قانون الاحوال الشخصية ... وين يبي يودينا ؟ ؟ !

[تأبط خيرا]

بدون مقدمات

قانون الاحوال الشخصية ... وين يبي يودينا

و بدون الدخول في التفاصيل

حدثت مشكلة بيني و بين زوجتي ... علي أثرها طلبت الطلاق

وتمت عند أهلها زعلانة شهر ... وطالبتني بنفقة و السكن .. الخ

قلت لها شنو تبين الشرع يقول كذي ... تقول القانون يقول كذي

أنا من عادتي أفكر كثير و يشطح الخيال شوي

أخذت أقرأ في كتب القانون ... قانون الأحوال الشخصية




لقيت بلاوي


سألت محامين و تابعت و قريت كتب قانون و قريت أحكام عجيبة غريبة


لقيت الطلاق إنتحار بالنسبة للزوج


عيالة مو عيالة ... ما يملك من امرهم شئ


بس دفع فلوس


بلاوي زرقا


هنئ كرهت زوجتي و الحريم و اللي حط القانون


و قررت


إني أرجعها و اراضيها باللي تبي


لكن في نفس الوقت قررت طلاقها ؟؟ !!


نعم قررت طلاقها


لكن بمزاجي


أنا اللي أختار الوقت المناسب و الوقت المناسب


و بالفترة هذي .. راح أضبط أموري المالية و غيرها للطلاق


علي نااار باااااردة

شنو ورانا


شعوري شعور قناص يصيد طريدة .. ينتظر الوقت المناسب


أو أرهابي يفخخ شاحنة و يجهزها للتفجير ...


لكن يبي يختار أفضل مكان علشان يحصد أكبر عدد من الضحايا


راح أخليها بدون بيت ... بدون معاش .. بدون أي شئ


تبي العيال ... عليها بالعافية


و الله صرت أشوفهم ... سلاح بإيدينها مو أكثر


لا تظنون إني صاحب شر بطبعي .... لا والله طييب لأبعد حد


لكن كل الطيبة اللي فيني إنقلبت الي شر .... بسبت القانون


أنا مو مستعد إني أكون قصة مثل القصص اللي قريتها أو سمعتها


و الكل ينظر لي و يقول مسكين





كل يوم أشوفها قدامي .... أشوفها .. مطلقة مع وقف التنفيذ


أحس أن راح تجيها جلطة من اللي يبي يصير


و الله ولا قنبلة ذرية


قانون الاحوال الشخصية ... وين يبي يودينا ؟ ؟ !

​

 

[التزام بالمبدأ]

شوف طال عمرك

أنا لا أحبذ تناول النقاشات والمشاكل العائليه الخاصه على صفحات المنتديات

والأسباب عديده منها على الأقل

قد تجد بالمنتديات المراهق والعاقل والجاهله والطيب والخبيثه والمطلق والمتزوجه والعانس اللي بينها وبين سن الستين حذفة عصا !!

لكن ابشور عليك وخذها من باب المزح وأن حازت الفكره على رضاك خذها على محمل الجد !!

لنبحث أولا عن ثغره بالقانون الذي يعاني منه الرجال والحل لدي

بما أنك امبيت النيه وهذا حسبما سمعت خطأ ولايجوز شرعاً واتمنى أن يفتينا زميل بذالك

عموما مالك بالطويله

ياطويل العمر راض المدام و أجلب لها لبن العصفور بعدها ( نيشين ) لك على بيت العمر بعد ما تدمج راتبها مع راتبك عن طريق البنك بكذاا أنت دبستها بـ أقساط البيت شأت أم أبت !!

وبعد ماتسكن تروح ترصلك ( عنقا ) تكفا يا فلان ضروري تكون ( عنقا ) اللي اذا بتمر من الباب تنزل رقبتها من طولها ليس كرهاً بأم اولادك بل كرهاً بالقانون الجائر

وبعد هذا حتى لو أم الأعيال طلبت الطلاق ســ نخرج بأقل الخسائر والتكاليف وفرنا عليك دفع مستحقات السكن لأنه الطليقه س تسكن بجزء من منزلك

وأيضاً ما راح تخسر أطفالك الله يحفظهم لك لأنهم بعد الطلاق لا سمح الله سـ تجدهم يلعبون ( بحوش ) منزلك


كما أتمنى عليك أن يكون لك من معرفك نصيب و أن تسعى للخير وتستخير قبل الأقدام على الأنفصال
:وردة:


​

 

[.. عصآمية *]

كنت أعتقد إن بـ إلخبث مآكو إلآ أنآ وإبليس و كل وآحد بـ سآيد

لكن إكتشفت إن أفكآري خبيثه بدون تطبيق مجرد وساوس مثل إبليس

و إكتشفت إن إلبعض لآ يفكر مثل إبليس إنمآ يطبق مآ يمليه عليه إبليس

عمومآ

الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ

وَالطَّيِّبُونَ لِلطَّيِّبَاتِ

حط الله بين عيونك ، و ذكرهآ بالله

هذا خير لك و لهآ

و إذآ حدك زمآنك

تِصرف تصرف مآ يغضب ربك

عشآن الحوبه

معقوله القآنون لـ هالدرجة جآئر ، لدرجة تجيكم أفكآر إبليسية ؟


زين ليش اعرف بنآت كل وحدة تبجي دم تبي بس شوفة ولدها

يمكن لآن مو نوعهم يروحون محاكهم نوعهم يروحون لـ ربهم

الله يكتب لك إللي فيه إلخير و يبعد عنك إلشر و أعوآنه :وردة: