الاداره العامه للجنسيه والجوازات

[تكتل شعبي]

راجعت امس الاداره العامه للجنسيه والجوازات
كنت معطيهم جوازين بتاريخ 15/7
على اساس الاستلام بعد اسبوعين
يعني يصادف الخميس اللي طاف
تخيلو جيتهم قالولي
ماخلص دش على المدير وكلمه
المهم ما لقيت المدير لقيت موظف مدني مكانه
قالي جيب صورتين وتستلمه يوم الاثنين القادم
قلت انا مسلم الاوراق معا الصور بتاريخ خمستعش
سبعه ليش اعطيك صورتين قالي كيفك تبي تنطر بعد العيد
تستلم ولا جيبلي صورتين الحين ويطلع بعد اسبوع.
الهدف من الموضوع لي متى وكل سنه نفس السالفه
زحمه ووسايط يعني عندك واسطه يطلع بنفس اليوم
او اليوم اللي وراه.
ياخي وين استعدادات المدير للصيف
وهو مصرح للجرايد ان الوضع ميه ميه
ومستعدين للصيف.
ليش مايدبل عدد الموظفين ويسحبهم من الادارات الثانيه
وقت الصيف.
ليش مايخلي ادارة الجوازات يشتغلون شفتين
شفت دوام رسمي وشفت بعد الدوام الرسمي علشان
يخلصون الجوازات.
مشكله كبيره حلها بسيط.​

 

[صقران]

بلد متخلف بمعنى الكلمة

كل دول الخليج طافتنا بسنوات ضوئية واحنا للحين تعال بعد اسبوعين !!

في الدول المجاور الجواز ينتهي بنفس اليوم

​

 

[ركازي]

وزارة الداخليه تبي وزير ينفضها نفض من بعض المسؤولين اللي فيها

 

[تكتل شعبي]

بلد متخلف بمعنى الكلمة ​

كل دول الخليج طافتنا بسنوات ضوئية واحنا للحين تعال بعد اسبوعين !!​

في الدول المجاور الجواز ينتهي بنفس اليوم ​

الدول المجاوره المسئولين
ناس جاي تشتغل لان وراه عقاب
وبالكويت مسئولينا جايين
يطلعون بالجرايد وهات يا تصريحات
على الفاضي​

 

[تكتل شعبي]

وزارة الداخليه تبي وزير ينفضها نفض من بعض المسؤولين اللي فيها

خل يتسنع الوزير علشان
يسنع وزارته​

 

[اليامى]

وزارة دايخة ورايحة فيها

واكبر دليل

وضعهم لصبر متحدث رسمى

 

[الناصر69]

خل يتسنع الوزير علشان
يسنع وزارته

 

[ولد اليرموك]

مــا عـــنـــدك أحـــد . . ​

 

[نواف ابوعمر]

انت زين اسبوعين انا يوم الأحد الي طاف
قدمت الجواز لولدي 1/8 قالو يخلص بعد اربعين يوووم وتقول الموظفه عندنا نقص بالجوزات بشكل رهيب على كلامها الخام الي يجيبونه من فرنسا صاير عليه اشكال والله عجيب وغريب امرهم الي كان بيوم واحد يخلص صار الحين اربعين يوم​

 

[سنيور]

كانكم تتكلمون بلسان حالي
انا بعد قدمت جوازي وللاسف
ما طلع للحين وقاعد اراجع يقولون
ما فيه جوازات !!!!!!
ابي اعرف ليش ما يحسبون حسابهم من الاول
والا كل سنه قاعد يصير نفس المشهد
ادارة الجوازات ما تعلم من غلطاتها ليش !!!!
شي غريب او انهم مايبونا نسافر يمكن
​

 

[فيدل]

من سنين وهم هكذا

لاتستغرب

 

[ليش ناسي]

اخوي صاحب الموضوع

امس كان عندي موظف بالجوزات يقولوا موقفين اصدار الجوزات بالوقت هذا

قلت ليش قال عشان السرقه

؟؟؟؟؟؟؟؟؟؟؟؟؟؟؟؟؟؟؟؟؟

قلت شلون قال كل الموضوع مناقصات

لاصحاب النفوذ يعني مافيه جوزارت وتكون المناقصه سعرها عالي عشان الشركه المنتجه تنتهي من اصدار الجوزات بسرعه لسبب ضيق الوقت ويكون المبلغ كبير

وهلما جرا

هذي الكويت صل على النبي​

 

[Q8Shaw]

وينكم طول السنه ؟؟؟؟؟؟؟ ..

الموظفين طول السنه يكشون ذبان !!!!!!!!! ..

ليش انتوا أهل حزة الحزه ؟؟؟؟؟؟ وعلى قكره الجواز يتجدد بالسنه الأخيره لصلاحيته ..

يعني اذا باقي سنه على جوازك تقدر تجدده .. هالمعلومه عشان لا يطلع لي واحد يقول جوازي ينتهي بالصيف ولا باقي 6 أشهر على صلاحيته !!!!! ..



​

 

[بوتركي123]

هل معقولة ان قيادات الوزارة ليس لديهم علم عن عدد الجوازات التي سوف تنتهي خلال فترة الصيف؟؟
هل معقولة ان قيادات الوزارة ليس لديها علم بعدد الجوازات المتوفرة في مخازنها؟؟
هل معقولة ان قيادات الوزارة نايمين بالعسل وكل فكرهم تشغيل ومتابعة شركات التاكسي الجوال التابعة لمعظم قيادات الداخلية؟؟!!​

 

[معا ضد الحريه]

تعبنا سمعت ان الامارات تقدم الطلب وبعد يومين تستلمه

واذا ما استلمته يحق لك ان تقابل المدير العام ومن هو اعلى منه

هذا نظام متبع عندهم وعندنا اذا انت من ربعنا نخلص جوازك في ساعه

واذا مو من دائرتي والا من قبيلتي والا حضري والا شيعي والا سني

انطر 30 يوم بالتمام والكمال يمكن يخلص ويمكن تكمل مدة النفاس 40 يوم ​

 

[دستورنا سورنا]

تبون السبب الحقيقي

الشركة المتعاقدة مع الوزارة لجلب المواد الخام و الطباعة تتزيعل عشان ترفع قيمة العقد مو اكثر

 

[سيفكس]

بلد متخلف بمعنى الكلمة ​

كل دول الخليج طافتنا بسنوات ضوئية واحنا للحين تعال بعد اسبوعين !!​

في الدول المجاور الجواز ينتهي بنفس اليوم ​

بلد مو متخلف المتخلف الاشكال اللي مستلمه مناصب حق الوجاهه هذا المتخلف اللي يختار المتخلف لخدمة المواطن ويضيع البلد

 

[دخيل67]

يا مرحبا
انت بالكويت

 

[بوتركي123]

تبون السبب الحقيقي

الشركة المتعاقدة مع الوزارة لجلب المواد الخام و الطباعة تتزيعل عشان ترفع قيمة العقد مو اكثر

السؤال المهم هو من هو القيادي صاحب هذه الشركة او وكيل هذه الشركة او الوسيط لهذه الشركة؟؟

اذا عرفتم من هو هذا القيادي فاكيد راح تعرفون سبب تكرار مشكلة الجوازات في كل سنة!!!​

 

[حمد حمد]

وينكم طول السنه ؟؟؟؟؟؟؟ ..​

الموظفين طول السنه يكشون ذبان !!!!!!!!! ..​

ليش انتوا أهل حزة الحزه ؟؟؟؟؟؟ وعلى قكره الجواز يتجدد بالسنه الأخيره لصلاحيته .. ​

يعني اذا باقي سنه على جوازك تقدر تجدده .. هالمعلومه عشان لا يطلع لي واحد يقول جوازي ينتهي بالصيف ولا باقي 6 أشهر على صلاحيته !!!!! ..​

مرحبا اخي العزيز ...
يا اخي لاتلومه الواحد شنو يلحق عليه ...!!

1- انتهاء جوازه .
2- انتهاء جواز الزوجة والعيال .
3- انتهاء البطاقة المدنية .
4- انتهاء البطاقات المدنية للعائلة .
5- انتهاء اقامة السايق .
6- انتهاء اقامة الخدامة .
7- انتهاء البطاقة المدنية للسايق .
8- انتهاء البطاقة المدنية للخدامه .
9- انتهاء رخصة قيادة السايق.
10- انتهاء تأمين سيارة الآب .
11- انتهاء تأمين سيارة الزوجة .
12- انتهاء تأمين سيارة السايق .
​