ماذا تنتظر فرقة الازلة ..هل تنتظر مثل هذا العمل ؟ فيديو

ع

عقلاني09

عضو فعال
مقاطع لشخص هندي هدمو بيته وكانت ردت فعله قوية
شاهدوا المقاطع

http://www.youtube.com/watch?v=8H5DBVRKcKs&feature=related



ماذا تنتظر فرقة الازالة؟

بعد وفاة المواطن الهاجري بسكته قلبية نتيجة ازاله ؟

وماذا نتظر يا الازلة ؟

ارحموا مافي الارض يرحمكم مافي السماء

قلت متجاوزين قلنا حاضرين ...

اعطونا قوانين جديدة وشروط جديد ونعمل بها

ولا حياة لمن تنادي

قلت لنا املاك دولة

قلنا حاضرين

وطول 30 سنة ساكتين الان املاك دولة
هل الدولة لا تدري عن املاكها 30 سنة ؟!

قلتو سكن عزاب

قلنا حاضرين اذبحونا تجار الاقامات باشراف حكومي وحبة خشوم

وقلتوا وقلنا
ويستمر المسلسل ...
 
ا

اقشر

عضو مميز
عقلاني ,,,
فال الله ولا فال هذا الهندي ,,

الله يهداك بس مو لهدرجه توصل يبا المواطن الكويتي بسيط وماله بلمشاكل ,,
بس الله يهداهم فرقة الازالة على ناس ولا ناس ,
مادري ليش هتفرقه ..,

الله يحفظ الكويت واميرها وولي عدها وشعبها يا رب ,,
هذي الكويت صل ع نبي
توقع يصير العن من هذا :) :)​
 
ع

عقلاني09

عضو فعال
بدرالمطيور قال:
ممنوع التجاوز و التعدي و السرقة

من أملاك الدولة

فذلك يعتبر تعدي على المال العام
أنقر للتوسيع...

بدر المطيور

كلام عين العقل

املاك الدولة كلام جدا جميل ورائع وفكاهي بنفس الوقت :D

اخوي بدر

كما قالك اخوي الاقشر
ناس وناس

اما سالفة املاك الدولة ..
مع الدولة في املاكها شبر شبر على عيني وعلى راسي
لكن الحيادية والموضوعية مطلوبة
يعني على ناس وناس
بعدين بسئلك املاك الدولة حبكت هالسنتين هذي
وينهم قبل ثلاثين سنة
ولا ربعنا يحبون لما يكبر الشي ويصدرون قرارات تجيب العيد :D

تحياتي لك هاك ...:وردة:تقبلها يا بعد جبدي انت
 
Z

zooom55

عضو فعال
الله يحرب بيت الهندي والله رجال انغبن هههههههههههههههههههههههههههههههههههههههههههههههههه
 
Q

q8-online

عضو
والله العظيم لما أشوف مواضيع بعض هالأعضاء يحوشني مغص في معدتي ... يعني شنو تبي بالضبط تبي كل واحد يطقله ديوانية جدام بيته و يصكر الشوارع و يسوي أفلام .. أنتوا بأي ديرة شفتوا المواطنين كل واحد حاط ديوان عند بيته و الله طرطرة ... يا أخي لجنة الإزالات تقوم بواجبها و الله يعطيهم العافية ( مع وجود بعض الملاحظات ) و أخيرا صرنا نشوف شكل مميز وواضح للمناطق السكنية بعدما كانت مثل سوق الخضرة من كثر الشينكو ... إحنا شعب تعودنا على التفلسف و الخربطة و اللغوة الزايدة .. أنا أقول حمدوا ربكم و شوفوا الشعوب الي حوالينا شلون عايشين .. و لا أحد يقولي البيوت صغيرة و ما تكفي البيوت راهية للي يعرف ينظم نفسه و عايش و راضي و مقتنع بنصيبه في شي إسمه بدل إيجار مو لازم تقعد بفيلا حضرتك يا أخي مد إيدك على قد لحافك بس مصيبتنا كلنا مصيبة


و أنا مقتنع بأن الشعب الكويتي لازم يتعامل معاملة قاسية شوي علشان يحس على دمه لأن الكثير منا ما عندهم سالفة إلا التحلطم و تلقاه قاعد ببيتأقل شي 600 متر و يبي ديوانية والله مصيبة هالناس











​
 
ك

كويتي منتف

عضو مخضرم
q8-online قال:
والله العظيم لما أشوف مواضيع بعض هالأعضاء يحوشني مغص في معدتي ... يعني شنو تبي بالضبط تبي كل واحد يطقله ديوانية جدام بيته و يصكر الشوارع و يسوي أفلام .. أنتوا بأي ديرة شفتوا المواطنين كل واحد حاط ديوان عند بيته و الله طرطرة ... يا أخي لجنة الإزالات تقوم بواجبها و الله يعطيهم العافية ( مع وجود بعض الملاحظات ) و أخيرا صرنا نشوف شكل مميز وواضح للمناطق السكنية بعدما كانت مثل سوق الخضرة من كثر الشينكو ... إحنا شعب تعودنا على التفلسف و الخربطة و اللغوة الزايدة .. أنا أقول حمدوا ربكم و شوفوا الشعوب الي حوالينا شلون عايشين .. و لا أحد يقولي البيوت صغيرة و ما تكفي البيوت راهية للي يعرف ينظم نفسه و عايش و راضي و مقتنع بنصيبه في شي إسمه بدل إيجار مو لازم تقعد بفيلا حضرتك يا أخي مد إيدك على قد لحافك بس مصيبتنا كلنا مصيبة


و أنا مقتنع بأن الشعب الكويتي لازم يتعامل معاملة قاسية شوي علشان يحس على دمه لأن الكثير منا ما عندهم سالفة إلا التحلطم و تلقاه قاعد ببيتأقل شي 600 متر و يبي ديوانية والله مصيبة هالناس



​
أنقر للتوسيع...

توكلنا على الله

قبل لا أناقش معاك المغص اللي يحوشك في معدتك خلني أبدا معاك من الآخــر يازميل..
عندك قناعه بأن الشعب الكويتي لازم يُعامل معاملة قاسيه شوي ..وآنا أسألك
أي معامله قاسيه أكثر من هذي اللي أهو قاعد يلقاها من عدة سنوات ؟

الحكومة يازميل صار لها 4 سنين تقريباً قاعده تسئ لشعبهـــا بعدة أشكال وصور.

نجي الحين لمغص معدتك اللي يحوشك كلما قريت مواضيع بعض الاعضاء فأقول لك
كن على ثقه بأن الناس لولا هذا التفريغ عن مكنوناتها لأنفجرت منذ زمن..
خل الناس تعبر وتقول رايها وأنا من صوبي أحيي الزملاء وأشجعهم
على ضرورة عدم حبس المشاعر بالقلوب..طلع اللي عندك
وقول وخل الناس ياتشاركك آلامك ياتتشمت وتتفلسف .


تحياتي


​
 
ك

كويتي عربي مسلم

عضو فعال
مد إيدك على قد لحافك !!

ويدعون إنهم كويتيون

حتى لو أزالوا البيوت بنحط خيام ونقعد بكويتنا

أصلا الخيام أبرد وأحلى تحسسك بالماضي الجميل
 
K

kh2008

عضو بلاتيني
يافرقة الازاله ديرو بالكم وكل واحد يكتب وصيته ترا الطق وصل خشم البعير انتبهو هههههههههههههههههه
 
ت

تكتل شعبي

عضو مميز
رئيس الازالات البدر
انصحه انه يروح عيادة عيون
ويفحص النظر لان عنده وحده من عيونه مايشوف فيها
تعديات الشويخ والشاليهات
اما الثانية ياربي لك الحمد
6/6 علينا فقط
((( الظلم ظلمات يوم القيامة)))​
 
يجب تسجيل الدخول أو التسجيل كي تتمكن من الرد هنا.
أعلى