سؤال وجواب افضل وارخص مختبر خاص لفحص الدم؟

الحالة
مغلق و غير مفتوح للمزيد من الردود.
ا

الديفي

عضو بلاتيني
السلام عليكم

انا مصاب بالكروسترول الخبيث. او الكروسترول الوراثي .. المهم اكل حبه ليبيتور 10mg "مخفضه الكيرسترول" كل يوم

رحت اليوم للمختبر الكويتي الالماني بالجابريه قالولي فصح الكروسترول الشامل يكلفك 20 دينار!
رحت للمـخـتـبـر الانـجـلـيـزي بالجابريه قالـولـي فـحـص الكورسترول الشـامـل يـكـلـفـك 15 دينار !
يعني الفرق 5 دنانير وبين المختبرين امتار قليله!

هل هناك مختبر ارخص من هذين المختبرين خاصتاً بفحوصات الدم الروتينيه ..

يمكن تقولون لي روح الحكومه .. الحكومه روتين قص دور وانطر ثلث ساعه او اكثر بس علشان ادش على الدكتور واقول له يعطيني ورقه افحص فيها واروح اقص دور ثاني بمختبر الدم وبعد ما يسحبون دم انطر اسبوع لما تطلع النتيجه هذا اذا ما ضاعت!
الخاص خلال كم ساعه تطلع النتيجه
 
ترتيب حسب التاريخ ترتيب حسب الأصوات
C

Chartist

عضو مميز
الله يشفيك يا اخوي والله انا اشوف اذا لك احد ايعرف ب ( المستشفي العسكري) احسن واقوي الاجهزه لفحص الدم ودكاتره و استشاريه اكفاء عالميا ك ( زيارات) اتلاحظ حتي سمو الامير كان يتعالج عندهم والوزراء كذالك

واذا من ناحيه انك محتار بينهم ( اعقلها وتوكل) ما يفرق السعر مقابل الخدمه ( عندك اعلانات الصحف) وعروضهم
الله ايشفيك تري انا مثلك. ( قلب + ضغط+ وكلسترول ) وعلي فكره عمري اصغير باللثلاثينات و استعمل حاليا اسبرين للقلب و سوزرين للضغط وليبتور للكلسترول ) واماذيني الليبتور ( ايتعب احيانا )  
 
تأييد 0 تصويت سلبي
ا

الديفي

عضو بلاتيني
انا بأواخر الثلاثينات اكل ليبيتور وبيبي اسبرين ومرات حبه دوالي الساق دافلون! هذا واحنا بالثلاثينات!! إذا وصل عمرنا 60 سنه شنو بناكل؟ صيديله ماراح تكفينا :(

تقول الليبيتور مأذيك؟ شنو تحس فيه..

انا ما ادخن كلش بس الوالدين فيهم سكر وقلب وكرسترول وضغط وجلطات متنوعه ...
بس كنت اكل وجبات سريعه وايد من ايام الارنب الجائع الى الكنتاكي
 
تأييد 0 تصويت سلبي
س

سداح بطاح

عضو مميز
الله يشفيك ويعافيك
صحتك لاتبخل عليها
الخمسه او العشره اللي بتوفرها شنو تشتري فيها!! عماره مثلاً
الا اذا ظروفك صعبه حيل شي ثاني
ياخي في فحص شامل حكومه بلاش
اطلب من طبيب المستوصف يعطيك اوراق للمختبر
ولاباس عليك
 
تأييد 0 تصويت سلبي
ا

الحاسم

عضو بلاتيني
ماتشوف شر + لاتسوي تحليل كل مره بمكان لسبب بسيط انك تزيد معدل الخطأ: اياً كان اختيارك استمر فيه مع ملاحظة ان افضل النتائج واكثرها ثقة مختبرات الحكومة :)
 
تأييد 0 تصويت سلبي
ا

ابو نور

عضو فعال
الفحوصات بالمستشفيات الحكومية اكثر مصداقية واكثر دقة والسبب ان ليس هناك هدف مادي يرجى من المريض بعد ظهور النتائج

مستشفيات الكويت تحتوي على أفضل المعدات وبعض الأدوية ما ينقصنا هو تشخيص الصحيح و طرد حاضر يا فندم لان حتى الدكتور فيهم تفكيرة نفس الزبال " فلوس "

اذهب منتصف الليل

وسلامتك
 
تأييد 0 تصويت سلبي
W

World on Wheelz

عضو ذهبي
ابو نور قال:
الفحوصات بالمستشفيات الحكومية اكثر مصداقية واكثر دقة والسبب ان ليس هناك هدف مادي يرجى من المريض بعد ظهور النتائج

مستشفيات الكويت تحتوي على أفضل المعدات وبعض الأدوية ما ينقصنا هو تشخيص الصحيح و طرد حاضر يا فندم لان حتى الدكتور فيهم تفكيرة نفس الزبال " فلوس "

اذهب منتصف الليل

وسلامتك
أنقر للتوسيع...


كلام دقيق وصحيح 100%
 
تأييد 0 تصويت سلبي
ن

ناصر المعروف

عضو مميز
فحص الكوليسترول والترايجليسريد , المفترض إنك تجريها كل 3 اشهر او اكثر, مو كل يوم والثاني رايح المختبر ومسوي تحليل

شنو فلوسك زايدة؟

وبعدين شالفرق بين 15 او 20 دينار؟ كلها 5 دنانير


الدواء اللي تاخذه (ليبيتور) هذا جيد< لكن لازم تلتزم ايضا بحمية غذائية بعيدة عن الدهون والا العلاج يكون من غير فايدة.

يعني تبطّل أكل وجبات سريعة وشبس وسمبوسة من فرع الجمعية!


ويفضل ايضا إنك تسوي فحص لإنزيمات الكبد (SGPT) أو ما يعرف أيضا بــ ALAT


فقط لا غير :وردة:
 
تأييد 0 تصويت سلبي
الحالة
مغلق و غير مفتوح للمزيد من الردود.
أعلى