اهداء الشاعر مجبل سعد المطيري للواء منصور العلاج

رماي

عضو
بو أحمد ليا شاف أثقل الحمل شاله
وأحدن ليا شاف الثقل قال بعدين
بو أحمد قبل تنخاه ينطل عقاله
وأحدن بعد نخواه يسقط من العين
وأحدن خريش القلب يخشى ظلاله
وأحدن عديم يدوس روس الثعابين
وأبو أحمد ينومس ذكر طيبه خواله
وأحدن عمامه من خواله بريين
وأحدن يصرصر بالصراير رياله
وأبو أحمد رياله ماعرف وجهته وين
وأحدن يخلي كل أمورك سهاله
بالقول والافعال ماينفع ماينفع الشين
وأبوأحمد إذا مال الزمان ارتكاله
يثبت مثل مايثبتن الضلاعين
 

رماي

عضو
اهداء الشاعر سعود عوض المطيري للواء منصور العلاج

عقبك غدينا بين ورد ومصا دير
مثل الرعيه ضايعه دون راعي
منصور عنك يسألون الجماهير
يبون علم عنك مع كل ساعي
تفقدك علوى والمجاميع ومطير
ويفقدك من ضاقت عليه الوساعي
منصور خذ علم موثق بتصدير
ماغير ذكرك يأبيض الوجه شاعي
وفعلك مثبت في جميع التقارير
وسهمك شلع بالبورصه بأرتفاعي
خمسه عشريوما غدا وضعنا غير
وشلون لو تعلن لنا بالوداعي
كان انتهينا بين كل الطوابير
ورحنا منايح تنشري ثم تباعي
 

رماي

عضو
اهداء الشاعرمحمد العنزي للواء منصور العلاج

جيتك يا بوأحمد مسير وناصيك
ناصيك يامنصور يانسل الاجواد
فيك اتباها دائما وافتخر فيك
ياللي على الطولات والطيب معتاد
أمدح جنابك ياسعد عين عانيك
حـرآ ولـيـده للسـمـيـنات صياد
يامطيري يعتزي من هو هقي فيك
شـجـاع بــاتــع بالـمـلـمـات بـولاد
عز الله انه يرفع الرأس طاريك
طيبك وفعلك بالمجالس له أبعاد
الله يكبر هيبتك عند باريك
فيك ايتباها ويفتخر كل قصاد
يضحك احجاجك ياسعد من صقر فيك
معدنك طيب ياابن الاجواد منغاد
ابشر والك اترجم بالشعر مازهى فيك
المرجله والطيب لك سيف وجناد
الطيب ساسك من اجدودك لا هاليك
ارفع لك البيضاء على روس الاشهاد
يابو أحمد كل طيب ايحييك
بادت الرجال فعلها حي ماباد
يامطيري الله يعزك ويحميك
طيبك مسلسل من على دور الاجداد
كلك حميا عسى ربي يخليك
مبطى ولا زلـتـوا صـنـاديد واجــواد
بك اعتزي يامطيري وانتخي فيك
أرمـى عـقـالـي وابـتـاها بالامجـاد
في ذمتى بالبال ماني ابناسيك
خـيـالـك اسـافــر بـه مـن بلاد لبلاد
 

رماي

عضو
اهداء الشاعرناصرعقله العنزي للواء منصور العلاج

للعز فوجيه المطاليق ميثاق
اللي يعشقون المراجل عشاقه
الطيبين اللي وفاهم على ساق
اللي يعزون الخوي والصداقه
صفحاتهم بيضاء مثل بيض الاوراق
مافيهم اللي في طبوعه حماقه
وأنا ربطني مع كريمين الاخلاق
عـــلاقـتـن يـاحـيـها من علاقه
أشفق على الطيب وأحبه بالاعماق
خصن ليا صار من صار عز الرفاقه
منصور لاجيته من الوقت منضاق
أبشر بفزعت طيب مع صداقه
 
أعلى