ياخوي لا تلوم المحامي الجويسري هو لما شاف كل من سوى له فلم أو مسرحيه بحبكه دراميه وببهارات حكوميه
خن بط .. ألا وثاني يوم صار عضو مجلس أمه وعنده بعد حصانه .. قال خلني أجرب وأسوي مثلهم بلكي تضبط معاي ..!!
1- خالد الطاحوس قام يهدد بتحريك المجاميع وقامت الحكومه ودخلته سجن أمن الدوله كم يوم وعلى هالسالفه تعاطفوا معاه العجمان
ونجحوه بالانتخابات الفرعيه وياسبحان الله في نفس يوم نجاحه طلعوه الحكومه من السجن بعد ساعه وحده فقط من نجاحه بالانتخبات الفرعيه ..!!
2- ضيف الله بورميه لما شاف وضعه الانتخابي في الانتخابات الماضيه مهزوز حيل خصوصآ بعد مخرجات فرعية مطير القويه ووجود مسلم البراك المرشح القوي والمرشح الاول لمطير خارج فرعية مطير
وعرف بأن فرصة نجاحه ضعيفه بالحيل قام وهاجم النائب الاول لرئيس مجلس الوزراء ووزير الدفاع الشيخ جابر المبارك وقال عنه بأنه لا يصلح ليكون رئيسآ لمجلس الوزراء وأنه وااااااااااجد عليه بأن يعمل
رئيس قسم بوزارة الشئون وبعد هالتصريح الناري قامت الحكومه وقبضت على بورميه وسجنوه بأمن الدوله كم يوم وتعاطفوا معاه المطران ونجحوه بالانتخابات الرئيسيه وتركوا ماجد موسى يواجه مصيره ويسقط ..!!
3- فيصل الدويسان كان يبيع صوته في خيطان ونزل في أنتخابات 2008م وجاب 17 صوت فقط وايضآ كان سني وقلب لشيعي متعصب
وقام يهاجم السنه والشيخ عثمان الخميس وفي أنتخابات 2009م تعاطفوا معاه الشيعه ونجحوه الشيعه وبعد طلعوه الخامس في الدائره الاولى ..!!
4-عسكر العنزي من محل البخور ودهن العود صار يشره المفاتيح الانتخابيه سيارات جيبات لكسز ونجحوه عنزه
وسقطوا مرشحينهم الاربعه كلهم اللي نجحوهم وطلعوهم بأنتخابات عنزه الفرعيه وصار المرشح عسكر .. النائب سكر ..!!
5- حسين القلاف سقط في أنتخابات 2006م وعصب وقام يهدد قاعدته من الناخبين الشيعه بأنه راح يخلي جدته أدخلهم النار
إذا ما نجحوه في الانتخابات الجايه وفعلآ خافوا منه ونجحوه في أنتخابات 2008م و 2009م وطلعوه بعد بالمركز الاول بالدائره الاولى ..!!
فياعزيزي ويامحفوظ السلامه
الجويسري لما شاف هذولا صاروا نواب عن طريق هالافلام وهالمسرحيات قال ماهم أحسن مني خلني أسوي لي هالمسرحيه يمكن تضبط وياي لما أهاجم شركة زين واقول عنها .. مثلآ ..
ليش تنكتون وتقولون بمسجاتكم البايخه عن العوازم جياكر .. بلكي العوازم لما أنزل الانتخابات الجايه يتعاطفون وياي لأني دافعت عنهم وينجحوني وأصير .. النائب القادم والناجح عن طريق .. نكته ..!! 
