تجربتي .. مطعم .. ( الفريج ) ... الفحيحيل

Goethe

عضو مخضرم


* اليوم كانت تجربتي في مطعم ( الفريج ) .. في​

الفحيحيل ..​

و ( الفريج ) مطعم افتتح مؤخراً​



و بالرغم من افتتاحه القريب جداً ..

اشادوا به بعض الاصدقاء .. مما حرك فيني فضول الذهاب أليه ..​

المطعم ..​

الديكور بداخله جميل جداً .. ومتعوب عليه كثيراً​

و شي بصراحه جميل مختلف ..​

لأنه هناك ( جلسات ارضيه ) مريحه ..​

و هو مبدئياً للشباب .. والعائلات الى الآن لم يفتتح لهم قسم ..​

و بالنسبه للخدمه .. ( يوجد خدمة توصيل )​

بصراحه شي جميل .. قهوه .. و المدير يراعيك و يسأل عن طلبك دائماً ..​






و منيو المطعم متعدد و لك حرية الاختيار .. ولاحظت ايضاً ..​

وجود تشكيلات من الاكلات .. وخاصه البحريه .. و أسعارهم ..​

أرخص من السوق نوعاً ما ..​


و كان الطلب ..​

مطبق زبيدي ..​


و شوربة عدس ...​




و بصراحه .. الخدمه كانت ممتازه ..​

والمطعم نظيف ..​

و متعوب عليه ..​

و الاكل لذيذ و أفضل برأيي من مطعم ( فريج عقاب ) و مشابة جداً​

لـ طعم أكلات ( فريج صويلح )​



المطعم .. بالنسبه للقادمين من خط الفحيحيل ..​

اول ماتنزل تحت الجسر ..​

الدوار الاول .. ( دوار صالة الدبوس )​

اخذه سيدا ..​

اول لفه يمين .. بعد الدوار ..​

المطعم على يسارك ..​

وهذا رقمه وعنوانه .. بالظبط ..​



و مسك الختام ..​



و .. طبعاً​


( طبعاً اللي يصب واحد من الربع :cool:)​

تحياتي​

:وردة:​
 

أحمداني

عضو بلاتيني
عوافي يا الجنازه, جعل عافيته أحلى من طعمه وأتصور أن المطاعم الشعبيه تعيش في أزهى عصورها من قبل توافد الزبائن عليها :وردة:
 

الأصمعي

عضو مخضرم
أحلا ما في المشاريع مثل هذي إحياء التراث الكويتي الأصيل سواء من الديكور للبيوت الكويتية القديمة أو الأكلات الكويتية خاصة البحرية منها و أظن إن الأجانب في منطقة الفحيحيل يحتاجون إنهم يتعرفون على الأكلات الكويتية ..

هناك مطبخ الأمريكي و الإنجليزي و الياباني و الفرنسي و اللبناني و المصري و الكويتي لكن الكويتين للأسف كان بالسابق ما يلاقون نطعم ذرب ياكلون فيه غير البيوت لكن الحين حتى لو إييلك ضيف أجنبي توديه للمطعم و منها يتعرف الأجانب و العرب على المطبخ الكويتي الغني بأكلاته البحرية أو حتى المجبوس مع الدقوس و الأجار الكويتي و المعبوج و ختامها قرص عقيلي الشهير عند الكويتين :)
 

Goethe

عضو مخضرم
عوافي يا الجنازه, جعل عافيته أحلى من طعمه وأتصور أن المطاعم الشعبيه تعيش في أزهى عصورها من قبل توافد الزبائن عليها :وردة:


* الله يطولي بعمرك يابعدي ..

صحيح .. و الربح الاكبر لمن أفتتح اولاً ..

وحالياً بالكويت قليل هي المطاعم الخاسره

:وردة:​
 

ala7sas

عضو بلاتيني
هني وعافيه

طباخين فريج صويلح هم نفسهم اللي بمطعم فريج على كلام مدير المطعم

وايضا ياليت تتأكد من الوصف :D
 

Goethe

عضو مخضرم
أحلا ما في المشاريع مثل هذي إحياء التراث الكويتي الأصيل سواء من الديكور للبيوت الكويتية القديمة أو الأكلات الكويتية خاصة البحرية منها و أظن إن الأجانب في منطقة الفحيحيل يحتاجون إنهم يتعرفون على الأكلات الكويتية ..


هناك مطبخ الأمريكي و الإنجليزي و الياباني و الفرنسي و اللبناني و المصري و الكويتي لكن الكويتين للأسف كان بالسابق ما يلاقون نطعم ذرب ياكلون فيه غير البيوت لكن الحين حتى لو إييلك ضيف أجنبي توديه للمطعم و منها يتعرف الأجانب و العرب على المطبخ الكويتي الغني بأكلاته البحرية أو حتى المجبوس مع الدقوس و الأجار الكويتي و المعبوج و ختامها قرص عقيلي الشهير عند الكويتين :)




* كلامك صحيح وبدأنا نشوف الكثير من الاخوه الخليجيين السياح والعرب والاجانب

يتوافدون على هذه المطاعم وهذا شي جميل ..

:وردة:

مشكور على الموضوع يالجنازه :وردة:



و ياليت تتأكد من الوصف :)



* انا دجه بالوصف سوري :eek:

انت دشيت فحيحيل ..

شارع عوض الخضير ..

على يسارك نادي فحيحيل ..

راح يجيك دوار .. سيدا ..

او لفه يمين بعد الدوار كمل سيدا راح تشوفه على عينك اليسار ..

وهذا رقمهم يظبطون لك الوصف

37375295.jpg


 

Goethe

عضو مخضرم
هني وعافيه


طباخين فريج صويلح هم نفسهم اللي بمطعم فريج على كلام مدير المطعم


وايضا ياليت تتأكد من الوصف :D




* الله يعافي قليبك :وردة:

صحيح الاكل مشابه لـ فريح صويلح ..

وبالنسبه للوصف انا دجه فيه ... اجتهدت فبه أعلاه .. وموجود رقمهم ..

لــ حد يعتمد علي :D

تحياتي​
 

Edrak

مشرف منتدى القلم
امس تفطرت بالمطعم و التجربة كانت لا باس فيها بس بالنسبة لي الزعفراني احلى ولا زال
 

بصام

عضو مميز
تسحرت فيه امس
وكان خوش مطعم بس للحين جديد
وفيه اخطاء .. واحلى شي الكيك .. شي رائع
 
أعلى