة الفراشين في المدارس ​

وملاحظة تكرمون الحمامات واسطح المدارس والتأكد من نظافتها​

ومسماهم الوظيفي مساعد منفذ خدمه على الدرجه اعتقد الثامنه​

وعملهم الرئيسي مسؤولين الفراشين​

اقسم بالله يحدثني شخص عنهم في المدرسه​

يقول احد الموظفين يطالبه مدير المدرسة بمراقبة الفراشين وتحضيرهم وانصرافهم وبانه هو المسؤول عنهم واخذ جوله حول الحمامات لسلامتها من النظافه والخرابات الصحية​

لما رفض هذا العمل اخرج له المدير نشره تدين على ان هذي هي مهنته​

نطالب اعضاء الامه بالسؤال حول هذا المسمه ومهام عملهم​

علما​

ان هذي الوظيفه انتشرت بشكل كبير في المدارس ​

وتوظيف الكويتيين مثل الخدم​

والامر الاخر​

هم نطالب الوزيره بتسهيل عملية تعليم المنازل مثل باقي الدول​

بحيث تكون الامتحانات على الكورسين الاول والثاني​

تسهيلا لهم​

صحيح انه عمل شريف ولكن
يجب عدم اذلال المواطن في هالعمل لان الكويتي نفسه عزيزة وقدره عالي ولم يتعود علي مثل هذي الاعمال
وحتي لو ماعنده شهادة في مليون وظيفة غير هالوظيفة
زبدة الكلام --وظيفة تفشل -

 

[ركازي]

صحيح انه عمل شريف ولكن
يجب عدم اذلال المواطن في هالعمل لان الكويتي نفسه عزيزة وقدره عالي ولم يتعود علي مثل هذي الاعمال
وحتي لو ماعنده شهادة في مليون وظيفة غير هالوظيفة
زبدة الكلام --وظيفة تفشل -

صدقت يا اخوي

 

[Q8 FOR EVER]

أنا من وجهة نظري هذا عمل وهذا هو مسمى العمل

لا نأخذ الامور بحساسيه زائدة

فهناك مسمى لكل وظيفة واذا كان الكويتي لا يريد هذه الوظيفة يستطيع ان يقدم استقالته ولكن هذا المسمى عندي وفي وجهة نظري أفضل من مسمى عاطل عن العمل

وشكرا على طرح الموضوع

 

[بن ذى يزن]

يا اخي شعب يشكو من فراغ
يعني انسان ما عنده شهاده شنو يبي مسماه الناطق الرسمي لدول مجلس التعاون والباحث الاستراتيجي ؟
ما يصير

والشي الثاني شنو فيها شغلته يعني ؟

 

[الفوزان]

غريب امركم يا قوم !!!!!

مراقب على الفراشين شفيهاا يعني؟؟؟؟؟؟

كاا ببيوتنا فيها خدم ينظفون الحمامات و احنه نراقبهم

خوو ما وظفوهم بتنظيف الحمامات بأنفسهم لا يبا بس خلوهم مراقبين علي العماله

بعدين ترا هذه شي ايجابي

الموظف الكويتي راح يكون اكثر اهتمام بنظافه المدرسه لئن الطلبه الموجودين كلهم من ابناء وطنه
بالتالي راح يكون حريص اكثر على النظافه من العماله الاسيويه

بعدين اقول حق الي يزدري حاملين الشهاده المتوسطه ترا عيب ياا يبا تواضع شوي فديتك
بعدين ابيك تتصور ان عمال النظافه هذيل مافي عليهم موظف كويتي يراقبهم و حضراتهم ما يشتغلون عدل فبذمتك تقدر تتخيل المرافق الصحيه شنو راح يكون حالهاا ؟؟


في واحد يقول ( يجب عدم اذلال المواطن الكويتي لئن الكويتي نفسه عزيزه !!!!!!!!!!!!!

خلاص المفروض ان نطالب بصرف رواتب للمواطين من دوون عمل و نخليهم يقعدون ببيوتهم و نطرش مدرس حق كل بيت يعلم الاطفال
عشان حضرتك ما تحس بالاذلال يا بو نفس عزيزه

يباا جميع الموظفين ياخذون اجر عن ووظايفهم بجميع القطاعات

يعني بالنهايه كلنه موظفين و كل واحد يأدي عمله و كل عمل مكمل للعمل الاخر

 

[الحاسم]

مثل ماقالت موضي الحمود، الكويتي على راسه ريشه؟
مو دارس .. شيبي يشغلونه؟ مدير؟

الاخوة بالبحرين وعُمـان يشتغلون بكل الوظائف .. ولا ينقص من قدرهم شيء. المهم أن العمل شريف وما مد ايده لأحد ولا ترجى عطايا شيخ أو طر من حكومة.

 

[مستر كويتي]

شيم العرب لا تتقبل النوعية هذه من الوظائف سواءا حلال ام حرام فالامر الشرعي لايعني شئ في هذه الامور.فالشعب الكويتي شعب كريم وليس بشعب آلي تسيره الماده وبما نحن شعب قليل العدد في بلدا غص بالوافدين في الوظائف الحكومية و الاهليه فلا اعتقد انه قد وصل بنا الحال الى هذه النوعية من المهن.
اما من يحمل شهادة المتوسطة فهو ليس بعالة على الحكومة وليس هذا مبرر لشغل هذه الوظيفه ، بالامكان فتح الباب القبول لمن يحمل شهادات من المعاهد الخاصه كالطباعه والارشيف وادخال البيانات وغيرها ولا اعتقد ان هذه الوظائف تتطلب شهادة جامعية.
واللي يقول عادي وشاد حيله بالموضوع اقوله
حرية التعبير بالنت تظهر ماتخفيه نفسه . فغدا يطالب هنا بوظائف اقل قدرا من ذلك.

 

[زخات مطر]

يا جماعه أين المشكلة ؟؟؟
وظيفه شريفه وقديمه
وأذكر قبل الغزو كان مسئولين الفراشين كويتيين وحراس المدارس أيضا كويتيين
وهذا عمل شريف ويجب علينا أن ننظر لمثل هذه الأعمال بأنها أعمال شريفه

 

[ركازي]

كل اللي عارضوني لو هم نفسهم معينينهم في هذه المهنه

والله مايرضون

وانا بقولكم اذا انتم ترضون اتابعون الفراشين

وتفترون على الحمامات والاسطح

ترى الشرفاء واهل الكرامه مايرضون بهالمهنه هذي لو يكون عاطل عن العمل

 

[O^ALLaH]

مافيها شئ ،،، بس اعتقد ان المجتمع الكويتي لا يساعد والغريب انهم يطالبون تكويت الوظائف ..كيف التكويت والمسؤول يتعالى على الموظف البسيط او يحتقر عمل المواطن الكويتي البسيط ...وهنا نرجع لعدم التشجيع واستشعار المواطن بأن مستواه اقل .

يا اخوان ...محد يهتم بالديرة الا اهلها ...لكم ان تتخيلوا مواطن كويتي في كل مدرسة ... يكون مسؤول عالي في شئون المدرسة وان لا يتدخل المدير او المدرس في مهام عمله ...ووضع له مكتب ومساعد (سكرتير ) من جنسية الفراشين الاجانب . ويتلقى الاوامر من الكويتي للمساعد وبدوره على الفراشين .والكويتي مسؤول عن نظافة المدرسة ...بشكل كامل .

هذا اهو العمل ... والكثير الكثير من الوظائف... طباع ، حارس ، مشرف باص ،

بس وين اللي حترمهم ويقدرهم احنا مجتمع .....نستهزأ بكل عمل شريف ويقولون ليش الكويتي يتشرط بالوظائف ،،،،

والتعليقات خير دليل

 

[ركازي]

والتعليقات خير دليل

اصحاب التعليقات والله لو هذي وضيفتهم يقومون الدنيا ويقعدونها

انت ابي اسالك بالله

جاوبني

هل تقبل انك تفتر على الحمامات تشوفها نظيفه او موسخينها الطلبه بالنجاسه تكرمون

هل تقبل انك تلحق الفراشين وغيرك من المدرسيين والاداريين قاعد بالبراد وعلى المكتب

انتظر منك جواب

 

[O^ALLaH]

ركازي ،،سؤلك جميل بس لا يعنيني لأني والحمدالله شهادة وموظف

هذا السؤال للأخ الكويتي اللي شهادته بسيطة وعلى قدر معاشه يكون بين منطقته كمشرف على النظافه في المدرسة اللي يم بيتهم .

وبعدين مسؤول على النظافه لمنووو عيالنا وعياله واهله واهل دولته مو يذل نفسه او ينظف ... ومشرف على نظافه المدرسة بالكامل .... الفصول والساحات ....وكل مايكون داخل المدرسة .


يعني شهادته رابعة متوسط ..ولا يبي يدخل عسكرية ...شنو تبون يكون ؟؟؟؟ مدير ادارة ؟؟؟ اهو ما افلح بالدراسة .

والحكومة وفرت عليه وظيفه ..وصدقني راح تشوفون مدارسنا من اروع مايكون من نظافه ... لأن هذولا اعيالنا وصحتهم اولى ...ومايقوم بهالعمل بضمير الا ابن البلد

تحياتي ياركازي

 

[بدرالمطيور]

كل اللي عارضوني لو هم نفسهم معينينهم في هذه المهنه

والله مايرضون

وانا بقولكم اذا انتم ترضون اتابعون الفراشين

وتفترون على الحمامات والاسطح

ترى الشرفاء واهل الكرامه مايرضون بهالمهنه هذي لو يكون عاطل عن العمل

أنا واحد من الناس أرفض مثل هذا العمل

لأني جامعي

بس إللي عنده إبتدائية و لا متوسطة يعينونه وزير
!!!!

إذا لم يقم الكويتيون بخدمة ديرتهم و كل واحد حسب شهادته و خبرته
فمن يقوم بتلك الأعمال ؟؟؟