بلاغ ضد الخرافي

[راعي الخير]

هذه حوبة صغار المتداولين في البورصة الي سرقهم والقادم اعظم يالخرافي

المتر ب 5 قروووش الله أكبر

عندنا بالكويت وضع مشابه
مع اللجنية الاولمبية ( احمد الفهد )
ماخذ 18 الف متر على البحر والالف متر ب 100 فلس بالشهر


الله أكبر على الظلام شلون يسرقون اموال الشعوب .  

 

[كويتي0]

(( خبزن خبزتيه يا الرفله اكليه ))

 

[بوتزي]

ياويله من الله الخرافي

 

[يوزر انتحاري]

الشعب المصري أشرف منا اللّي الحرامي الخرافي وربعه يبوقونا ليل نهار وأشكرة عيني عينك واحنا بالعين العافية وساكتين محد فينا يتجرأ ويحاسب هلعتوي العود ، محد فينا يتجرأ ويحاسب هالحرامي العود !!! حسافة عليج يا كويت هذول أهلج مفرطين فيج !، متى ننتفض ضد الحرامية ؟! وين محامينا ، والله المصريين أشرف منا وأشجع منا الي حاسبوا حراميتهم واحجزا على ممتلكاتهم الحرام الي بايقينها من أموال الشعب واحنا عندنا الحرامية التجار يبوقون من أموال الشعب ومن زود الوقاحة يحاربون الشعب فيه آه يا القهر

الحمدلله الي برد جبودنا واستجاب لدعائنا وشفنا الخرافي الحرامي مُدان وان جت بغير أيدينا للأسف وان كانت بوقاته عندنا أكبر من بوقاته بمصر ، يالله ياكريم تذل هلحرامية وتفضحهم وترد أموالهم الحرام لأهلها ، جم سنة وامبراطورية الخرافية تتنامى وتتزايد من مالنا ومن المال العام وبالحرام ، كم سنة وامبراطورية الخرافي لاهفة الأكو والماكو بالكويت و كابسة على نفوسنا ، كم سنة والخرافي يغرف من خزنة الدولة ، كم سنة والخرافي يكوش على المناقصات بغير وجه حق وتتفصل على مقاسه تفصال ويبيع فيها ويوزعها بالباطن ويقط الفتات لغيره وياليت عاد يمسك شي ويتبارك والا يتقنه الا المشروع الي يمسكه يفشل مثل وجهه ولايرقى لحجم المال الي اندفع له بس شنقول غير حسبنا الله ونعم الوكيل وفعلا يمهل ولا يهمل ، كم سنة والخرافي يحارب صغار التجار وينتف ريشهم أمام مراى ومسمع الحكومة ، كم سنة والخرافي منشف جيوب الكويتيين ،كم سنة والخرافي يحارب الأشراف ، كم سنة والخرافي يحارب المواطن الكويتي ، كم سنة والخرافي يلهف بالمناقصات من غير وجه حق وياليت يسويلنا شي يسوى الا مثل وجهه والباجي بجيبه !! يالله يا كريم ترده ذليل مديون ما يملك غير دشداشته الي عليه ويصير عبره لباجي الحرامية ، سبحان الله اعتبروا يا تجار الكويت الي من شاكلة الخرافي يامال كروشكم البط ترى الحرام مايدوم والله يمهل ولا يهمل ، ويا شعب مصر حلال عليكم ثروة الخرافي الي اكتسبها بالحرام ومن مالكم العام عليكم بألف عافية لكن متى احنا ننتفض ضد حرامية الكويت ونرجع حلالنا الي استحلوه هلفجار التجار

 

[الكويت بلاد العرب]

راجعو مناقصته في الكويت تري ماكله من الشق لشق

 

[Falcon]

شحادك تنقل ( خبراتك ) لمصر​

الظاهر حصل تربه صالحه هناك بالفساد المستشري بالحكومه المصريه​

موكافي انك وبعض البطانه والبنوك وشباب الغرفه استحوذتوا علي تنمية بيض الصعو​

وتدوير اموال التنميه ومقدرات الطفره النفطيه بين البنوك ومايسمون برجال الاعمال والشركات القابضه والشركات ( الشافطه )​

وبفضلكم اصبحت الكويت بالمرتبه الـ 64 بعد ان كانت بالمرتبه الـ46​

بالتقرير العالمي لمنظمة الشفافيه بالترتيب بالفساد المالي والسياسي​

اقول خلك اهنيه بمناقصات الحكومه احسن لك واصرفلك لاحسيب ولارقيب​

الشعب المصري فتح عيونه على مفاصل الفساد والتنفيع ..​

خلك اهني قريب للحكومه وكبر الوساده​

حسبي الله ونعم الوكيل​

 

[alhebainy]

مال الحرام مايدوم لك يالخرافي او لغيرك فكرتو بالدنيا والمال ولا فكرتو بالاخره اعوذبالله من عمى المال كل مناقصات الكويت اكلتوها ورحتو للدول الثانيه بعد بسكم فلوس وياليت فلوسكم بمشاريع صحيحه كله استغلال ومن فلوس حكومه الكويت ما اعتقد دافعيين شي من جيبكم

 

[بدوي واقعي]

كل شيء بوقته حلو​

 

[q8888]

ما عقوبة الإسائة الى سمعة الكويت بالخارج ؟؟؟؟؟

 

[احبج يا كويت]

اقبض من دبش

حسبى الله ونعم الوكيل