خــلـك ريـــلاكـــس ... !!!

فاطمة حسين العلي

عضو بلاتيني
أعــــوذ بالله من شــر الشيطان الرجيـــم
بســــم الله الرحمـــن الرحيـــــم
بدون مقدمات ...
==========
خــلـك ريلاكـــس
:
:
اذا وقفت جدام قاضي والحكم لك وحكم ضدك بنفقه الف وقدره
خلك ريلاكس
واخذ بعضك واطلع لأنك مو قد القاضي عنده الضربة القاضية
:
:
:


اذا قاعد تكتب مقال وانحاشت بنات أفكارك بسرعه
خلك ريلاكس
وروح دورهم تحصلهم عند جارك
:
:

اذا دشيت فيلم ولقيته ما يسوى فلوسه
خلك ريلاكس
واقنع نفسك انك استمتعت بالخروج من المنزل وجنك بالريفيرا قص على روحك يعني
:
:

اذا نامت على سيارتك وحده تسولف بالتلفون ومو شايفتك
خلك ريلاكس
وانزل واخذ التلفون من ايدها وطقه بالأرض وكسره أحسن ما تكسر راسها خصوصا اذا ماخذ برميرا 20100
:
:
اذا عندك ياهلين بالبيت بس يتاجرون على اي شي وما وراهم الا الصداع
خلك ريلاكس
وروح من ورى بعضهم وعط كل واحد هدية وقوله انا أحبك أكثر .. ماراح يكتشفون الخدعة اذا حرصت عليهم انه سركم الصغير

على كتر /

عفلنقي (كلمة كويتية) تعني : ‏صفه تطلق ‏على الشخص سئ السمعه المتلاعب


 

حلوة الكويت

عضو مخضرم
%D8%B9%D8%AC%D8%B1%D9%872.JPG


العصي لمن عصي
 

فاطمة حسين العلي

عضو بلاتيني
اذا سمعت خبر مفجع أو خبر محزن ومفاجئ

خلك ريلاكس

عادة يكون الخبر مفبرك او مبالغ فيه بشكل كبير والموضوع ما يستاهل
فما عليك سوى انك تمسك الي جابلك الخبر وترضه بالأرض

:
:


اذا تعاند وياك المدير ورفضت يعطيك تقرير امتياز وعطاه لغيرك الي ما يستاهل

خلك ريلاكس

ودور على (الـ) أو ( واو) من جماعتهم وأهو يضبطك بس اذا وصل الموضوع لشيك
أتمنى تكون تصوره بتلفونك علشان تطرشه لي بلوتوث ..

:
:

اذا حسيت ان الانسان الي تحبه ما منه فايده ومزاجي ويوم وياك وعشره يدوج

خلك ريلاكس

واكتب له مسج أتمنى عدم الاتصال لحلول زواجي ولأني رجل اقدس الحياة الزوجية ففارج ولا تتصل .. بعد دقيقتين بيدق عاد انت وشطارتك بالطماشة

:
:


اذا صادفت ياهل بالسوق يتنطط من مكان لمكان وأزعجك في حدى المحلات

خلك ريلاكس

وامسك الياهل من غولته وحطه بغرفة الملابس جود الأم تفقده واقعد اضحك
لا تنسى تعطيه حلاوة علشان لا يقول انك خاطفه ...


على كتر /
كلمة كويتية قديمة
فشغى : ‏يقال مثال فلان ‏ماكل فشغي اي متعب ومرهق من الفقر او المرض او المصايب

 

keek

عضو بلاتيني
إيذا سجلت دخول بالشبكة الوطنية الكويتية ولقيت رساله حذف مشاركه

خلك ريلاكس




على كتر
تدهوك : ‏مثال فلان متدهوك اي ضاعت منه الحيلة فلا يعرف كيف يتصرف​
 

فاطمة حسين العلي

عضو بلاتيني
اذا سمعت الكلمات الآتية
انبطاحي - بصام - مرتشي - نائب - معارضة - أمن دولة - قوات خاصة - طراق

خلك ريلاكس ...

وافهم انك ان لم تكن معنا انت ضدنا فبندوس في بطنك جماعة .. وتالي نرفع العقال علامة النصر


على كتر /
كلمات كويتية قديمة
يتزنكح : ‏يعني يمشى ببرود يتمطي في مشيته ‏مثال اشوفك ياي متزنكح اليوم

 

فاطمة حسين العلي

عضو بلاتيني
اذا شفت واحد بالديوانية يتفرعن ويبين انه أسد على أهل بيته ومدوخكم بمغامراته في قمع المرأة واحتقارها وانها توقف لين يخلص وجبته الكواسرية

خلك ريلاكس

بس راقبه لما يوصله مسج من بيته او اتصال _ وينك في _ شوفه شلون يرد
خلاص خلاص الحين جاي ...
هني تقدر تضحك على سكانة مرته

**
*


اذا شفت واحد بالأربعين متعاون ويا واحد ثاني على شلة بنات يمثلون عليهم أدوار الحب
ويطالبونهم بفلوس لعجزهم المادي والبنيات فقارى يزخون من 300 وانت طالع

خلك ريلاكس ..

واعرف انك في زمن المواطن المنتف أخلاقيا وقبليا وبيئيا ... وهذيل عاقبتهم وخيمة عند الله
واذا تقدر تحذر البنيات جزاك الله خير .. ترى طيور الظلام أحيانا تبي سيف ذو الفقار

**
*


اذا شفت مدرس مصري يدرس لغة انجليزية بشكل خاطئ لولدك او بنتك في درس خصوصي

خلك ريلاكس

والراشدي الي ودك تعطيه له لازم انت تاخذه ... لأن مصر اولادها لا يتقنون الانجليزية عدى من درس في مدارس اجنبية أما مدرسين كفر الشيخ فوالله غلابه واحنا الي بلشنا عيالنا فيهم ...


**
*

اذا شفت موضوع لفاطمة حسين العلي يحمل هم قومي وكويتي وتسكر في الشبكة
خلك ريلاكس
وتأكد انها مثل سمك السلمون تمشي ضد التيار وبتفتح موضوع أجمل

**
*


على كتر /
كلمة كويتية قديمة
قنزوعه : ‏عباره عن انه هناك بعض الفتيات ‏ قديما بالكويت اللى شعورهم فلافل اللى شعورهم جدائل فتكون شبه منتصبه ‏فاسمونهم الناس قبل ام القنازع

 
اذا رزقك الله بولد بعد انتظار 5 سنوات وطلع مريض
خلك ريلاكس
وقول الحمدالله على ماأعطى والحمدالله على كل حال
 

السلطاني

عضو مخضرم
إذا لاعت جبدك .. .. أو أصابك الغثيان .. ..


خلّك ريلاكس .. ..

وقول ( حيل الله أقوى ) يعني مو معقولة تبي تغيّر الكون .. ..




* مصوقر ؛ مصطلح يُطلق على العمل المتقن .. ..والدقيق المُحكم ..فمثلا تقول ( رأسا مصوقرا من السلوم )​
 

فاطمة حسين العلي

عضو بلاتيني
اذا طرى على بالك انسان او حلمت فيه وفجأة يالك منه اتصال او تصادفت وياه بأي مكان
خلك ريلاكس
لا تخاف ,,, انت مو مخاوي ... اهو نوع من انواع الحاسة السادسة تصير لذوي القلوب النظيفه جدا
يعني قلوب مغسوله بكلوريكس ... من اي داء (خبث- حسد-غيرة-مؤامرات)

**
*


لما يأذن هندي لصلاة الفجر وانت ودك تصلي صلاة خشوع وتضايجت من أذان المؤذن الي ما يعرف عربي
خلك ريلاكس ..
وتخيل انك تسمع الأذان بصوت الشيخ الطبلاوي او الشيخ الدليمي او حتى الشيخ الحذيفي الله يطول بأعمارهم
وروح صلاتك واترك همومك عند عتبة المسجد ...

**
*



الوالد الكبير او الأم الكبيرة بالعمر بركة في البيت لكن اذا وصل فيهم العجز انه ما يقدر ينهض ويصارخ وخاينته الذاكره
خلك ريلاكس
في يوم من الأيام كنت تتعلم المشي على ايدهم وتتعلم الكلام وكنت توصخ ملابسك والي حواليك بالأكل وكانوا يشعرون بالسعاده ...


**
*

على كتر /
زبوط النقعه : ‏هذا الوصف يطلقه الكويتين على ‏الشخص القصير ضعيف البنيه فيشبهونه بالزبوط والزبوط هو نوع من القواقع البحرية ‏الساحليه والنقعه هي ساحل البحر القريب
 

keek

عضو بلاتيني
ايذا كتبت موضوع وصارلك مده طويله ومحد رد عليك

خلك ريلاكس ..


المهم انك كتبت لي في بالك ويكفيك شرف انهم دخلو وقرو الموضوع


خلك طبيعي :)
 

فاطمة حسين العلي

عضو بلاتيني
اذا انت راودتك أحلام كثيرة ومتكررة او كابوس

خلك ريلاكس

وابحث في حيثيات يومك ... حتما في شي غايب عنك وسط الهيصة الي انت عايش فيها

**
*


اذا عندك ولد مراهق وعنده بلاك بيري ويعس بالسوقه ويا ربعه ويالك بمصيبة بيوم

خلك ريلاكس ..

لازم يفهم ان كل شيء الكتروني له سلبيات وايجابيات ويا ليت تعطيه درس عملي

**
*


اذا قبلك بلاك بمحبة انسانة لكن الانسانة هذي ما تبي تدش بعلاقة
خلك ريلاكس

واتقبل وجهة نظرها مافي شي بالغصب
ولا تدش دعوم بعشرتعش مسج

**
*


اذا لقيت انسان تحترمه وله حظوه في مجتمعك لكن بعد فترة تغيرت اخلاقياته وتنازل عن كثير من المبادئ

خلك ريلاكس

طبيعة البشر متغيرة ومتقلبة وفي أنفس تعبد الدينار وتعبــــّـــد له طرق الدين



**
*


اذا انت حديث الزواج وكثيرة مشاكلك ويا زوجتك على الطالعه والنازلة ابعد شوي

خلك ريلاكس


لازم تفهم انك ما تقدر تربي انسانة من يد ويديد واصلتلك وفق تربية معينة يعني لا انت تغير فيها
ولا اهي تغير فيك لكن الوصول الى نقطة تواصل مطلوب ويبي شوية صبر
فطبيعة المرأة النفسية تختلف عن الرجل فاللي يحاول يغير زوجته
ابشرك .. تراك تدور الطلايب


على كتر /
هوله : ‏مثال انت يالهوله اي قبيح المنظر ولا يتسم بشئ من الجمال وينطبق ‏ذلك على الذكر والانثي
واحنا نقول على الي بتشبب وتترس اصابيعها خواتم وويها مكياج وتلبس لبس البزر يا هولة تهولي
 

سور الوطن

عضو بلاتيني
خلك ريلاكس واكل كت كات.....

kit-kat.jpg


اذا نزل المعاش والاقساط والمصاريف الغير متوقعة بانتظارك تلاقي نفسك صفيت على خمسين دينار وانت باول الشهر.

خليك ريلاس.....

DSC00355.jpg

وتخيل نفسك بين الزهور لما تحس بالضيق وعدم الارتياح او اخذ لك باث دافئ غمض عينك وحاول تنسى الدنيا.


ريلاكس ...........

لما تحس بالضيق روح حق مواضيع ام بدر تحس بالراحة والصفاء:وردة:
 

فاطمة حسين العلي

عضو بلاتيني
سالفة مر عليها اسبوع بس تقرقع بقلبي
اذا صابك احباط من الاستقبال الوطني ل منتخب الكويت الوطني في استاد جابر ل 50 الف متفرج
بالفعاليات الي دوخنا فيها الأخ الي أعلن عنها بأنها مميزة وان دخول اللاعبين مميز والاحتفال مميز
عنبو غيركم منتخب وثلاث كؤوس ما غزر بعيونكم

تسوون احتفال مثل العالم والناس وباجي البلادين ...!!!
فرقة ميامي خلود وحمود وبشار الشطي ومايك مبلتع صوته مبحوح !!!
وجان زين الاتصال بين الاستديو والملعب تمام كل شوي منقطع !!
يخرب بيت الفلوس الي عندكم عندكم 3 ايام ما عرفتوا تدبرون شي زين
وفرقة السيف الي بليا غمد يغربلهم قلطه مو حافظين القصيدة
حضر يقصدون بدوي قمــة الفشـــل ... !!!

كل هذا بكووووووووووووووم

والجراغيات كوم ثاني لأن الي صار هذي مو العاب نارية ...
بمخيامتنا الشتوية نسوي ابلى من هالألعاب النارية الصاروخ 40 دينار نشتريه !!!

ليمتى ليمتى ليمتى ليمتى يا كويت

تتوقع هالاحتفال بقطر والا بالامارات شلون بتكون الفعاليات
انا بفهم احد منكم شاف فعاليات قطر من قبل والحصان الي صعد البرج ليه الشاره !!!
احد منكم شاف فعاليات برج خليفه ...!!
زين شفتوا احتفاليات افريقيا ...
زين اليمن ليش نروح بعيد ...

علامكم طاقتكم البوهه على طول ...

خـــلك ريــلاكس ..

كانوا طالعين بحركة طوق الورد الطبيعي ...!!! معذورين كانوا يشكون الورد !!
وادعي ياخذون كاس آسيا علشان ييبون رويشد يغني برجعتهم !!!
جود يونسون ل 50 الف متفرج الي ياي يرحب بالمنتخب بالبرد !!!

على كتر /
غبرا : كلمة كويتية قديمة تعني ردة فعل ممتعضة جدا من قبل النسوة


والله شي يفشـــــــــــــل ...

طالع مستانسين بأقواس التفافيخ مادري من اي معرض نسائي متسلفينهم ..


53874797.jpg


 

فاطمة حسين العلي

عضو بلاتيني
اذا خلص تأمينك اليوم وناوي باجر تسوي التأمين ... وفجأة صارلك حادث لا قدر الله ..

خلك ريلاكس ..

واعرف ان هالشي لا تتهاون فيه خصوصا اذا سيارتك يديده من الحفيز ..
وان هالدرس يعلمك ان في حياتك أولويات ...

**
*


اذا عندك ياهل في البيت يتأتأ وما يعرف يسولف بشكل طبيعي لا تتضايج
خلك ريلاكس ...
وحاول انك تعلمه بهدوء وأفضل علاج للتأتأه تعلمه سورة الصمد لوجود أحرف المد فيها فستعطيه
قدره على تمديد الأحبال الصوتية بشكل سلس .... جرب وادعيلي

**
*



اذا دشيت محاضرة ولقيت ان المرجع الخاص بالمحاضرة مو موجود والدكتور حده ما يغشمر
خلك ريلاكس
فرصة تعرف قوة ذاكرتك من خلال الشرح ... واذا انت متابع والا مقزرها مسجات ونكت بالمحاضره

**
*




على كتر /
خاوط : ‏فلان يخاوط في ‏السكيك يعني يمشى على غير هدي وعن غير قصد او بالاحري يذهب من طريق ويأتي من اخر من ‏دون هدف

 

مــيار

عضو بلاتيني


اذا وراج اسبوع حافل مليان مزحوم بالشغل والضغط النفسي وشد الاعصاب


خــــلج ريلاكــس

الليله قضيها بابتسامه وسوالف حلوه وتلذذي باحلى هوت شوكليت والمحاتاة ماراح
تغير من ترتيبات الاسبوع الجاي شيء

 

غير البشر

عضو مخضرم
أن أساؤا الظن فيك وشككوا باخلاقك ...

خلك ريلاكس وابتسم
ببساطه لانهم لايعرفون من أنت ؟؟


وراك مشروع معهم والكل نايم ولايحركون ساكن

خلك ريلاكس مصيرالشغل يخلص


أن عطوك اكثر من مهمة فى نفس الوقت وغيرك مرتاح
خلك ريلاكس وقولي اسفة
 

keek

عضو بلاتيني
ايذا انت راجع من صبيه وبالمطر ومخلص بانزينك على دائر سابع وانت راجع بيتكم !!

.............................................................
خلك ريلاكس




ايذا انت قاعد مع ربعا محشومين وفجاه اتصلو عليك الاهل تعال ترى الولد قاعد مرتفعه حرارته


خلك ريلاكس ارجع وده المستوصف



....................................................................




 
أعلى