وداعاً .. شبكتي العزيزه ......!!

سلطان زماني

عضو مخضرم
إلا أنت !!


فعلا إلا أنت يا محمد

عرفت فيك روح التفائل والكتابة بروح وطنية

وأنا مثلك حسيت ومريت باللي أنت فيه

وأخذت إستراحة ورجعت

صحيح الوضع ماتغير بس أحس إنى أخذت إجازة من هالوضع

أرجوك إذا لي خاطر


تاخذ إستراحة وترجع


اي والله بروح وطنيه وبقلب طيب...:قلب:

حتى اذا هاجم او انتقد يكون بنية صافيه وبدون حقد وطبعا...:إستحسان:

كويتاااوي

خلاص غيرت شرطي

يا انك ترتاح يوم واحد بس وترد....:)

او

ترجع عن قرارك وتشارك من اليوم...:وردة:
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
كويتاااوي امانه خلك ويانا :eek:

اخذلك استراحه وارجع ..

يعني على بالك احنا مرتاحين بهالحال ...

نصيحه لك اترك القسم السياسي شوي وكلها يومين وتنساه ..

وحياك للقسم الرياضي والاجتماعي ترتاح نفسيتك ...

اسال مجرب ...
 

حامض حلو

عضو مميز
السلام عليكم :eek:

ويــــــه شخباري أنا والردود :confused: !!

بس اللي يدريك كويتااوي اني مازلت متابعة هني حتى لو ما كنت أرد .. يعني ، من فترة لفترة أدش أطل وآخذ لي فرة وأطلع أغلب الأحيان :p

مرات أفكر أقول شعندي ما أتواصل بالصورة اللي كنتها قبل .. ممممم للأمانة ، مثل ماقلت حضرتك صادفت وايد شغلات يابتلي الاحباط خلتني أحس بقلة الحيلة في تغيير شغلات يمكن نشوفها غلط ولاهي اللي خبرناها تصير عندنا بالكويت !!

اعترف اني سكتت .. واكتسحتني السلبية .. وتذكرت الاسطورة أم ثلاث قرود وكملتهم أنا الرابعة اللي ( أرى وأسمع بس ما أتكلم :D )

الله المستعان يا أخي .. بس تدري
اكتشفت اني غلطانة .. وان الأمر لما كلن قعد يشيل ايديه ويستسلم ويقول تعبت .. مليت .. زهقت .. أنه زاد عن حده واستفحل بشكل كريه !
بطريقه ما يمكن بسلبيتنا احنا اللي خليناه يوصل هالمواصيل هذي !!


ما أقدر أطلب منك طلب أنا موقاعدة اسويه !
لكن والله أتمنى تثبت .. يمكن - بحيل الله - تكون سبب نشد حيلنا ونتحرك شوي :)



بحفظ الرحمن جميعاً .
 
اخوي ابو جاسم

احتمال كبير انك مكوس :وردة:

الكوس وعوارضه : الأكتئاب وعوار بالراس وتحس بضيقة الخلق بدون سبب و دوخه!!!

وعوارضها مؤقته :إستحسان:

خذ لك راحه جم يوم وحاول تفرفش وتريح نفسيتك (غير جو):وردة:

وبعدها راح اتقول انا شسويت !! ليش كتبت الموضوع ؟؟ (بعد زوال عوارض الكوس)

انا كوست مثلك وطحت له اغاني بالقسم الثقافي
14malxe.gif


تحياتي :وردة:
 

محرر مجهول

عضو بلاتيني
عساك ما تكون بنوعية بروح وعقب فترة ترد.؟
عالعموم هالشي يرجع لك مالي شغل فيك لأنه المنتدى للجميع ومو الأشخاص :)
 

لكزس

عضو
كلمات قاتله ..


أن الوضع الحالي , في الكويت , لايبشر بخير ,أبداً ..

ولانستطيع.. التخمين في مستقبلها أبداً ..

لاعلاقه جيده بين السلطتين التشريعيه والتنفيذيه ..


حكومه فاشله بكل المقاييس / مجلس أمه أتى للكراسي الخضراء عن طريق الحكومه يعني بالعربي ( مجلس بصام أنبطاحي عفن ) .. مو الكل .. بل الأغلبيه منه ..

وحده وطنيه راحت ... والسبب حيدري .. وشلته الفاسده ..

وأيضاً .. بسبب ساقط ولاقط ..


أن الوضع خطير بالكويت ، نعم خطير .. أن بقى هذا المجلس .. وقلنها مراراً وتكراراً .. لاكن أسمعت لو ناديت حياً .. لكن لاحياه لمن تنادي ..

وأقول لزملائي , زميلاتي الأعزاء ..

لقد قضيت بينكم أجمل مرحله من مراحل حياتي ..

وأقول .. للصغير منكم قبل الكبير ..

أن تسامحوني أن غلطت على أحد منكم ..

أو سببت له أزعاج .. وكلي أمل منكم أن تسامحوني ..

وأعتذر لكم ..

وأيضاً ..

أشكرالمشرفين جمعياً ، على سعه صدرهم ..

وأخص بالذكر / أخواني ..

المشرف العام ..

الخلوق / المستقل ..

النشيط / الشاعر ..

ولاقصور في باقي المشرفين ..



وداعاً..
ياكويت
وداعاً ياأخوه ياأعزاء ..

وداعاً .. وداعاً .. على أمل أن ألقاكم .. عن قريب .

بعد حل مجلس الخمه ..

أخوكم / كويتاااوي


( محمد القحص العنزي ) .........!!

ارجو ان تعيد النظر ياكويتااوي والدنيا بخيرترا
 

ŞĥmLąŇ

مشرف الشبكة الرياضية
الاخ كويتااوي من الاعضاء المحترمين بالشبكة الوطنية

نتمني يغير رأيه

تحياتي
 

الأصمعي

عضو مخضرم
كويتاااوي بيطلع من الشبكة ؟!

شهل أخبار إللي مش و لا بد !!

على إنك ضدي على طول الخط ما عدا بموضوع الجنازة إللي وقفت مع رأيي ..

لكن الشبكة الحلو فيها إن هناك تعدد بالأراء و لا شفايدة الرأي الأوحد و الفكر الواحد !!

أما السياسة حاربتها شوي لأن الهموم زادة و لا لي خلق مقاقه و إعتزلتها جم يوم و ارجع أتشيك على الوضع :)

لكن مجلس الأمة و الحكومة الكويتية عال العال و عسى الله لا يغير علينا و يزيد من فضلة و خيرة علينا ..

حكومة قوية و مجلس أغلبية شنبي بعد أكثر من جذي :cool:

المهم غيرك حاول بس ما قدر و بيك يوم بتطل على الشبكة من بعيد و يوم عن يوم بترجع ..

فـ غصب تبي تطلع ما في حر قلبك و ترد تسترجع معرفك و تشاركنا بأرائك و بذكرك :مصباح:

عموماً نقولها لك إن كنت مؤمن بتعدد الأراء و تقريب وجهات النظر فهناك أمل بعودتك معنا ..

لأن فرض الأراء على الأخرين و الرأي الأوحد فشلت في دولة كدولة الكويت ..

و إن شاء الله نشوفك راد للشبكة حتى لو عبر المسابقة الرمضانية المقبلة ..

تحياتي لك .. :وردة:
 

abo_ahmad_k

عضو مميز
اسمحلي اخوي كويتاوي يمكن اما ما امون عليك لكن تحمل كلامي بصدر رحب وصدر اخوي

جميعنا لا تستهوينا بعض الامور وبعض الحركات ونفكر دوما بالهروب لكن الهروب ماهو حل

للمشكله

اما ان تواجه كرجل اما ان تعلنها صراحه انك ليست بقدها

الكويت تستاهل ان نقف كرجل واحد ضد طيور الظلام وطيور الفساد

مو كل من طولت عليه السالفه كسر قلمه وقال انا ومن بعدي الطوفان

لا قولها وباعلى صوتك الكويت وبعدها الطوفان

وعندما قررت انت الوداع وفاعرف انهم قدرو علينا

لان الكف اليمين بدون الاصابع الخمسه لاتقوى على الحمل

عد وافضح طيور الظلام وقوى الفساد بهذا البلد حتى تنظف

ان لم تنظف لنا سوف تنظف لاولادنا

والله الكويت تستاهل ان نكون صفا واحدا ضد كل من يحاول العبث فيها

وان قريت كلامي فكر عدل وقرر اما الهروب او المواجهه وان شاء الله ستختار المواجهه
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
آنا عبالي انت يا الأصمعي بتطلع .....قلت أخيراً :p

كويتاوي عضو متميز ونحتاج مشاركاته

لا تحرم الشبكة من طلاتك بين فترة وأخرى
 

دكان

عضو بلاتيني
بسم الله الرحمن الرحيم


بنصحك نصيحه وانت رايح .

1- اشتر لك وانيت وكد فيه وضيع واستفيد وشوف شوارع يديده .

2- اشتر لك مكينة بيض والبيض مني شي متعوب عليه وانطر انتاجك .:)

3- سافر رفه عن نفسك وغير جو وبترجع بطاقه جديده وروح اجمل .

4- استعرض في اي براحه وغبر على الناس .


يازميلي انسحابك ضعف فيك لانك لم تستطع ان توصل فكرتك كما تريد عليكان تعاود الكره مره ومرات حتى تصل لمبتغاك .

لاحظ يازميلي ان الذين ردوا على موضوعك وطالبوك بالعدول عن قرارك لايتبعون تفكيرك ولاهواك وهذا يدل على ان الاختلاف لا يعني الهروب .


فكر بالامر وارجع لمنتداك فايتامك ينتظرونك :)



ودمتم,,,
 

الأصمعي

عضو مخضرم
آنا عبالي انت يا الأصمعي بتطلع .....قلت أخيراً :p


كويتاوي عضو متميز ونحتاج مشاركاته

لا تحرم الشبكة من طلاتك بين فترة وأخرى


جورية مس إحساس :)

لا قاعد على جبدج ماني طالع دام الجوري:وردة:موجود شلون أطلع بالله ؟! :cool:

تحياتي لج .. :وردة:
 
أعلى