شا مخ يا عبيد عزك حتى لو انك طريح....
...يشهد الله في شموخك والمواقف والقلم
صادح يا عبيد صوتك وانت في قولك صريح
ووقفة العز يوم تبرز للحشود من (الجلم)
احشدوهم لانتقام... واقتحام .. مستبيح
إعتداء ن استباح الشعب كله والعلم
من عماهم في ارتباك وفعلهم شي قبيح
ورقعوها بالاوامر وازعموها للحزم
الحزم ما هوعمود نرفعه يوم ويطيح
وهذا خبل ما عرفها وهذا خبل مافهم
ما اوجع جروح الكرامه والوطن كله جريح
وكيف عيدك يا وطنا؟ والالم ذكرى الالم
يا أبن عمي والله انه ما يصح الا الصحيح
والشهامه بنت اهلها تعتزي باهل الشيم
والعدالة نهج شهم ما أرتضا فيها تطيح
وأنت صرح في قممها والقمم تبقى قمم