ليت عيني تخـف مـن التعابيـر
دام دمعي عجـز يحيـي ضميـره
وإن نسى إني أحبه خير يـا طيـر
مات قلب وحيـا عشريـن غيـره
قد نشف ريقي البارح وأنا أسيـر
وإدعى بالعطـش والمـاء ببيـره
ياهبوب الشمـال أحلامـي تطيـر
وإنتي اللي نقـل ريحـة عبيـره
ما نبت في وسط صدري نواويـر
لأجل أبـوح بسواليـف السريـرة
رفقة الهـم رفقـة نافـخ الكيـر
لا حضر ذاقت ضلوعـي سعيـره
لا تخيلت بكره وش يبـي يصيـر
قلت ربي عسـى يعطيـه خيـره
جاء لقلبي وهو شيـخ الغناديـر
وغاب عني وهو عيني البصيـرة
البقى بـراس الأوراق المساهيـر
والبكى ما تـرك للشعـر سيـره
ما كتبت القصايد يومـي صغيـر
مدخرهـا .. للأيـام العسيـرة !!
وقت ما ألقى مكاني وأطلق الطيـر
والفضاء ياسع الشاعـر وطيـره[/FONT][/CENTER]
كبـــــيــــــر شاعرنا نوماس :وردة: