سؤال وجواب محل لبيع مكائن الحلاقه

[بندر العبدلي]

السلام عليكم

ابي محل يبيع مكائن الحلاقه بكل انواعها..؟؟

وشكرا ...

 

[Ms Rose]

الكترونيات الغانم:إستحسان:

 

[السلطاني]

في المباركية .. ..

وتحديدا .. .. هناك محل متخصص بمكائن الحلاقة .. .. وأدوات صالونات الحلاقة .. ..

من فرشة ومقص ومكينة شعر خشم وشبّة .. .. ومطفي جروح الحلاقة .. ..

وبأسعار أرخص بكثير من المحال التجارية .. ..


ودعني أدليك عليه بالتفصيل .. ..

تأتي لإشارة يكون بها البنك المركزي على إيدك اليسار .. .. والمقر الرئيسي القديم للبنك الوطني على إيدك اليمين .. ..

وتدخل يمين من الإشارة .. .. وتمشي سيدة .. ..

سوف ترى بنك بوبيان على إيدك اليمين .. .. وقهاوي المباركية على إيدك اليسار .. ..

يلف فيك الشارع يمين .. .. فترى شركة السور أمامك .. .. ومحلات قديمة منها محل ( البرنس للأحذية ) على إيدك اليسار .. ..

إصفط هنا .. ..

وإسأل أي واحد من المحلات .. .. وين المحل اللي يبيع أغراض الحلاقة .. .. ويدلونك أياه لأنه داخل وبداعوس .. ..

 

[رسمتك حلم]

أخوي أنصحك بالجوثن اللي بالشويخ بنفس مجمع يوريكا تلقى جميع ما يخطر على بالك من أدوات الحلاقه موجوده عنده وعلى فكره تقريبا كل حلاقين الكويت ياخذون منه وأنصحك أسأله عن شنطه السفر الصغيره قيها عده كامله للحلاقه مخصصه للسفر

 

[الأناضول]

الله يعطيكم العافيه

يبيلي والله

 

[Friendly]

وعليكم السلام

المكاين الالمانية احسن شي

بالتوفيق

 

[ابو مناحي المطيري]

عندي مكينة حلاقة غريبه عجيبة

ما تحلق الا الشعر القصير !!!

 

[camden]

محل الجوثن او سنتر بوينت او الغانم كلها مليانة انما بشرط ماتاخذ الا ياباني او الماني شحن او باتري . ابعد عن الصيني ، والمحل المذكور فوق خاص بمحلات الحلاقة والمكاين الكهربائية القديمة والمقصات الخاصة بالمحلات مو شغل بيت وبعدين ريحته كلها باكستانيين ،ابعد احسن لك

 

[بندر العبدلي]

شكرا لكم جميعا

وماقصرتوا