سؤال وجواب تكاليف الدراسة في امريكــاا ..

[Na9r.Q8]

السلام عليكم ورحمه الله وبركاته

اخواني الاعزاء ..

انا طالب في احد الجامعات الخاصة في دولة الكويت تخصص محاسبة

وأدرس على حسابي .. وبصراحة الدراسة مكلفه نوعاً ما .. لكن قادرين عليها والحمدلله

نصحني ذات مرة أحد الاصدقاء بالدراسة في امريكـا .. موضحا ً ان اسعار الدراسة في امريكا تعادل الدراسة في نفس الجامعة الخاصة التي ادرس بها .. وقال بأن الدراسة في امريكا افضل لتقوية لغتك الانجليزية من ناحية .. وجودة الاساليب التعليمية وقوة الشهادة من ناحية اخرى

وبصراحة ما دخلت معاه في التفاصيل لكن الفكرة جازت لي نوعا ً ما .. وحبيت استفسر عن :

- تكاليف الدراسة في امريكا ( كتب - المواد والكورسات )
- تكاليف المسكن والمأكل والمواصلات .. والسكن الخاص
- الفيزا والتأمين الصحي وما إلى ذلك
- الجامعات المعترف فيها بالكويت والتي يُنصح بها .. مع العلم إني أريد دراسة البكالريوس لتخصص المحاسبة

ودمتم سالمين ،،

 

[دسمان]

ارخص جامعة توفرلك كل شي من دراسة وكتب وتامين صحي وسكن و3 وجبات باليوم ب20 الف دولار وموفق ان شاء الله

 

[سلفر]

اول خطوه تعملها تروح للتعليم العالي
وتقول لهم ابي ادرس في امريكا
ورح يعطونك اسامي الجامعات المعترف فيها

 

[دون كيشوت]

اخ ناصر ..

انا انصحك بمراجعة معهد امديست الامريكى

لانهم من تجربتى معاهم .. يستطيعون توفير جميع المعلومات التى تحتاجها ..
وبامكانهم القيام بجميع الامور الى ان تسافر..
وهذا رقم تلفونهم : 225750670

 

[!...ωαнαм...!]

حياك الله اخوي ناصر

انا درست البكاليريوس بامريكا يالغالي ونقلت لاكثر من ولايه


تكاليف الدراسة في امريكا ( كتب - المواد والكورسات )

الكتب مو مكلفه يالغالي تقريبا تترواح بين 70 دولار الى مئه دولار

بس بالغالب الدكاتره يوجد لديهم ملخصات لمناهجهم


- تكاليف المسكن والمأكل والمواصلات .. والسكن الخاص

حسب الولايه مثلا انا كنت في ولايه فلوريدا مدينه اورلاندو

الشقه 700 دولار شهريا اما اذا حاب سكن الطلاب راح تكلفك اربع مئه بالشهر


- الفيزا والتأمين الصحي وما إلى ذلك

الفيزه طبعا ما تقدر تقدم عليها الا انك تحصل على قبول جامعه ومعهد لغه

بالغالب يطلبون فورم i - 20 الاي تونتي لاستخراج الفيزه



التامين الصحي بالغالب توفره لك سفاره الكويت

اذا مو موفر لك تقدر تامن 70 دولار شهريا من الشركات الخاصه



- الجامعات المعترف فيها بالكويت والتي يُنصح بها .. مع العلم إني أريد دراسة البكالريوس لتخصص المحاسبة


اتوقع على موقع وزاره التعليم العالي الكويتي

 

[دسمان]

بدال ما تطق طريج للتعليم العالي وتعلق روحك بالزحمة هذا موقع يعطيك الجامعات المعترف فيها بالتعليم العالي والملحقية الثقافية محدث بشكل دوري

واللي مكتوب بالاحمر يعني موقفينها او موقفين معهد اللغة

http://www.kuwaitculture.com/University/listing1.asp?searchBy=location

 

[xxx7]

نصيحة وانته حر برايك خلك بالكويت

الكويت فيها كل شي يكفي انك بين اهلك وربعك وجماعتك

ترا لو تاخذ شهادة جامعية من الواقواق او واحد ياخذ شهادة جامعية من امريكا حالك من حالة انته جامعي واهو جامعي

عندنا اهني بالكويت التوظيف بالجهات الحكومية ماكو فرق بين جامعي وجامعي اخر اهم شي حاول اتييب تقدير جيد جدا وفوق لنا اغلب الجهات حاليا تطلب معدل اقل شي بالتوظيف جيد جدا وانته اتكون بالسليم يمكن تفرق بالتوظيف في بعض الشركات الخاصة

وترا ياما ناس جامعيين تخرجو من جامعة الكويت او من الجامعات الخاصة لعتهم الانقليزية جيدة وبعضهم ممتاز

صح اللغه تفرق بأمريكا بس تقدر اتظبط لغتك بالكويت بالجامعات الخاصة مع كورسات تاخذها في معاهد اللغة عقب انتهائك من دوامك بالجامعه ومع الايام اتصير لغتك الانقليزية جيدة في أقل الاحوال

بس من رايي الدراسه بالكويت حتى لو كان مستواها بالدراسه اقل من الدراسه بأمريكا بس أرحم من عذاب الغربة

والله يوفقك بلي تختاره

 

[بوح الجروح]

بالنسبة لي انصحك بامريكا

ولو بيدي اكمل دراستي بامريكا لكن تكلف كثير

 

[Librax]

انت حسبت تكاليف المادية ونسيت المعنوية ؟

دام امورك طيبه وتمشي خلك بديرتك وبين اهلك حتى لو تكاليف الدراسة نفس الشي او حتى اكثر !!

هذا من جهة وشي ثاني تعليم العالي متخبط ممكن يقطك على صخر

 

[Na9r.Q8]

ارخص جامعة توفرلك كل شي من دراسة وكتب وتامين صحي وسكن و3 وجبات باليوم ب20 الف دولار وموفق ان شاء الله

شكرا ً جزيلا ً اخ دسمـان .. لكن ممكن توضح 20 الف بالكورس .. ولا بالسنة .. ؟

 

[Na9r.Q8]

اول خطوه تعملها تروح للتعليم العالي
وتقول لهم ابي ادرس في امريكا
ورح يعطونك اسامي الجامعات المعترف فيها

تسلم اخوي سلفر .. وطبعا ً هالخطوة بتكون أول خطوة إذا ما قررت وعزمت على الدراسة في امريكا .. لكن قلت خلني في البداية اسأل الاخوان في المنتدى عشان تكون عندي صورة مبدئية واضحة .. تقبل تحياتي

 

[Na9r.Q8]

اخ ناصر ..

انا انصحك بمراجعة معهد امديست الامريكى

لانهم من تجربتى معاهم .. يستطيعون توفير جميع المعلومات التى تحتاجها ..
وبامكانهم القيام بجميع الامور الى ان تسافر..
وهذا رقم تلفونهم : 225750670

شي جميل جدا ً .. راح اتواصل معاهم بإذن الله ...

شكرا ً جزيلا ً .. ما قصرت ..

 

[Na9r.Q8]

حياك الله اخوي ناصر

انا درست البكاليريوس بامريكا يالغالي ونقلت لاكثر من ولايه


تكاليف الدراسة في امريكا ( كتب - المواد والكورسات )

الكتب مو مكلفه يالغالي تقريبا تترواح بين 70 دولار الى مئه دولار

بس بالغالب الدكاتره يوجد لديهم ملخصات لمناهجهم


- تكاليف المسكن والمأكل والمواصلات .. والسكن الخاص

حسب الولايه مثلا انا كنت في ولايه فلوريدا مدينه اورلاندو

الشقه 700 دولار شهريا اما اذا حاب سكن الطلاب راح تكلفك اربع مئه بالشهر


- الفيزا والتأمين الصحي وما إلى ذلك

الفيزه طبعا ما تقدر تقدم عليها الا انك تحصل على قبول جامعه ومعهد لغه

بالغالب يطلبون فورم i - 20 الاي تونتي لاستخراج الفيزه



التامين الصحي بالغالب توفره لك سفاره الكويت

اذا مو موفر لك تقدر تامن 70 دولار شهريا من الشركات الخاصه



- الجامعات المعترف فيها بالكويت والتي يُنصح بها .. مع العلم إني أريد دراسة البكالريوس لتخصص المحاسبة


اتوقع على موقع وزاره التعليم العالي الكويتي

اشكرك اخوي الكريم .. ما قصرت بتوفير هذه المعلومات .. لكن لا زلت ابحث عن تكلفة المواد والكورسـات ..

تقبل تحياتي

 

[Na9r.Q8]

بدال ما تطق طريج للتعليم العالي وتعلق روحك بالزحمة هذا موقع يعطيك الجامعات المعترف فيها بالتعليم العالي والملحقية الثقافية محدث بشكل دوري

واللي مكتوب بالاحمر يعني موقفينها او موقفين معهد اللغة

http://www.kuwaitculture.com/University/listing1.asp?searchBy=location

فعلا ً كنت ابحث عن هذا الموقع .. دخت مية دوخة ولا حصلته ...

شكرا شكرا شكرا من القلب .. ما قصرت ..

 

[Na9r.Q8]

نصيحة وانته حر برايك خلك بالكويت

الكويت فيها كل شي يكفي انك بين اهلك وربعك وجماعتك

ترا لو تاخذ شهادة جامعية من الواقواق او واحد ياخذ شهادة جامعية من امريكا حالك من حالة انته جامعي واهو جامعي

عندنا اهني بالكويت التوظيف بالجهات الحكومية ماكو فرق بين جامعي وجامعي اخر اهم شي حاول اتييب تقدير جيد جدا وفوق لنا اغلب الجهات حاليا تطلب معدل اقل شي بالتوظيف جيد جدا وانته اتكون بالسليم يمكن تفرق بالتوظيف في بعض الشركات الخاصة

وترا ياما ناس جامعيين تخرجو من جامعة الكويت او من الجامعات الخاصة لعتهم الانقليزية جيدة وبعضهم ممتاز

صح اللغه تفرق بأمريكا بس تقدر اتظبط لغتك بالكويت بالجامعات الخاصة مع كورسات تاخذها في معاهد اللغة عقب انتهائك من دوامك بالجامعه ومع الايام اتصير لغتك الانقليزية جيدة في أقل الاحوال

بس من رايي الدراسه بالكويت حتى لو كان مستواها بالدراسه اقل من الدراسه بأمريكا بس أرحم من عذاب الغربة

والله يوفقك بلي تختاره

اهلا عزيزي .. في البداية اشكرك على هذه النصيحة ..

وبصراحة هذا هو الرأي المرجح .. ولكن حبيت استفسر علّ وعسى ان استفيد من خبرات الاخوان في هذا المجال واتوكل على الله ..

تقبل تحياتي وتقديري

 

[Na9r.Q8]

بالنسبة لي انصحك بامريكا

ولو بيدي اكمل دراستي بامريكا لكن تكلف كثير

الله كريم يا عزيزي ..

والله يكتب اللي فيه الخير .. لي .. و .. لك .. ولـ سائر اخواننا واخواتنا المسلمين ..

 

[Na9r.Q8]

انت حسبت تكاليف المادية ونسيت المعنوية ؟

دام امورك طيبه وتمشي خلك بديرتك وبين اهلك حتى لو تكاليف الدراسة نفس الشي او حتى اكثر !!

هذا من جهة وشي ثاني تعليم العالي متخبط ممكن يقطك على صخر

بصراحة من الصعوبة أن تقدرّ وتحسب التكاليف المعنوية كونيّ لم اخض هذه التجربة من قبل ..

لكن إن شاء الله اللي درسوا هناك وكملوا ليسوا افضل منيّ ..

وبالنسبة لمسألة اكمال الدراسة هنا في البلد وبين الاهل .. هذا ما هو مرجح ..

لكن كما قلت .. اردت الاستفسار لمعرفة جميع الخيارات المطروحة امامي عن قرب ..

وبالنسبة للتخبطات التعليم العالي .. فإني اتفق معك ..

تقبل تحياتي .. وتقديري ..

شكرا جزيلا

 

[دسمان]

شكرا ً جزيلا ً اخ دسمـان .. لكن ممكن توضح 20 الف بالكورس .. ولا بالسنة .. ؟

بالسنة يعني خريفي وربيعي تزيد عليهم جم الف اذا تبي صيفي وموفق ان شاء الله

 

[Na9r.Q8]

تسلم ما قصرت .. واسأل الله لي ولك وللمسلمين التوفيق