اهداء للواء/منصورالعلاج من الشاعر/ناصرمحمد الحمر الصعنوني

رماي

عضو
قم يانديبي والليالي تجاريب
ولا تاقف إلا عند دار الصباحي
ختم من الخفجي وبعد النويصيب
تـجـيك إشاره للبلـد بـارتـيـاحي
من فوق فكسار قليل العذاريب
ينومس اللي وسط ذاته جراحي
لامن مشى وإنحنى كما حنيت الذيب
ولامن وقف مثل الجبل مايزاحي
يا سايقه سوقه وهاك المناديب
والعــذر مايـقـبل ولا بـه سماحي
فولت خزانك وكل المطاليب
والجو صافي ماتـلوح الرياحي
بارك لراع الفعل والمجد والطيب
منصور رمز الطيب طير الفلاحي
قرمن ولد قرمن يحل الاصاعيب
تشوف فيه الخـيـر بالوقت لاحي
هو مزبن اللي شاف كل التعاجيب
فـعـله وقـفـاته رمـوز وسـلاحـي
يستاهل الرتبه وكسب المناصيب
ولبس مـقـالـيـد المراجل وشاحي
يامطير ياساس الوفا والمواجيب
ياللي لكم وسـط الجـزيرة كفاحي
نلتوا وهيبتوا بضرب المشاعيب
وبالسيف الأملح والسطر والرماحي
واليوم في فرحة وجمعة وترحيب
يـامـرحـبـا وعـداد نـور الصباحـي
لجل العلاج مقضب الطيب تقضيب
الـعـود الازرق والـدلال الـفـواحـي
وصلاة ربي عد مايفعل الطيب
وعـداد مـا هـبـت هبوب الـريــاح
 

سمو الروح

عضو مخضرم
رماي

اشك انك بس مشارك بالشبكه لنقل قصايد المدح بـ منصور العلاج
 

رماي

عضو
توضيح

رماي



اشك انك بس مشارك بالشبكه لنقل قصايد المدح بـ منصور العلاج
الاخ العزيز ابو يزن اذا كان الطيب يستاهل فواجب علينا ذكر الطيب
واذا انا مشارك علشان نقل قصائده فقط للعلم بأن لى مشاركات عديده
للتنويه فقط
واشكرك على النقد ومحل اعتزاز لنا
 

وفق القانون

عضو جديد
صح اللسان الشاعر ناصر الصعنوني و قصيده جزله

و يستاهل منصور العلاج رجل طيب و يستاهل كل خير
 
أعلى