الاعياد الوطنية ... !

liberalism

عضو بلاتيني
كل دول العالم اللي عندها يوم وطني

تحتفل بطريقة

تخطف الانفاس ..

جميلة

راقية

و بذوق رفيع جدا ...


خلونا نستعرض بعض الصور و نقارن :D



gib_national_day_3.jpg



اليوم الوطني في فرنسا





friend-orange-hh09-560x350_tcm503-147801.jpg


اليوم الوطني في هولندا







913c1f77c55f7a775a262003a0886a5d.jpg



اليوم الوطني في بويرتوريكو






22863-rameshmenon-albums-36th-uae-national-day-photos-picture1267-11-cars-et-procession-corniche-street.jpg


اليوم الوطني في الامارات العربية المتحدة






headline570352.jpg



اليوم الوطني في الكويت




------

واضح من الصور ان كل دول العالم تحتفل بطريقة حضارية

الا بالكويت !!!!

اغنى دولة ..

اكثر شعب مرفه

و شوف تصرفاتهم الصبيانية !!!

يا جماعة منو فيكم حاب طريقة الاحتفال هذه ؟؟؟

هل هذا هو حب الوطن ؟؟؟

هل هذه الوطنية ؟؟؟

ناهيكم عن الحوادث اللي تصير ..

و السب و الشتم

و التسيب اللي يصير

دون مراقبة الاهل و دون مراقبة للنفس ...

احتفلوا .. بس مو جذي عاد !!!!

يعني الشوارع ما تنبغى عقب المسيرة من القذارة اللي فيها

و مو بس الكويتيين يسوون هالحركات !

عطوا مجال حتى حق الوافدين يخربون و يوصخون الديرة ..

ناهيكم عن قلة الادب اللي تصير بالشوارع ..

بالامس كنا بنروح المطعم .. و الحمدلله وصلنا

و تالي قعدنا برا شوي نشوف الاجواء

و يا ريتنا ما شفنا !!!

مراهقين تحس انهم بدون اهل !!! يتعدون على بعض بكلام بذيء

و يرشون الفوم على بعض و على السيارات ..

يعني مو واجهة طيبة هالطريقة بالاحتفال !!

تلقى اليهال و الكبار نفس الشي

ما تقدر تميز منو اللي عقله كبير و منو اللي لأ ...

يا حلات المسيرة من 1991 الى 1995

الناس تغني و ينزلون من السيارات و يمشون

بدون محد يضايقهم

و من بعدها ... كل ما يصير وقت الوناسة بالعيد الوطني نقول

اففففففف تبلش الشطانه الحين !!

و عسى ما واحد نزل دريشته الا و سبحوه بالرغوة !!!

عقول لا تعرف كيف تحتفل .. و لا تعرف ان هذا اسمه كره للوطن

لأن اللي يحب وطنه ما يوصخ الشوارع بدون رحمة !!!

لو كل ولي امر ينبه عياله بالتصرف بأدب

ما تصير هالمشاكل ..

لكم مني اجمل تحية

و حافظوا على ديرتكم .. و استانسوا بالمعقول رجاءً !


:وردة:
 

إسبآنيول

عضو مخضرم
يا حلات المسيرة من 1991 الى 1995

الناس تغني و ينزلون من السيارات و يمشون

بدون محد يضايقهم

هذه اهم نقطة بالموضوع :cool:

عزااااه ذكرتيني بالزمن الجميل والذي مضى ومستحيل يرجع واصبح تاريخ حاله حال الدولة القسطنطينيه و اخواتها :D

في الكويت فقط أكثر من يخرج لمسيرات الاعياد الوطنية وافدين ...

يعتقد بعض موصلي طلبات المطاعم ., ان الشارع المؤدي الى الشامية الدسمة من الخليج احد شوارع ريو دي جانيرو ... !

964333596.jpg
 

سور الوطن

عضو بلاتيني
headline570352.jpg



اليوم الوطني في الكويت




------



الفرح والبهجة من مظاهر الاحتفال ولكن بشرط عدم التعدى على سلامة الاخرين، لا مانع من رش الفوم على السيارات للتعبير عن الفرحه ولكن هناك البعض يحاول رش الفوم على وجوه الناس وهذا فيه ضرر للاخرين، تمتع وافرح ولكن لا تضر مصالح الناس ، هناك البعض من الجمهور يوقف سيارتة فى الشارع ولا يراعى شعور للاخرين وهذا مرفوض .
:وردة:
 

ريميــة

عضو مخضرم
أعتقد عند كل دول العالم تصير أعمال شغب في الأيام الوطنية خصوصا من بعض الصغار

لهذا خفوا على الكويت شوي

بعدين اللي مايبي مسيرات وزحمة يقعد بييته ومحد بيقرب صوبه !
 

ألماسه

عضو مميز
كل دوله من دول العالم لها طريقتها في الاحتفال باعيادها الوطنيه

وما يحصل حاليا في دولة الكويت من مظاهر سلبيه تعتبر عادات دخيله

لم نراها من قبل, كل سنه نحتفل ما شفنا الي صاير هالايام.

يا حلو احتفالاتنا قبل .
 

liberalism

عضو بلاتيني
المسيرة .. مو معناته نرش فوم !!! من متى المسيرة فيها فوم ؟؟؟

رش الفوم ابدا مو من مظاهر الفرحة ...

الاحتفال بالعيد الوطني لازم يكون باحترام دون التعدي و مضايقة الاخرين !

رش الفوم على السيارة يحجب الرؤية خصوصا اذا كان اللي يرش هيلقي !!! و يرش على الزجاج الامامي

لا و فوق هذا يرفع المشاشة عشان ما تمسح الفوم .. بالله عليكم هذي فرحة ؟!!!!

الا هلاقة و قلة ادب !

و لو بيشوف اهله بهالموقف بيموت من القهر

الفرحة مو بالأذية ...

---

و دول العالم لو بيصير فيها شغب .. في قانون يردعهم .. و في شرطة لهم هيبة و كلمتهم تهز بلاد ..

مو مثل اللي هني ياخذ الفوم من الاولاد و يعطيه البنات !!!!

و لي حاولوا يردعون ولا يتخذون الاجراء اللازم .. يلقى الاعضاء بالمرصاد و الواسطات شغاله ..

شي يفشل ..

الفتنة و الفساد بالكويت ما يصيرون الا ب (( رمضان , محرم , العيد الوطني )) :D
 

Normal

عضو مخضرم
بعد تدقيق في الصور .. والمقارنه بين اعيادنا واعيادهم ..

عندي وجهة نظر .. و اعتقد انه سبب مقنع لـ هالمظاهر ..

الاعايد الوطنيه عندهم .. لاحظي زميلتي ليبرال ان كل المشاركين ليسوا اطفال او مراهقين

بل شباب وكبار في السن واعتقد يمنع مشاركه الاطفال او لا اعتقد ان احد يدخل عياله بزحمه

الاعياد لانه طبعا يخافون على عيالهم مو نفسنا ;)

اما عندنا الوضع مختلف .. الاحتفال تقريبا فقط للاطفال والمراهقين .. وحتى كبار السن

متواجدين على شان اطفالهم يرشون رغوه وماي على العالم ويوّنسونهم ..

عادي انتي تخيلي مسيره وحشود 80% منها مراهقين واطفال ..

شنو راح يصير ..؟!

زين ما نشوف تصرفات اكثر واعجب من الي نشوفه
 

إسبآنيول

عضو مخضرم
مسيرة الكويت الحلوه 2010 :

30% بدون

20% مصاروه

20% زلمات

10% سعوديين

10% قطريين

5% بنغال وهنود

5% كويتيين توههم متجنسين

"وعاشت لنا الكويت" :cool:
 
أعلى