تعب ظني

[يحفظك الله ياكويت]

السلام عليكم
كلمات تبعثرت هنا رغما عني

​

​

تعب ظني والله واتعبتني ظنون​

.... وأحتار الفكر وضاعت الطاسة​

مابين كيف وليه وعتب وشلون​

إلين جاء سيد الشعب والساسة​

حكا..وخضع العاقل ونجعم مجنون ​

قال أنا حامي حمى الحق وحـراسة​

قالوا دستورنا .. قال حق مضمون​

.قالوا كرامتنا وحط يده على راسه​

تماسكوا ياعيال وخلوا العدو مغبون​

والعاقل يعرف وشهو حجمه وقياسه​

مجنون من يقلل من هيبة القانون​

كاللي يناطح جبل على أنها كياسة​

وملعون من يتشمت بأخوه ملعون​

وملعون من بأسم الحرية ينثر خياسه​

حنا على الله يالله وصلنا المليون​

لكن بلانا كل أبونا نتكلم سياسة​

يعلم الله أني مدمن أحمد السعدون​

بكثر كرهي للبسوس وباقي البساسة​

اللي لأطناب العرب قاموا يسبون​

قبايل ن تجلي عن راس العز انعماسه​

حنا بدو والحضر لنا رأس وعيون​

سنة وشيعة بنوا لهالبلد ساسه​

من يرضى أنه يهان فهو مهيون​

ولا يستغرب دوس النعل على راسه​

مرحوم ياللي لك خمسة أعوام مدفون​

والله يطول بعمر العود شيخ السياسة​

سمعا وطاعة ياالعود وابليس ملعون​

كلمتك أمراً يصعب علينا مساسه​

لاشفناك تبتسم كل شئ يهون​

شعور فطري ماهو بحاجة دراسة​

يحفظك الله ياكويتنا ويصــــون​

شعبك عن كل شر وأجنـــــــاسه​

حفظ الله الكويت وشعبها من كل مكروه​

​