لا ماشملتها ..
المجلس سوى توصيه .. واتمنى انه تكون لأبناء الكويتيه البدون والعسكريين واصحاب الخدمات الجليله من البدون لأنه مالهم وطن .. عكس الاخرين لهم ديارهم يروحون يصايحون فيها ويطالبون وياريت يساون بنات ديرتهم بابناء ديرتهم " مو بس بالكويت يحسون بالديمقراطيه .. علي اسدا وفي الحروب نعامه "
بخصوص الكويتيه .. المنحه للكويتيين وابنائها غير كويتيين الامر واضح ..
مادري عيال الكويتي من السعوديه وله الاماراتيه وله العراقيه ياخذون منح وحقهم مثل الاماراتي والسعودي تماما
هذا حلال الشعب الكويتي .. ماهو حلال ولد الكويتيه الخليجي او المصري او الهندي او الامريكي والخ ..
لاتزعلون .. واقع بدولنا
ماهي زيادة رواتب حتى نطالب بها لكم ونأييدكم فيها .. بل هذي منحه بلا اي خدمه .. انتم تستحقونها على ايش من حلال ديرتكم .. !!
بخصوص المادة 29 .. فليش ماطالبون بتجنيس ولد الكويتيه وياخذ 50 دينار وقرض زواج وقرض بيت ويصوت بالمجلس وينتخب .. اتمنى طالبون لأنه البعض صار يطالب على شوي شوي لكن اذا كشف راسه مره وحده بيجي الرد الصاعق النهائي اللي يخرسه للابد ان شاء الله ..
دام مساواه حسب تفسيركم بين الرجل والمرأه
ليش ماطالبون بالورث متساوي .. وليش مايصير الغير مسلم يتزوج مسلمه ! على كيفكم تفسرون القانون ..
هل يقنعكم اذا ردوا عليكم تفسير قانوني انه ولد الكويتيه غير مستحق " تفكونا من شركم "
مشكلة الكويت اللي ماعمره تكلم بديرته .. صار يتكلم فيها ..
البدون ابناء الكويتيين والعسكريين هم من لابد شملهم لأنهم بلا وطن غير الكويت .. اما الثانين الله يخلي لهم ديارهم يروحون " يبابون " ويصلحون بديارهم لايتشجعون عندنا وهناك يخشون روسهم .. وخل جزاهم الله خير يطالبون بمساواة ابناء ولد ديرته بابناء بنت ديرتهم
اخيرا سيظهر اصحاب اسطوانة " انتوا حساد .. انتوا عنصريين والخ " منهو اللي قاعد يحسد الثاني على " حلاله " ومنهو اللي قاعد بديرة الثاني ولاضايقناه بل يطالبن بحقوقنا مثلن مثله وهو بديرته حقوقه يمكن مو ماخذها ..
كفى مجاملات .. الكويت ماهي طوفه هبيطه .. نسكت حشمه وتقدير ونتغاضى بس نصيحه لاتبالغون بمطالبكم .. اطلب المستطاع لكي تطاع .. روح لديرتك اذا مو عاجبك الوضع بالكويت " ومتأكد انه الكويت مريحتك وعازتك اكثر من ديرتك "
اخيرا ..
اطلب المستطاع لكي تطاع .. تبون فزعه الكويت اهل فزعه يفزعون لكم بالمعقول واللي يقدرونه .. تبون تبرعات الكويت تعطي البعيد فما بالك انت قريب منهم .. لكن تطلبون وبنص القانون وبقوه وبلا منه انكم تشاركون بهالمنحه .. روحوا للمحاكم واظهروا بمسيرات وقولوا هالكلام وبتشوفون ردة الفعل الحقيقه لكم .. يمكن تخسرون حتى ماكسبتموه من مزايا الكويت اعطتها لكم عن طيب خاطر ..
