سؤال وجواب خامات الدشاديش

لا اجيد المقدمات

ابي خامات طيبه وشنو الاحسن الياباني ولا الانقليزي وغيرهم

اهم شي تكون نااعمه

وهم تنصحوون بلقطن الصك ولا مخلوط

ونصايحكم وتجاربكم وافضل محلات الخامات معي ذكر العنوان

وبلمره خياط سنع

اهم شي ابي خمات ناعمه

اشكركم
 

بو عصام

عضو بلاتيني
الناس أذواق

الشتوى بريطاني

والصيفي سويسري وايد ناعم

من ماركيز شارع فهد السالم - عمارة انوار الصباح

الخياط كان خياط صابر..
خلقه الله لمهنة خياطة الدشاديش...
الدشداشة الوحدة 8 دنانير وتسوى ....
توفي قبل عدة اشهر عن عمر ما يتعدي ال 35 سنة...
الف رحمة عليه

بعده خياط الماس مقابل المطافي خلف المثنى

تحياتي
 
دعك من الانواع جميعها وعليك بـ اليابـانـي . سعره معقول .و مايتعفس !!
واللوانـه رسميـه ..

الصيفـي اخذ ياباني .. لان اليابانـي مايفرق عن الاسباني والسويسري والخ شي ؟ اللوان متشابهه جداً ..
ولايفـرق بينهـم شـي !! بلعكس اليابااني افضـل .. وارخص جداً

الصيفـي واحـد اخذ الخامات العاديـه . الي سعرهـا معقـول .. لان الصيفـي بتفصل دبل الشتوي مرتيـن !!
الصيفي بليوم 2 تلبس !!
عكس الشتوي ..

بـ النسبـه للشتوي .. طبعـاً الانقليـزي والخامـات السويسريه والاسبانيـه .. لان اللوانها جميـله .. ونقشاتهـا رائعـه .. ودافئـه ..
 

الكاشونة

عضو ذهبي
في صيف السنة الماضية اشتريت دشداشتين من معرض الأمراء في مجمع الصالحية

ماركة جفنشي ( كوبون ) بـ 45 دينار للدشداشة الواحدة , لكن بعد فترة قصيرة

شفت نفس الخام في البلوكات بـ 2.500 دينار للمتر !!

الفرق الوحيد هو الأزرة ( الزراير ) اللي يعطونك إياهم في المعرض مكتوب عليهم ماركة جفنشي .. !

أنصحك خلك على الياباني 2.500 دينار للمتر مثل مانصحوك الأخوان ( رخيص و كويس ) , و إذا تبي

تكشخ شوي عندك الألماني و إلا الأسباني بـ 4 إلى 5 دنانير للمتر , لكنه يتعفس بسرعة لأن

نسبة القطن فيه عالية ..

تحياتي ,,
 

ALQALLAF

عضو
الخامات انواع واشكال الشتوي عليك بالانجليزي بس سعرة غالي ودقق على الخيط 165 او 135 وعندك الكشميري هم ممتاز بس الاصلي وهذا تحصلهم عند عبد الرزاق الكاظمي او ابو الحسن ،اما الخامات الصيفية الافضل السويسري ممتاز جدا يلية الفرنسي ثم الاسباني بس هم يتعفس اكثر من الي قبل ولا تنسى تنقع الخام بالماء قبل التفصال، شيئ ثاني خام طيب وخياط اخرطي ما ينفع ولا تخيط الا دق الابرة مو خياط مكينة.
والناس اذواق وشكرا
 

شبابي

عضو فعال
الخامات انواع واشكال الشتوي عليك بالانجليزي بس سعرة غالي ودقق على الخيط 165 او 135 وعندك الكشميري هم ممتاز بس الاصلي وهذا تحصلهم عند عبد الرزاق الكاظمي او ابو الحسن ،اما الخامات الصيفية الافضل السويسري ممتاز جدا يلية الفرنسي ثم الاسباني بس هم يتعفس اكثر من الي قبل ولا تنسى تنقع الخام بالماء قبل التفصال، شيئ ثاني خام طيب وخياط اخرطي ما ينفع ولا تخيط الا دق الابرة مو خياط مكينة.
والناس اذواق وشكرا


يعطييك العافيه اخوي ..

ممكن تفيدنا ليش نقع الخام بالماء ؟!
 

بقيييط

عضو ذهبي
طبعا راح اتطنزوون يمكن واحد مثل حلاااتي يقراء الموظوع ويقراء تعليقي كل الي تقولوونه اقل متر 2 دنارين انا اقوول كل الي ذكرتووه الغالي منه الدشداشه الكامله ثلاث امتار 3 دنانير عرضين ويفكه لك من طااقته مو تقولي خرباان بسووق الجمعه تحصلوونهم
 

ليله ويوم

عضو بلاتيني
شوف يبا


الصيفي خذ لك خام ياباني رسمي وحلو ومايتعفس وسعره معقول جدا


الشتوي خذ خام كشميري اصلي أو انجليزي وانصحك نصيحة أخو لاخوه لا تخام خام شتوي صيني


ورب الكعبه لتندم الخام الصيني اربع خمس غسلات وينمش وتحس الخامه تتغير حيل وتصير مثل الخيشه


ان قالك خام صــــــــــــيني قوله مشكور واطلع
 

الحر_189

عضو مميز
انصحك من واقع تجربه الاسباني واذا انت ما تعرف اتكاسر اشتر من من اجواخ ابو الحسن بسوق الاقمشه اللي بالديره قوله ابي اسباني

والخياط خياط النجمه بابراج العوضي
 
أعلى