زرناها هالسنة في شهر مايو كنا معزومين على عرس.. على أساس ليلة العرس ونرجع للرياض وحجزنا في الهولندي ان. بعدين ما سوينا تشيك اوت غيرنا راينا وقلنا نقعد يومين نشوف الخبر.. فحولنا على الميريدان.
الكورنيش فظيع,, رحنا مجمع الظهران وداخل المجمع ما تطيق نفسك من الحر والرطوبة.. لما جينا نطلع الجو برا يرد الروح شي خيالي
بالنسبة للفنادق.. انصح بالميريديان وما انصح بالهوليدي ان ابدا. انا كنت حاجزة في الهوليدي ان عن طريق الانترنت ولما جيت ادفع قالوا لي لا حنا نحاسب بال rate حقنا مو حق الموقع. بينما الميريديان سووا لي خصم مع اني ما طلبت بس هو الموظف سأل عن مكان عملي فلما اعطيته بيانات شغلي قال لي لك خصم. اثاري لي خصم حتى في الهوليدي ان لكن انا ما كنت عارفه. الاوتيلين مستواهم متقارب من ناحية الغرف لكن الميريديان افخم بشكل عام وحتى مستوى الناس أفضل الميريديان.
