سؤال وجواب سؤال عن عازل الاسطح ؟

ليله ويوم

عضو بلاتيني
السلام عليكم


شباب شنو احسن عازل للأسطح ضد خرير المياه والحراره ؟؟؟؟


ابي احد يرشدني ؟؟؟


والاجر على الله


شنو اركب وشنو احسن نوعيه ؟؟؟
 

السلطاني

عضو مخضرم
جيتاروف .. .. يمكن جذي إسمه.. ..

الأهم من العازل .. .. العامل اللي راح ينفذ الشغل لك .. ..
 

( الصحفي )

عضو مميز
اخي الكريم

اسأل ناس متخصصين افضل لك

ويقول المثل يدلك على الخيل اثمانها

الجوده ترتبط مع السعر

تحباتي :وردة:
 

adilalroh

عضو ذهبي
الأفضل العازل السعودي اللفه بـ 11 دينار وشوي وهي عباره عن 10 امتار طوليه
متر العازل بالمواد تقريبا 5 الى 5.5 دينار
والعمل كالتالي

1- عمل مساح للسطح
2- زفته
3- عازل
4- شبك او قزاز
5- فوم


الجيتاورف مثل ما ذكر الاخ السلطاني تسويه كل سنتين تقريبا لسد الفتحات والشقوق
سطل واحد ورول تكفي لسطح المنزل وتزيد

واذا تبي واحد مضبوط خبرني وزودك في رقمه
 

الأناضول

عضو مخضرم
جيتاروف .. ممتاز ورخيص وتوفر بعد
 

نـ NAWAF ـواف

عضو فعال
السلام عليكم ورحمة الله وبركاته

مثل ماقالو لك الأخوان

جيتاروف ما يحتاج ممتاز بإذن الله
 

كويتي قديم جداّ

عضو بلاتيني
الجيتاروف .. من الحلول المؤقتة وليس حلا جذرياً

لا بد من التدخل الجراحي .. كما ورد في المشاركة رقم 4 للزميل
 

athbey

عضو فعال
الجيتاروف اخوي ماهو عازل يساعد على حمايه العزل تبي الشغل الصح والمضبوط روح لشركه التقنيه الدوليه بالري كفالتهم عشر سنوات مترهم ب 5 دنانير وربع ينظفون لك السطح وينفذون لك عازل مائي اسمنتي لأماكن الضعف وحوالين الفلايبرويحطون لك قواعد اسمنتيه لضبط الميول وبعدين يصبون الفوم باتجاه المهارب وبعدها الفوم الاسمنتي بسماكه 5سم بارتفاع 15 سم لاعلى نقطه بنص السطح ويحطون لك الواح زجاجيه لضبط المنسوب ويثبتونها على شكل شعاع شرايح متجهه للمهارب ورول الياف البلوسترين ويرشون بوليوريثين ويسكرون فتحات المزاريب مهارب الماء ويملا السطح بالماء لمده خمس ايام للفحص عن وجود اي تهريب وبعد التاكد من عدم وجود تسرب يحطون طبه سكريد معالج بمواد خصوصيه ومواد من الربل وينعمون السطح مع النعلات اللي هي اطراف السطح شوف لك كيال يحسب مساحه السطح واضربها بالسعر تعرف التكلفه بالتوفيق
 

adilalroh

عضو ذهبي
للرفع



تكفون ابي شي رخيص وكويس
ما فيه اقل من 5.500 دينار
اذا تبي شغل زين وما يخر البيت عليك باجر
مثل ما قال الاخ اليامي التجاري راح تعاني منه بالمستقبل
واهم شيء تركز عليه الطربال السعودي افضل شيء وللفه بـ 11 دينار

وكلام الاخ athbey ممتاز+ كفاله
اذا قررت تسوي شغلك مع الايرانيين خبرني لكي اعطيك بعض النصايح
 

طموح

عضو بلاتيني
الأفضل العازل السعودي اللفه بـ 11 دينار وشوي وهي عباره عن 10 امتار طوليه
متر العازل بالمواد تقريبا 5 الى 5.5 دينار
والعمل كالتالي

1- عمل مساح للسطح
2- زفته
3- عازل
4- شبك او قزاز
5- فوم


الجيتاورف مثل ما ذكر الاخ السلطاني تسويه كل سنتين تقريبا لسد الفتحات والشقوق
سطل واحد ورول تكفي لسطح المنزل وتزيد

واذا تبي واحد مضبوط خبرني وزودك في رقمه
هذا افضل جواب حق موضوعك اخوي لاكن تأكد من الميلان لاان الميلان اهم شي في الموضوع
 

Ahmed Matar

عضو مميز


الله يخـلي الأفغــاني

تشوفـه شاب النـار تحت برميــل

ويسخن # الجير

عشان يحطه فوق السطح

طبعاً هالشئ بس عندنا في منـاطقنا المحترمه

..

# أعتقد أسمه جذي إذا ماخـانتي الذاكره

عموماً يسخـن هالماده .. ويحطهـا فوق السطح لمنع تسرب المـاء




 

Azelkuwait

عضو جديد
أفضل شركة عازل أسطح رش أمريكي وطربال عازل مائي هي شركة عريب للمقاولات عندهم ضمان 10 سنوات وشغلهم مضبوط هذا رقمهم 55511131 وموقعهم www.azelkw.com
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى