سؤال وجواب كفالة يتيم

[اليامى]

لو سمحتوا شباب

شنو احسن جمعية خيرية لكفالة اليتيم

وبالمرة كم المبلغ الشهرى وشلون طريقة الدفع

وما اذا جمعيات خيرية لها حساب على البنك الوطنى

وشكرااا

 

[ala7sas]

جمعية أحياء التراث _ فرع الصباحية

مو ضروري يكون حسابهم على البنك الوطني

اعتقد حسابهم على بيت التمويل ويطلبون استقطاع منك على حساب خاص في كفالة الأيتام

المبلغ 15 دينار شهريا اذا ماني غلطان

​

 

[عزيز وغالي]

مع الاحترام لجميع اللجان
عليك بالدكتور السميط فهو المتخصص بافريقيا
هو الي يروح بنفسه وعايش المعاناه
وعندهم جمعيخ اتصور اسمها العون المباشر
وكفالة اليتيم عندهم 12 دينار عن طريق الاستقطاع
ولك الاجر والثواب

 

[ليله ويوم]

روح لآقرب لجنة لجمعية الاصلاح الاجتماعي او احياء التراث الاسلامي


وقول لهم ابي اكفل يتيم يعطونك كتلوج فيه صور الايتام تختار واحد منهم اللي تبي تكفله


وتعطيهم كل شهر عشر دنانير له سواء بأستقطاع أو تسليم باليد على راحتك

والاجر على الله والله يقدرنا على فعل الخير
​

 

[عبدالله .]

جمعية احياء التراث كانت بالسابق 10 بس الحين زادو المبلغ علشان الغلا وصار 15 دينار

والله يكتب لك الثواب مقدماً

​

 

[خالد العبدلي]

جمعية الإصلاح الإجتماعي وجمعية إحياء التراث كلاهما زاد كفالة الأيتام وأصبحت 15 دينار شهريا

فيه بعد مواقع أونلاين لجمعيات إسلامية في أوروبا والعالم للي يبي يكفل

 

[ابـوسعود]

موقع خير اون لاين وانت قاعد بمكانك تشوف صورة اليتيم او الفقير وتقرير عن حالته ودولته ماشالله عليهم يكفلون من كل صوب والكفالات تختلف في 5 وفي 10 وفي 15 وتقرر وتكفل عن طريق الكي نت ​

موفق اخوي​

هذا موقعهم ​

http://www.khaironline.net/Default.aspx​

 

[السلطاني]

لجنة أفريقيا التي يرأسها ( عبدالرحمن السميط )

هي الأفضل بنظري

الإستقطاع على حسب مقدرتك من 10 دنانير إلى 30 دينار

ومن أي بنك .. ..

تُرسل اللجنة لك تقرير ربع سنوي يتحدث عن ( يتيمك أو أيتامك ) اللي إنت كافلهم .. ..

حين وصول التقرير لك .. ..

فوق ثواب كفالتك وتسجيلها بميزان أعمالك .. .. فإنك ستشعر بسعادة لا وصف لها .. ..!!

 

[عليا]

من بيت الزكاة تشوف الكاتلوج وتختار من اى بلد

وهم يرسلون لك اخبار اليتيم ودراستة

 

[magnum]

مع الاحترام لجميع اللجان
عليك بالدكتور السميط فهو المتخصص بافريقيا
هو الي يروح بنفسه وعايش المعاناه
وعندهم جمعيخ اتصور اسمها العون المباشر
وكفالة اليتيم عندهم 12 دينار عن طريق الاستقطاع
ولك الاجر والثواب

بارك الله فيك

وفعلا هالجنه والقائمين عليها ولا قصور بالبقيه هي اكثر وحده تزود بالتقارير واخر أخبار الايتام أشرطه + صور + يجلبون لك رسائل اليتيم المكفول ويزودونه بأخباره أول بأول وبفترات قريبه


وأخوي تقدر تسوي عندهم وقف أبتداء من 150 وأنت صاعد في مشاريع خيريه لعدة متبرعين ويأسسون معمل أو أي ورشه يتكسبون منها المحتاجين

مودتي

 

[مقروده]

جمعية الاصلاح الاجتماعي و تقريبا كل 4 اشهر جذي يدزونلي صور اليتيم تشوفه وهو يكبر ورسائل منه وتقرير عن حالته الدراسيه


في مندوبات يجون للبيت حق الحريم اكيد عندهم مناديب بعد اسهل لك ويسوون لك الاوراق وانت قاعد ما تروح البنك

وهم جمعية العون المباشر للسميط موجوده بحولي

في جمعية اسمها سنابل الخير شغله جذي اختي مسويه عندهم كفالة يتيم فوق الست سنين ولا شافت صورة اليتيم ولا دزولها شي تحس انه مقلب الله لا يضيع عليها الاجر

 

[لا تعليق]

اخوي اليامي

جزاك الله كل خير عالسؤال اللي يفيد الكـل ان شاء بميزان حسناتك ويوفقك

بختصار شديد انا سألت عن افضل لجنة خيرية

الاكثريه قالوا السميط اللي بالروضه على افريقيا


اخوي عنوان الجمعية

اذا من الملك فهد تدخل الروضه اول لفه يمين تكمل سيده تلقها اخر الشارع زاويه بيت مكتوب عليه اسم اللجنه اعتقد مسلين غرب او شي افريقيا مسؤلها السميط

كفاله اليتيم استقطاع من سن الطفوله الي البلوغ وتقدر تقوله دايمه على طول سعر الكفاله 16 دينار كويتي
عن طريق استقطاع بنكي


واتمنى اني فدتك بهالشي

 

[اليامى]

شكرا جزيلا لكل من شارك

وعساها فى ميزان حسناتكم

والدال على الخير كفاعلة

 

[عشقي الكويت]

لجنة افريقيا ما عندهم مندوبين ؟؟

 

[مقروده]

لجنة افريقيا ما عندهم مندوبين ؟؟

تفضل اخوي في تبرع اونلاين وفي ارقام دق عليهم

انا جتني المندوبه وسوت كل الاوراق و كفلت يتيم من جيبوتي

http://www.khaironline.net/AboutUs.Aspx