.. Fish Market .. / سوق السمك

ريما القمر

عضو مخضرم
عندي صديق عزيز ويعتبر أكثر شخص أمون عليه


كل فترة نفضي أنفسنا ونطلع نسوي مساج وحمام مغربي ونحلق ونتغدا أو نتعشا

ومافي معهد أو مطعم ما جربناه

والمرة القادمة ستكون لهذا المعطم وبقول للجرسون أبي نفس طلب ريما !


تهقين بيعرفج؟ :D




لا والله ماراح يعرفني ..

لأني مادخلت هالمطعم إلا مرتين ..

وانتبه على شغله ..

راح تشوف كل الطاولات نفس هالطلب .. :D



.​
 

kkk

عضو مخضرم
ياسلام على الشيف الكويتي المحترف .. :D

أهم شي بس ماتوهقني مع الزباين بالويك إند وماتجي .. :confused:



.​
هذا اكيد..انا مثل الحكومة :D
الشغل فقط بايام العمل الرسمية...:mad:
المطعم ..حسب النظام العلماني او السلفي
ممكن نفهم..
يعنى اتحجب ..او املط..;)
 

ريما القمر

عضو مخضرم
:D
هذا اكيد..انا مثل الحكومة :D
الشغل فقط بايام العمل الرسمية...:mad:
المطعم ..حسب النظام العلماني او السلفي
ممكن نفهم..
يعنى اتحجب ..او املط..;)


الحمدلله إن السمج كله حلال ..:D

يعني ما أتعب نفسي وأجيّك من وراك ذبح اسلامي ولالا .. :confused: :mad:

بس ترا الستر زين .. غط صلعتك الله يجزاك خير .. :p



.

 

بو عصام

عضو بلاتيني
هذا هو المطعم...بجانب بيوتنا ايام قبل
fish2i.jpg
fishh.jpg
 

بو عصام

عضو بلاتيني
.​



بيوتكم قبل ..​

طلعت من اهل الدمنه .. :)

بوعصام قولنا انطباعك عن المطعم .. ؟​

وشنو كان الطلب ؟​



.​


نعم من الدمنة:D

بصراحة ما جربته....

ذكرتك وانا رايح النادي البحري بالصبح للحداق..

وقلت أصور المطعم وارفعه بالموضوع..

راح اروح له الأحد انشاءالله وأعطيك رأيي...
 

ريما القمر

عضو مخضرم
نعم من الدمنة:D


بصراحة ما جربته....

ذكرتك وانا رايح النادي البحري بالصبح للحداق..

وقلت أصور المطعم وارفعه بالموضوع..


راح اروح له الأحد انشاءالله وأعطيك رأيي...




إن شا الله ..

أنصحك تطلب القباقب بالجبن والكريما ..

ولا تنسانا بالصور ..


.​
 

بوحذيفه

عضو ذهبي
بصراحه خوش مطعم ...

الاكل لذيذ وفرش ...

رحت له قبل يومين ...

واخذت معاي 20 دينار بس ...(طبعا الكي نت موجود تحسبا لاي طاريء)

لاني اخذت السالفه تحدي ...:cool:

ورغم اني طلبت ..

( بياح مشوي من الحجم الكبير نوعا ما + سي فودسوب +نص كيلو ربيان مقلي + عدد 4حباب قبقب ترمادور + سلطة الجرجير)

الا ان الطلب مع الاسف ...:(

طلع ...:eek:

اقل من ال20دينار :إستحسان::إستحسان:

15دينار وخرده ....:D

مشكوره ريما علي المطعم بميزان اعمالج ان شاء الله

:وردة::وردة:
 
التعديل الأخير:

ريما القمر

عضو مخضرم
بصراحه خوش مطعم ...


الاكل لذيذ وفرش ...

رحت له قبل يومين ...

واخذت معاي 20 دينار بس ...(طبعا الكي نت موجود تحسبا لاي طاريء)

لاني اخذت السالفه تحدي ...:cool:

ورغم اني طلبت ..

( بياح مشوي من الحجم الكبير نوعا ما + سي فودسوب +نص كيلو ربيان مقلي + عدد 4حباب قبقب ترمادور + سلطة الجرجير)

الا ان الطلب مع الاسف ...:(

طلع ...:eek:

اقل من ال20دينار :إستحسان::إستحسان:

15دينار وخرده ....:D

مشكوره ريما علي المطعم بميزان اعمالج ان شاء الله


:وردة::وردة:




ياحبكم للرخص يالكويتيين .. :)

سلطه الجرجير عجييييبه ..

وياليتك طلبت الربيان المشوي عندي ألذ من المقلي ..

شكراً .. :وردة:


.
 

بو عصام

عضو بلاتيني
إن شا الله ..

أنصحك تطلب القباقب بالجبن والكريما ..

ولا تنسانا بالصور ..


.[/CENTER]

أصريت على الربع اليوم نروح المطعم....

الأكل روعة والمطعم روعة....

والأصدقاء كلهم عجبهم المطعم

ويسألوني من دلاك عليه..

وانا أقول ريما القمر:D

مشكورة من القلب على الموضوع..

ونعم أكلت قباقب بالجبنة... لذيذة جدا

باختصار أفضل مطعم بحري أكلت فيه

صورت وانشاءالله أرفعهم غدا
 

ريما القمر

عضو مخضرم
أصريت على الربع اليوم نروح المطعم....


الأكل روعة والمطعم روعة....

والأصدقاء كلهم عجبهم المطعم

ويسألوني من دلاك عليه..

وانا أقول ريما القمر:D

مشكورة من القلب على الموضوع..

ونعم أكلت قباقب بالجبنة... لذيذة جدا

باختصار أفضل مطعم بحري أكلت فيه


صورت وانشاءالله أرفعهم غدا




هذا الكلام الحلو .. :وردة:

الحمدلله إن المطعم عجبك ..

والقباقب فعلاً عجيبه عندهم ..

وبانتظار الصور .. :)




.​
 

الغلس

عضو ذهبي
نعم من الدمنة:D



بصراحة ما جربته....

ذكرتك وانا رايح النادي البحري بالصبح للحداق..

وقلت أصور المطعم وارفعه بالموضوع..


راح اروح له الأحد انشاءالله وأعطيك رأيي...

اففففففففففففففففففففففففف
ما زلنا من أهل السالمية

بصراحة أحبكم أثنينكم
لأنكم تحبون الزفره ...مثلي

لكن أنا ما أحب أكل المطاعم
إذا ما صار طباخ البيت
مجبوس... ولا بحاري
المعبوج
دقوس صبار
والحشو الطيب
أفففففففففففففففففففففففف
قلاس لبن

بعدين تطيح على بردك
يا من يشيلك

:وردة:
 

Sha3ree

عضو فعال
مطعم جميل ..

كان عندي ضيوف قبل فتره ورحت انا وياهم لمطعم Fish Market

بس بعدها باسبوع رحت لمطعم النوخذه وعرفت الفرق ..

انصحكم بمطعم النوخذه

مو طبيعي

ريما :وردة:
 

الفراشة

عضو مخضرم
ريمي ياقلبي ....

بعد موضوعك ... قررت أن أذهب للمطعم لأني أحب الربيان ....

المهم كنت أسولف عند صديقتي أني بروح له ... قالت فاتحين لهم فرع في أبو حليفه ... طبعاً ماصدقت ...

وعلى طول رحت المطعم ...

الأكل لذيذ لذيذ لذيذ .... جد شكراً أحلى أكل بحري مر علي ...

وهذه الصور :

picture.php





picture.php


picture.php



picture.php



picture.php
 

ريما القمر

عضو مخضرم
عليج بألف عافية .. :وردة:​

وين مكانه بالضبط ..؟​


سولفي لنا عن هالطبق شوي ..​

شكله ماشا الله روعه ..​



picture.php



تمنيت لو إنج طلبتي القبقب بالجبن والزبدة مع المشروم .. :)

والمرة الثانية جربي عندهم سلطة الجرجير​



عوافي ..​


.​
 

الفراشة

عضو مخضرم
عليج بألف عافية .. :وردة:​


وين مكانه بالضبط ..؟​


سولفي لنا عن هالطبق شوي ..​

شكله ماشا الله روعه ..​



picture.php



تمنيت لو إنج طلبتي القبقب بالجبن والزبدة مع المشروم .. :)

والمرة الثانية جربي عندهم سلطة الجرجير​



عوافي ..​



.​


الله يعافيش ياقلبي ...

اهو على طريق البحر في أبو حليفة صوب مجمع المطاعم بالضبط عند ماكدونالدز والطازج اللذيذ ...

القبقب مالي خبرة فيه... أول مره أكله في حياتي ... بنت أختي طالبته لنا بس كان لذيذ فعلا..

والمره الجايه باختار نفس طلبش ...

أما هالطبق فهو سمك هامور بالبقسماط مع الشبس .... هذا طالبته بنت أختي الصغيره تخاف من عيون الربيان :D ....


لكن أنا اللي قتلني ... ام الربيان مع الكريمه والمشروم ... عالم ثاني ....

فعلا أمس كان أحلى غداء مر علي ... والمعزومين كانوا يدعون لش ....

ويقولون وين هالمطعم من زمان ....
 

ريما القمر

عضو مخضرم
الله يعافيش ياقلبي ...

اهو على طريق البحر في أبو حليفة صوب مجمع المطاعم بالضبط عند ماكدونالدز والطازج اللذيذ ...

القبقب مالي خبرة فيه... أول مره أكله في حياتي ... بنت أختي طالبته لنا بس كان لذيذ فعلا..

والمره الجايه باختار نفس طلبش ...

أما هالطبق فهو سمك هامور بالبقسماط مع الشبس .... هذا طالبته بنت أختي الصغيره تخاف من عيون الربيان :D ....


لكن أنا اللي قتلني ... ام الربيان مع الكريمه والمشروم ... عالم ثاني ....

فعلا أمس كان أحلى غداء مر علي ... والمعزومين كانوا يدعون لش ....

ويقولون وين هالمطعم من زمان ....



عسى الله يسعدكم .. :وردة:

ويفرح قلوبكم إن شا الله ..

سلطة الجرجير عندهم خيال ماعمري ذقت نفسها بمكان ثاني ..



.

 

k7elan

عضو بلاتيني
ما تطري على الواحد المشاوير الا وقت الامتحانات :)

لذلك مريت على المطعم بالسالمية ظهرا بعد ما طلعت من احد الامتحانات بمعنويات عالية


كنت ناوي اطلب قبقب فلم يسبق لي أكله لكن لما شفته و لمسته غيرت رايي

و طلبت من المنيو روبيان سويت اند سور ( حلو و مر )

بعد خمس دقايق وصل الطلب , و الروبيان غير الروبيان اللي اعرفه من مطاعم شرمبي

طازج حجمه اكبر و طعمه الذ بكثير

و ان شاء الله امر عليه مرة اخرى بالايام المقبلة



شكرا
 
أعلى