بو شيخة/ «بامبرز» نيابي

Shja3

عضو مخضرم
هذه العبارة للي يلبسون حفاظات من السياسيين من باب صغر سنهم ودخولهم بأشياء وايد أكبر منهم.. وأنا شفت أن من الملائم استخدام هذا الوصف على بعض نواب مجلس الأمة من اللي لحقوا على الحفاظات ولبسوها.. بالفعل عندنا بالمجلس نواب ما يرتقون للمرجلة بشيء والدليل مواقفهم..عندنا نواب بالمجلس عيال أمس عاشوا الدور ويبون يرفعون راسهم ويحطونه براس عمامهم بكل أنفة وغرور.. الظاهر انهم نسوا روحهم.. ونسوا ان في رجال بالمجلس والحكومة عندهم خبرة تعادل أعمار نواب البامبرز مرتين ونص.. بس شنسوي بزمن أغبر خلا اليهالو يحكمون وفقا للدستور وتحديدا المادة 110 اللي تخلي النائب بو حفاظة يقول اللي يبي ويخيسنا واحنا ما بيدنا شي موليه.. بس صدقوني يا نواب البامبرز. ريحتكم فاحت والناس كشفتكم وعرفت انكم يهال ومالكم كلمة.. أحد النواب سواكم لعبة وشخشيخة يوديكم يسار يمين.. أما الشارع اللي نجحكم ورزكم فيا ويلكم منه يا سواد ليلكم.. ما راح تشوفون منه الا التف والسف.. صج لي قالوا لي بغيت تفضح الريال عرض له مرة ولي بغيت تفضح المرة عرض لها ياهل.. واللي يمشي مع العيال ما يخلاش من الكراريس.. والنائب بالي بالكم راح يتفاجأ باليهال وكسراتهم.. واليهال راح يتفاجأون بالتسريبات اللي بتطلع من حفاظاتهم يوم الاستجواب.. هذا إذا صار استجوابهم الماصخ.. هزلت شوية يهالو ما عارفين وين الله قاطهم..

• كلمة راس
قدرك يا سمو الرئيس ان تكون في زمن الأطفال السياسيين.. وقدرهم يا بوصباح سيكون رهنا على إسفافهم الواضح اللي راح يرجعهم للناخب ليقول كلمة الفصل فيهم.. وعلى قولة أحدهم الطيران المنخفض مطلوب..



http://www.aldaronline.com/Dar/Author.cfm?AuthorID=114



انا بخاطري اعرف شي

نواب الامة و وزير الاعلام وينهم عن هالدايخ ؟؟ !!

يعنى على اسلوبة اللى تبين تربيتة والبيت اللى تربا فية

المفروض يكون للوزير وقفة جادة معاهة

بس الظاهر وجود الوزير مثل غيابة

 

MF3M

عضو فعال
وزير الاعلام نايم .. لان مالقى العين الحمراء من المجلس !
ويدري حتى لو تطؤر الموضوع .. ووصل لـ الاستجواب

راح تكون النتيجه 7-0 !
 

bo-5aled

عضو بلاتيني
اي والله .. انا من شفت الدار ودهداري وبوشخه يدافعون عن طلال وانا غاسل ايدي منهم .. !!

:)
 

سليل الجود

عضو مخضرم
Shja3;1477243[COLOR=navy قال:
. والنائب بالي بالكم راح يتفاجأ باليهال وكسراتهم.. واليهال راح يتفاجأون بالتسريبات اللي بتطلع من حفاظاتهم يوم الاستجواب.. هذا إذا صار استجوابهم الماصخ.. هزلت شوية يهالو ما عارفين وين الله قاطهم..


[/COLOR]
بو شيخه وصف كل من صوّت للطاحوس بأنه ياهل

أخيراً يا بو شيخه حكمت على نفسك بالاعدام الصحفى


 

ابو تيله

عضو فعال
,



الدايخ اللي تقول عنه اكثر واحد يردد هالأيام أنا سقفي عالي
دامه شاد الظهر بسمو الرئيس وراعي الحرشه ودهداري .. ماعليه خوف

- وماخفي كان اعظم :)

تحياتي
 

اساهيم

عضو بلاتيني
من أمن العقوبه اساء الادب ..

وصلنا الى مرحلة جدا منحطه بسبب كثرت الصحف وكثرت الكتاب الذين لا يفقهون ابجديات العمل الصحفى ..

كثرت فى السنوات الاخيره المصطلحات القذره والتى لا تدل الا على اخلاق صاحبها ..
 

Shja3

عضو مخضرم
اي والله .. انا من شفت الدار ودهداري وبوشخه يدافعون عن طلال وانا غاسل ايدي منهم .. !!

:)


تصدق زهقت من كثر ماتندقر:D

فوبيا طلال الفهد عندك :D

الموضوع عن كاتب يسب ويحقر بالصحافة علنى

والصحافة جهة مسئولة عنها وزارة الاعلام

فشلون الوزارة تهمل صحفي مثل هذا

فهمت وللا لك خلق تضحك الناس علي
ك
 

Shja3

عضو مخضرم
,



الدايخ اللي تقول عنه اكثر واحد يردد هالأيام أنا سقفي عالي
دامه شاد الظهر بسمو الرئيس وراعي الحرشه ودهداري .. ماعليه خوف

- وماخفي كان اعظم :)

تحياتي


تصدق الجاسم ما ادانية

بس كسر خاطري لما تلوة

ومستغرب شلون هالشاب اللطيف مخلينة
 

Shja3

عضو مخضرم
وزير الاعلام نايم .. لان مالقى العين الحمراء من المجلس !
ويدري حتى لو تطؤر الموضوع .. ووصل لـ الاستجواب

راح تكون النتيجه 7-0 !



وزير الاعلام طلع وجودة مثل عدمة

من بعد تصريح السفير الايرانى على الكتاب الكويتين وانا غسلت ايدى منة ومن وزير الخارجية
 

bo-5aled

عضو بلاتيني
تصدق زهقت من كثر ماتندقر:D

فوبيا طلال الفهد عندك :D

الموضوع عن كاتب يسب ويحقر بالصحافة علنى

والصحافة جهة مسئولة عنها وزارة الاعلام

فشلون الوزارة تهمل صحفي مثل هذا

فهمت وللا لك خلق تضحك الناس عليك
اعصابك .. :)
حبيبي تعليقي كان انه من اول ما شفت الدار يدافعون عن مخالفين القانون تاكدت بانهم ما يختلفون عن جماعة العفن .. سواء في المقالات او نقلهم للاخبار .. وما نقلك لهذه المقاله لبو شيخه الا تاكيد على كلامي ..


تحياتي
 

Shja3

عضو مخضرم
اعصابك .. :)
حبيبي تعليقي كان انه من اول ما شفت الدار يدافعون عن مخالفين القانون تاكدت بانهم ما يختلفون عن جماعة العفن .. سواء في المقالات او نقلهم للاخبار .. وما نقلك لهذه المقاله لبو شيخه الا تاكيد على كلامي ..


تحياتي


على فكرة هالموضوع عن بو شيخة مو عن الرياضة :D

مواضيع الرياضة لها موضوع بروح
ملسبين جم واحد فيها روح جيك عليها ورد هناك ونتاقش فيها بموضوع الرياضة


تبي تناقش بهالموضوع ناقش تبي بالرياضة عندك جم موضوع بالرياضة نتمنى نشوف مناقشاتك فيها بدل التطبيل
:D
 
أعلى