أه ياوطن

رسالة الى ضمائر هولاء النواب..

1- دليهي الهاجري: كنت نقابي وتدافع عن حقوق الناس فلا تضيع حقوقهم الان

2- سعدون حماد : دربك درب زنيفر ومخلد وعسكر

3- خالد العدوة : كنت أمام وخطيب وتعلم الناس حقوقهم وواجباتهم فلا تضيع حقوقهم الأن لديك

4- محمد الحويلة: يكفي أنك دكتور

5-غانم اللميع : جربت غبن وقهر الرجال عام 2008 في بيتك فلا ترضاها على جمعان الحربش

6-حسين مزيد: يابو علي كنت عضو مطير ومازلت لاينظر الى الأمعات من حولك وتضيع حقوق الناس ولاتنسى عبيد الوسمي

7-حسين الحريتي : يكفي أنك كنت في يوم من الأيام قاضي وتحكم بين الناس فلا تضيع حقوقهم الأن

أتقوا الله في بلدكم وفي ناخبينكم أقسم بالله لن نسامحكم أذا لم تقفوا مع الشعب ...
أين ضمائركم وأنتم ترون منظر عبيد الوسمي وهو يسحل ..

أذا وقفتوا مع الحكومة وتركتوا الشعب أقسم بالله أما أنكم قبضتوا أو أنكم تخافون منها لأنها ماسكه عليكم شي ...

كونوا أحرار ترى الدنيا دواره والحكومه مالها أمان ...


الرسالة الثانية الى كل أنبطاحي

أتقوا الله ترى عيالكم وحريمكم تأذوا منكم بس مايحبون يقولون لكم أذا راحوا مكان أو للدوامات ولقوكم تنسبون وأهم مايقدرون يسوون شي الأ أنهم ينزلون رؤوسهم ........
أما عن دميثير وعسكر ومخلد هذولي ماعليهم شرهة ومو كفوا أحد يكلمهم لأن ضمائرهم ميته وماعندهم أحساس ..........
أما زنيفر ليتك يازنيفر قعدت على تاكسيك بالمطار وعلى لعب البلوت أحسن لك ....

الرسالة الثالثة
أما اللي ينتقد مسلم البراك ويقول مو من شيم أبناء القبائل طرد ضيوفهم حتى صارت السالفه يقولها المتردية والنطيحة لدرجة أن رولا دشتي تقول مو من عادات أهل الكويت طرد الضيوف ( أنتي وين وعادات أهل الكويت وين يالدايخه)

أنا أقول أنا بدوي وعتيبي وعندنا ديوان يوميا والله لو يجينا سعدون حماد لأطرده لأنه مو كفو نصبله الفنجان تدرون ليش عشان عبيد الوسمي ... شوفوا عبيد مطيري وأنا عتيبي ولكن أنتصارا لعبيد اللي عندي يسوى سعدون ومن هم على شاكلته ... ياجماعة العضو ماجاكم ضيف جاكم عشان أصواتكم وهذولي مرتزقه .........

الرسالة الأخيره الى أبناء القبائل ....

أتركوا التعصب للقبيلة ونعطي فلان لأنه من القبيلة ونترك فلان الزين عشان من قبيله أخرى وأذا بغيناهم صاروا مثل المجموعة الثانية اللي فوق أصحووا أنا بالدائرة الثالثة وكانوا نازلين ثلاثة من أبناء عمي والله ماعطيت منهم الا الدكتور فيصل المسلم والثلاث الأصوات الأخرى أخترت الأفضل ( السعدون - الملا - الطبطبائي) ..........

اللهم ياحي ياقيوم أني أسالك أن تفرج همومنا وتكشف عنا الغمه...

 

شطحات كاتب

عضو فعال
بارك الله فيك.. وبالنسبه للانبطاحيين الذين ذكرتهم مأاقول الاحسبي الله ونعم الوكيل فيهم ومافعلوه وماسيفعلونه بمصير امه وبلد:(
 
غدا نكون أو لا نكون

غدا كرامة أمه

غدا سيسجل التاريخ أسماء الأحرار بماء الذهب


لنا طلبين

1- العلنية

2- عدم التعاون


ملينا ملينا ملينا من

1- الجويهل
اللي أنطق وأكل تبن عام 2003 من العتبان ولم يطلع بيان من مجلس الوزراء ولم يستنكر أحد لأنه كان أمعه ولم يكون مثل الحين من علية القوم ولأن المجلس كان فيه ضمائر حيه وكان ضمير علي الراشد حي قبل يموت ضميره والأن يستنكر ويزوره وكذلك قبل يدش المجلس هذا السلفي اللي أسمه علي العمير .. ياعلي العمير كنت في يوم من الأيام خطيب وأمام مسجد كيف ترضى الأن أن يخرج هذا الجاهل ويتعرض لأعراض الناس وأنت ساكت وتزوره في المستشفى لكن كل اللي أقدر أقوله عتبان خيطان يقولون لك خل الجويهل ينفعك ...
2- سكوب
ومشاركينها اللي أغلبهم حديثي التجنيس وهكره
3-جريدة الصباح
اللي رئيس تحريرها توه حاصل على الجنسية
4-العدالة
أه يالعداله
5- جريدة الوثن
تاريخ صاحبها أسود شتوقعون منها
6- سعود أبودمعه
مثل التلفون أبو فلوس كثر ماتدفع مستعد مويبجي وبس مستعد يسوي كل شي

بأذن الله نهايتهم قربت ودولة الظلم ساعة ودولة الحق الى قيام الساعة..............


والأن وصلنا الى ضرب المواطنين والدكاتره والأعضاء



ياحكومة ترى مانبي شي ... مانبي الا الأستقرار والأبتعاد عن الفتن..
 
أعلى