أحمدالمطيري
عضو
يالله بمانك من النكبات تامنا
والدار بحماك تمنها وتامنها
لأوامر القائد الا على تمثلنا
أرواحنا في سبيل الله نعربنها
بقيادة القايد شلنا الصوت وأذنا
على المنابر تلج ابنا مآذنها
وإليا نخانا ولي العهد ثمنا
النخوة اللي على الوقفة نثمنها
حوله ومن حول من حوله تكونا
جزمه ولزمه وضربات نعينها
وإلى اعتزى النائب الأول تزهلنا
لمصامخ المعتدين وقصف أماكنها
والديرة في حمانا حيث ماكنا
بالدم نسقي ثراها وانتحضنها
فرض علينا وعهد قد مضى منا
إنرد بالنار هجمات العدا عنها
صنا المشاعر عن أشرار العدا صنا
عنها الشوارب إلى فتلت نحسنها
بالعدل والعرف والحكمة تسلطنا
نترك كثير الامور ونأخذ احسنها
لاهانت بلاد اخوان مريم ولا هنا
الجوخه اللي لبسنا من بطاينها
دار ربتنا وضمتنا وفضلنا
الموت فيها ولا نجس يدرنها
دار على خدها الطاهر تمكنا
فيها ومن فوقها نحفظ توازنها
يا دار طير السعد والعز لك غنى
حلو الأناشيد بأصواته يلحنها
يا دار ما تقتحمك الأنس والجنا
دونك عيال تفادي عن مواطنها
في سوق جاتك ماهوب بسوق هونا
تحمى علمها وإلى ماتت يكفنها
إن دندنت طبلة الحراب دندنا
بآيات حق على وبلال دندنها
كم من حريب تورط في حبايلنا
حبايل من اسلوب الحرب نتقنها
جاك . امتنكس ويخسر من يراهنا
مثل الذبيحة بأسافلها نكر عنها
واليادعا من يشيل الحمل له شلنا
ارقابنا في حياض الموت ترسنها
وحنا على جبهة الغازي تكامنا
حاضر بحاضر عدانا ما نعاينها
وحنا ليا عدت فعول العرب حنا
انساند العرب وندعم تضامنها
وحنا اليا انحلت الآسرة تعاونا
وقمنا على جمعها حتى نحصنها
وحنا ليا اشتدت الأزمة توصلنا
على حلول العقود اللي تهونها
وحنا ليا جاتنا الغلطة تحملنا
الاوله نبلع الغلطه ونعلنها
وأن جاتنا الثانية .. لا ماتماهنا
بالسابقة نسحب الأخرى ونقرنها
وراعي الغلط معقول ومثنى
يلقي الحقايق وبعيونه يعاينها
نسمع بنبح الكلاب ولا تجننا
الكلب له حربه بكره نسننها
من دون صهيون .. بذتنا صهاينا
تكفر بالدستور وتركز كماينها
الله يا الأنذال يقلع رمسكم عنا
اطماعكم عندنا بانت بواينها
مع منكرين الصنيع أمست محاسنا
سيات تحكي به العدوان بألسنها
واليا تضايق غريب الدار يزبنا
تدمغ له الروس وأن طالت نطمنها
لوهي تلين الجبال الصم مالنا
على الحقوق ارتكينا في مماكنها
ياشيخ والله زعلك اليوم مزعلنا
والمهزلة والمهونة مانواطنها
ابشر بنصر يشيد فوق ويبني
بأيدي رجال محكحكة معادنها
شاعر الوطن شاعر عتيبه اللواء خلف بن هذال