خــلـك ريـــلاكـــس ... !!!

[بدرالمطيور]

إذا وهبك الله نعمة المال أو الجمال أو القوة

خلك ريلاكس

و لا تستخدمها فيما لا يرضي الله
فالأيام دول ندوالها بين الناس

 

[فاطمة حسين العلي]

اذا لقيت ان دفتر حياتك قرب تخلص اوراقه بسبة كثر ما أذيت خلق الله ...

خلك ريلاكس
وافتح صفحة يديده خصوصا مع والديك او خواتك او اخوانك ... باجر تحتاجهم اكيد


****
***
**
*


اذا وصلتك وشاية من واحد او وصلتج وشاية من وحده لسانه او لسانها ما يوقف عن الحش بخلق الله

خلك ريلاكس
مو في اية بالقرآن بطل القرآن وعيونك واقراها جود تتعلم .... ان الي حجالك حجى فيك ...

(يا أيها الذين آمنوا ان جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )


على كتر/
محد يعرف صفات الفاسق غير محدده في الآية
نادمين يا أخ مؤذي .... جرس انذار يخرب بيت النباهه
​

 

[صوتي]

عند مشاهدة هذا الرقم 180 في:-

تحول _ تغيير _ توجه _ تبديل _ مشاركه

خلك ريلاكس

:وردة:​

 

[غير البشر]

عندما ترى من يمثل دور لا يليق به ...ويرتدي ثوب ليس بمقاسه

خلك ريلاكس

عندما ترى من يصم أذنيه عن صوت العقل ..

وخلك ريلاكس






​

 

[فاطمة حسين العلي]

اذا لقيتي نفسج مدرسة ونشرتي افكارج وقامت وحده وباقتها وسوت عليها مشروع ...
وقاموا بلاعين البيزة يصفقون لها وانتي طاقتج البوهه ....

خلج ريلاكس

الغلبه للفكر والتصنيف وانتي في رأس القائمة وان كانت الست الناظرة مو بالعه وجودج .... !!


*****
***
**
*

اذا لقيت نفسك كاتب مقال في جريدة وكتبت مقال وبعد فترة لقيت فكرة البرنامج اهي فكرتك
والأخ مغير بس لأن ولكن وليس وهكذا وبيد أن ... ومنذئذ ( لا هذي قوية ما يعرف يكتبها )

خلك ريلاكس

لكل كاتب بصمة معروفه هي اقوى من البصمة الوراثية وأحيانا هالكاتب يبي تطرش له الواسطه الي حطته في الجريدة علشان يمسك زمام نفسه قليلا .... وبلا انه ينزل مقالاته بناءعلى المشاركات ... هنا هناك ...


****
***
**
*

اذا كلمك مشاري العيسى وقالك اليوم عازم بو حمود عندي ...

خلك ريلاكس ...

وقوله والنعم فيكم انت وخالك .... يستاهل بو حمود العزيمة ....
​

 

[سور الوطن]

خلك ريلاكس......

روح للمشى او للسوق او للبحر.... بس خلك خارج البيت لما تشوف الجو ماطر.

المطر نعمة وراحة للنفس وخاصة هالسنة ما شفنا الامطار.....

على كتر.......

الايس كريم بالجو الماطر روووووووعه.​

 

[فاطمة حسين العلي]

خلك ريلاكس......

روح للمشى او للسوق او للبحر.... بس خلك خارج البيت لما تشوف الجو ماطر.

المطر نعمة وراحة للنفس وخاصة هالسنة ما شفنا الامطار.....

على كتر.......

الايس كريم بالجو الماطر روووووووعه.​

سلام من السلام يا سورنا على قلبك الطيب


الله لا يراويك على الموقف الي صار اليوم بالممشى ...
يعني مطر وغيم .....
اهي رذرذت اول شي تالي بطت الجربه ..
والي بالممشى الي يمشي هرول
والي يهرول ركض ...
والي تستحي تهرول تمت تمشي لين كلتها عدل
ما خليت شي ما تذكرته علشان انسى اني انا الي يبته لنفسي يعني حبكت اليوم الرياضة ... هيعي بالسيارة !!
فقمت اقول لنفسي
ريلاكس ريلاكس ...
تذكرت ليش وريلاكس وعلى كتر والحروف ...
أخيرا وصلت السيارة حالتي حاله ...
انا ويا قروبنا .. وضحكنا ضحك على روحنا ...
جد ما يسوى ...
او مادري شقول ...
بس تجربة لثاني مرة تصيرلي ...
شوي ويصير موضوع يديد ... ماهو اطرف موقف حدث لك ؟

على كتر /

كنت مستعدة ابدل السيارة بشمسية اليوم ؟ ​

 

[طموح رجل]

اذا سمعت احدا يغتابك

خلك ريلاكس

فانت الرابح

لانك راحت تاخذ من حسناته وتعطيه سيئاتك

واذا انت حشيت باحد

خلك ريلاكس

واسغفر لانفسك وللي حشيت فيه

وان شاء الله ان يغفر ذنبك

 

[بدرالمطيور]

إذا شفت واحد عمل شيء غير منصف لأناس آخرين
و عندما تستفهم منه عن سبب ذلك التصرف

ويقول لك ( الخير يخص و الشر يعم )

خلك ريلاكس

و أعرف بأنها جمله يطلقونها لكي يخدروا ضميرهم
و يبررون ظلمهم بحق الأبرياء

( و لا تزر وازرة وزر أخرى )
​

 

[فاطمة حسين العلي]

ان لقيت نفسك مضغوط بعمل ما وعمل الساعات عندك بازدياد

خلك ريلاكس

حاول تاخذ بريك وتاكل كتكات ....



*****
****
**
*


اذا تدرس ولدك تربية اسلامية ويسألك منكر ونكير اخوان ؟

خلك ريلاكس ..

واضحك ليشن انشلع قلبك من هالمنهج الغريب جدا
​

 

[الجوكر العظيم]

اذا كان العالم
كل العالم
يستفزك لسبب او دون سبب
.
.
فــ

خلك ريلاكس
لانه هذا حال العالم
مستفز
.
ثم
.
ما تقدر تغيره
ليش تتعب نفسك بالتفكير

​

 

[فاطمة حسين العلي]

الجوكر العظيم ...

سلام من السلام ... لهذه العظمة ...

سيدي ...

ان لم تجد نفسك مع بشر لا تجيد انصات ...

اهجرهم لبشر يجيدون الاحترام ...

خلك ريلاكس ...

الدنيا خذ وهات ..
واقعد خلص مدونتك ...
وعني انا ...
مجابلة عيالي والله امتحانات ..

تحياتي لجوكرتك التي تسعدني كثيرا

​

 

[غير البشر]

أذا كنت تشعر بالارق أو الارهاق ...

من شدة التفكير في أي موضوع أو تقديم محاضرة
أو ورشة عمل ...

خلك ريلاكس ونااام وان مااقدرت
عد الخرفان



على كتر / فاطمة هذه الصورة
سرقتها منك من المدونة
تحياتي لقلبك

 

[غير البشر]

أذا نفت وزارة التربية الاشاعه اللى انتقلت عبر الواتس أب

بشأن أطالة أجازة منتصف العام الدراسي

خلك ريلاكس ويافرحة ماتمت

​

 

[سور الوطن]

خلك ريلاكس

اذا طلب منك ولدك او بنتك اي فون 4 الجديد.

قول له انطر المنحة واشتر من فلوسك عدد 2 اي فون واحد لك والثاني لابوك او امك.

ولدي بدوري امس يقول لي يبه اذا تفوقت ابي اي فون 4.

قلت له ماعلية الحين تقدر تشتري من فلوسك وبعد تقدر تسلفني.

ام بدر وينج طولتي الغيبه​

 

[سور الوطن]

خلك ريلاكس وتمتع بالربيع وموسم المطر وابعد عنك الهم والكدر وتاكد بان الدنيا ما تسوى.

وبعد الليل يجينا النوم...... وبعد الغيم ربيع وزهور

:وردة::وردة::وردة:​

 

[عزيزة النفس]

اذا كان لك حلم كبير وسعيت له وضيعت عمرك عشانه واخر شي يتلاشى ​

خليك ريلاكس ​

أمر الله اقوى وليس كل ما نتمناه ندركه ​

 

[غنيم الزعبي]

إذا كنت واقف بالدور عند الخباز الايراني في ضاحية عبدالله السالم..وتتفاجأ بسائق بورش يدق هرن وينادي علي الخباز..خلك ريلاكس..وطوّف..يمكن المسكين أول مرة يشتري خبز..متعود علي البانكيك..

علي كتر ...الخوف نص المرجلة..ومن خاف سلم..

 

[بنتلي]

عندك موعد طبيب ومسكت الخط والا الشارع مصكر حادث جدامك بعد ساعه فتح الطريق وعندما وصلت الحادث لقيت سيارة هندي مع سائق جوال متداعمين دعمه بسييييييييييييييييييييييطه
خلك ريلاكس خصبن عليك تنطر
ماسك الخط السريع توكك مطلع السيارة لنق جديده من الوكاله حاشك ازدحام
بدون او مع سبب تافهه مثل السابق والحراره اوصلت النص
خللك ريلاكس ماعليه اشتر وحده ثانيه
وصلت الموعد الطبيب لقيت رقمك قبل الاخير بكم واحد وانت قاعد يدش وافد من هالوافدين (مجسم) مدخله رفيقه او معرفه من الموظفين الوافدين بدون رقم ومطير عيونه
خلك ريلاكس انتكلمت انطقيت
رحت الصيدلي بتاخذ الوصفه لقيت طابور من الوافدين تصرف من هالادويه
يجي دورك يقولك الصيدلي الدواء خلص خل الطبيب يغيره لك
خلك ريلاكس خيرنا لغيرنا


وللحديث بقيه

 

[النوخذه 1]

إذا كنت قاعد اتحدق وضرب عليك سبيطي وقص الخيط

خلك ريلاكس

وقص على نفسك وقول هذي لخمه​