* لم تمر قصيدة سليمان زعل آل غازي الشمري ... المسجون في ( سجن نجران )
التي انتخا .. بها قبائل يام .. كافه ..
مرور .. كرام على أبناء ومشايخ ( يام ) الكرام ..
الذين ..
لم يذخروا وقت في تلبية هذا الطلب .. و طلب المساعده ..
التي خصهم بها .. سليمان زعل الشمري 61 عام ..
و قد توافدوا قبائل يام ..
على حائل ..
من الكويت , ونجران , والرياض , وقطر ...
و طالبين .. من أهل القتيل ( سيف الهمزاني ) ..
العفو والصفح ..
وهنا .. قصيدة سليمان الشمري ..
يا فزعة المضيوم أهل نجراني *** شيوخ أهل نجران والأعياني
يالفزعة اللي تنصف المضيومي *** لي بانت الخلة على العرباني
لي جاء النهار اللي يثور غباره *** أصغـركم اللي ينطح القيماني
الوادي اللي محتمين حدوده *** منا ومنا والله الرحماني
يا أهل البيارق والقنا والفزعة *** يا اللابة اللي تمنون الجاني
هذا الليالي بالبلاوي تبلا *** والميل في الدنيا مع الأزماني
تصبح السالين في دنياهم *** ويمسون في هم (ن) وفي حقراني
وتهجد اللي غافل (ن) في نومه *** يصبح ضعيف (ن) عاجزن خسراني
خـريم أبو ساق يامن نزهم *** ينخاك من هو من وراء البيباني
يا صامل الوقفه زعيم أبطالك *** يا مكرم الجيران والضيفاني
انته محل القدر والجاهيه *** والفارس اللي ينزل الميداني
تكفا ترا شومان قرب حده *** من نسل شمر بن زعل سلماني
وانخاك يا بن منيف وانخا ربعك *** انخاك وأنا داخل الاسجـاني
لانك عقيـد (ن) لي دعاك الداعي *** تفزع وتشفع وأنته الربحاني
وانخاك يا ابن نصيب تكفا تكفا *** ينخـاك مـن هو فـي سجن نجراني
وانخاكم يا رجال وعيل واحد واحد *** والشيخ مقرع حق ابن هضباني
وانخا ولد ذيب مبارك لانه *** ابوه ذيب وجده المهاني
شيخ الرجال مكمليـن اللازم *** اللابة اللي ما بها الذلاني
والشيخ ابن فهاد راعي البيرق *** محمد اللي ينزل الحداني
أبوه عايـض يحتمي في الماقـف *** وخلف شيوخ (ن) كلهـم شجعاني
ولسلوم ننـخا شيخهم ورجاله *** انخاك وفزع يا ولد قعواني
وانخا قبايل يام كل (ن) باسمه *** وأنخا بني مره مع العجماني
في منطقة نجران حل اعدامي *** ولا لي سوا يام وانا وحداني
اصيح بأعلى صوت وأنخا يام *** باقي شهر للراس مـع شوماني
وقفة ودعوة والله يجازيكم *** باحسانكم يا يام بالإحساني
والله مالي من يوقف جنبي *** أنخا وأنا شايب وحيلي واني
عمري قضى الستين يمكن واكثر *** وما ظنتي في يام من ينساني
يا فزعة المضيوم أهل نجراني *** شيوخ أهل نجران والأعياني
وهذه القصيده بصوت شاعرها :
والصور .. ستكون ضمن الردود ..
:وردة:
