سؤال وجواب الحلبة

إنطباعي

عضو مميز
السلام عليكم والرحمة

شخباركم عساكم بخير


اقلعت عن التدخين لي 10 ايام والحمدلله
لي الحين صامل ...


وبما اني من آل نحافه :باكي: .. وابي امتن
قالولي استخدم حبوب اسمها " سبروفيتا "
ولكن للاسف هالحبوب مو متوفره عندنا حالياَ ( في السعودية )
مالهم وكيل


متوفره فقط بالكويت والبحرين .


ايضا قالولي استخدم الحلبه
شريتها .. وسويتها بالطريقه العادية

اسخن ماي .. ولمن يفور اصبه بقلاص
والقلاص فيه الحلبه ( غير مطحونه )

واحس ان هالطريقه خطأ .


فياليت الي يعرف الطريقه الصحيحة للحلبة
يقولي .. ويكون الشرح .( عااااااااامي )


وهل للحلبة اي اضرار ؟



:وردة: لمن مر
:وردة::وردة: ولمن اجاب على سؤالي
 
السلام:
الحلبه فعلا مضمونه ميه بالميه وعن تجربه بعد والطريقه المثلى هي تفوح حليب لدرجة الغليان ويفضل كامل الدسم وتكون عندك مطاره نفس مطارة القهوة تحط فيها ترس فنجال مطحون حلبة نجديه طازجه عشان ما تطلع ريحة وتصب الحليب المغلي فيها وتترك تنقع داخل المطاره حروة الساعه عشان يصير المفعول قوي وبعدين تشربها وبالهنا وتستمر جذيه يوميا لمدة شهر كامل وشوف النتيجه مو أقل من 7 كيلو راح تزيد
وادعي لي
 

كلمة الحق تنقال

عضو بلاتيني
سعودي وضعيف عاد الله مكثر البخاري عندكم

ولد عمي راح يدرس بالسعوديه درس بس سنه ثانويه

وزنه من 58 الي 85 والله ان هذا وزنه يوم كان ضعيف ووزنه حاليا

طالع عمرك مافي بخاري مايعرفه ودق باللحم غدى وعشى وقاعد علي النت او يلعب ورقه معاه ربعه


ومايتحركون الا اذا راحو المدرسه حاطين عندهم هندي يسوون شاي وقهوه

يعني اكل ولاتتحرك بس خلك قاعد


اما الحلبه ماادري عنها
 

إنطباعي

عضو مميز
السلام:
الحلبه فعلا مضمونه ميه بالميه وعن تجربه بعد والطريقه المثلى هي تفوح حليب لدرجة الغليان ويفضل كامل الدسم وتكون عندك مطاره نفس مطارة القهوة تحط فيها ترس فنجال مطحون حلبة نجديه طازجه عشان ما تطلع ريحة وتصب الحليب المغلي فيها وتترك تنقع داخل المطاره حروة الساعه عشان يصير المفعول قوي وبعدين تشربها وبالهنا وتستمر جذيه يوميا لمدة شهر كامل وشوف النتيجه مو أقل من 7 كيلو راح تزيد
وادعي لي

وعليكم السلام والرحمة
يعطيج العافيه اختي غادة ماقصرتي
بخصوص المطاره الي احط فيها الحليب والحلبة
هل اشربها باردة ؟
يعني مثلا اتعاجز انا اسوي كل يوم نفس الطريقه
فـ بسوي كثير .. واخشها ومتى ما بغيت اشرب منها
يصير جذي ؟؟
وجم اشرب قلاص باليوم ؟
وجم تقريباَ احط حليب بالمطاره ليكن مثلا حليب KDD بو امية فلس
احط ثلاث او اربع ؟

والحلبة النجدية .. اهي نفسها حلبة القصيم ولا غيرها ؟
:وردة:


سعودي وضعيف عاد الله مكثر البخاري عندكم

ولد عمي راح يدرس بالسعوديه درس بس سنه ثانويه

وزنه من 58 الي 85 والله ان هذا وزنه يوم كان ضعيف ووزنه حاليا

طالع عمرك مافي بخاري مايعرفه ودق باللحم غدى وعشى وقاعد علي النت او يلعب ورقه معاه ربعه


ومايتحركون الا اذا راحو المدرسه حاطين عندهم هندي يسوون شاي وقهوه

يعني اكل ولاتتحرك بس خلك قاعد


اما الحلبه ماادري عنها

انا مستقر بالسعودية .. ماني سعودي فديتك
وعزوبي :باكي: والاهل بالكويت

ريوق .... من القرموشي ( معصوب )
غدا .... من مطعم الرومانسية ( كبسه )
عشا ... ماكدونالدز او كنتاكي

يوميا جذي :(
ومابين علي شي الا الكرش :إستنكار:


تخيل نحيف .. ومكرش

تعال حلها



يعطيكم الف عافيه اخواني
وماقصرتوا
:وردة:
 
عزيزي:
تقدر تشربها بارده بس حاره أفضل يعني بعد ما تنقعها ساعه بالمطاره تقدر تفرغها في غوري الومونيوم وتحطها بالثلاجه وكل ما بغيت تصطبح منها تاخذ قيس قلاس وتسخنه وتشربه وتقدر تشرب كثر ما تقدر باليوم الواحد يفضل الصبح قلاس وبالليل قلاس وأتوقع الحلبه النجديه اهي حلبة القصيم لانهم مشهورين بالحبوب الحنطه والبر وهالسوالف وتقدر تحط بالمطاره لتر حليب مع قيس فنجال حلبه مطحونه
أتمني لك السمنه السريعه:)
 

إنطباعي

عضو مميز
في السعودية يوجد اكثر من فرع لشركة جي ان سي . روح لهم واطلب منهم حبوب تساعد على السمنه .

هذا اهو يم شقتي مو بعيد ..
بس المشكلة اني جربت الاكو .. والماكو
كل الحلول مؤقته . مجرد تركها .. تنحف تدريجياً .
:وردة:


عزيزي:
تقدر تشربها بارده بس حاره أفضل يعني بعد ما تنقعها ساعه بالمطاره تقدر تفرغها في غوري الومونيوم وتحطها بالثلاجه وكل ما بغيت تصطبح منها تاخذ قيس قلاس وتسخنه وتشربه وتقدر تشرب كثر ما تقدر باليوم الواحد يفضل الصبح قلاس وبالليل قلاس وأتوقع الحلبه النجديه اهي حلبة القصيم لانهم مشهورين بالحبوب الحنطه والبر وهالسوالف وتقدر تحط بالمطاره لتر حليب مع قيس فنجال حلبه مطحونه
أتمني لك السمنه السريعه:)

الله يجزاج خير اختي غادة ماقصرتي
بسوي الي قلتيلي عليه وان شاءالله يكون في نتائج
الف شكر لج .. ولا خلا ولا عدم

:وردة:
 

ريما القمر

عضو مخضرم
ريوق .... من القرموشي ( معصوب )
غدا .... من مطعم الرومانسية ( كبسه )
عشا ... ماكدونالدز او كنتاكي

يوميا جذي :(
ومابين علي شي الا الكرش :إستنكار:


تخيل نحيف .. ومكرش

تعال حلها


خلك على النحافة أبرك لك ..


إنت الحين بنعمة الله يتم عليك ..



.​
 
أخ إنطباعي

خللك ضعيف أفضل لجسمك ولصحتك

زيادة الوزن تعني أيضا زيادة الضغط على المفاصل بالجسم

وهذي تأثيرها راح يبين لما تكبر

غير سالفة الدهون والكوليسترول وهالخرابيط


بس حاول إنك تلعب رياضة علشان تتخلص من الكرش



بالنسبة للحلبة, فكثرتها أيضا مو زينة لانها مدرة للبول

يعني راح يفقد جسمك الاملاح بسهولة

غير إنك إذا اخذت الحلبة, راح تطلع رائحة غير مستحبة بجسمك (نفس ريحة المصريين) :eek:



خللك ضعيف وصحي ونشيط أبرك لك


فقط لا غير :وردة:

 

شين الحلايا

عضو ذهبي
انطباعي ..
انا ماعندي علم اذا كانت الحلبة تمتن ولا لأ . لكن اللي اعرفه ان الحلبة من المشروبات الشتوية لأنها تعطي احساس بدفئ في البرد . وشرب الحلبه بكميات كبيرة تخلي عرق الجسم لونه اصفر وفي رائحة حلبة . :confused:
 
أعلى