قصيده مهداه الى فيصل المسلم(ابوعلي)

واقعي

عضو جديد
هذي القصيده اعجبتني وكنها تحكي حالت ابوعلي فاحبيت تشااركوني





إن صار زود المال بيدين الانذال .. حنا من المعروف تندا يدينا
وان كانهم شرهوا على طيب الافعال .. حنا وردنا جمامها وارتوينا
وان فكروا للجود يمشون رحال .. حنا قبل يمشون يمه خطينا
يا ما لبسنا للشرف كل سربال.. وعلى البسيطة للفضيلة مشينا
في دوحة العربا لنا مجد وظلال .. وحنا على در المكارم غذينا
لو نجمع اللي فات منا من المال .. إن كان شيدنا القصور وبنينا
نعطي ولا نتبع عطانا بالاقوال .. ونبذل ونسكت كننا ما عطينا
وان باعوا الشيمة بدينار وريال .. حنا دخلنا سوقها واشترينا
نطلع لها لو هي على روس الاقذال .. لو هو عسير دربها ما انثنينا
بافعالنا نرسم دروب للاجيال .. إلي نساها غيرنا ما نسينا
أسود سادات تسجل للاشبال .. فضايل شمنا لها واهتدينا
بيض نسجلهن جديدات وسمال .. حفايظ لاحفادنا اللاحقينا
نصبر على الشدات لو شيلنا مال.. لو سال دم دفوفنا ما شكينا
نخاف يلقى سدنا كل ختال .. ويبني هزيلات المعاني علينا

يا عز راسي شفت ما خبث البال .. شي يهول شيب الجاهلينا
شي من اسبابه يشيب بالاطفال .. فطر خشوم مهجرعات الحنينا

منهن رزين العقل بالوقت يهتال .. بوقت عبوس فطن الغافلينا
وقت من اسبابه شكى كل ريبال .. نصبر ونسكت كننا غايبينا
الناس بالأيام راحل ونزال .. وتفجعهم الدنيا وهم دالهينا
وحيات رب نزل آيات الانفال .. عالم خفايا نية الحاقدينا
ما اترك طريق العدل في كل الاحوال .. لو يرحل المريخ للفرقدينا




وسلامتكم
واسمحولي;)
 

دكتور سياسي

عضو فعال
صح لسانك ,,, عزالله إنك جبتها بالصميم ,

واستأذنك نهدي هالرائعه لكل النواب الأبطال اللي مواقفهم مع الشعب

والدستور .
 

واقعي

عضو جديد
اخوي المشرف
اذا ما راح ترجع المشاركه لمكانها الاصلي ارجو حظفها

وانا اسف لمشاركتي معكم
 
أعلى