بفهم اخواني و اعزائي و حبايبي الكويتيين
يا حبكم لتكسير المجاديف
الموضوع اسهل مما تتوقعون
يجي يوم 19 فبراير ما اشتري .... بس
الكثير يطلب مقاطعه شهر و شهرين كلامكم صحيح و على العين و الراس بس ممكن طلب
شوفوا المشاركات الثانيه احنا قلنا يوم واحد و نص الشعب ماله خلق
اليوم هذا اهم ما فيه انه تعبير عن الرفض لما يحصل من استغلال لنا
هو اثبات وجهة نظر اكثر من انها خسائر عالميه سوف تؤدي الى افلاس الشركات و اقرار المديونات الصعبه
اللي اتعجب منه اننا نفكر بمقاطعه يوم واحد فقط و بعض الاخوه ياخذه الحماس و يتكلم عن الغرفة
يا خوفي يجي واحد يتكلم عن خطه التنميه و لانها لن تنفذ بالشكل المطلوب خلاص ما نسوي مقاطعه
ولا نحتج على شي لا بعد التحلطم ممنوع لانه خطه التنميه ما تنفذت
اخواني فيه شيء اسمه مراحل ... هذه مشكلتنا نحرق المراحل و نبي على طول نوصل للقمه من غير ما نصعده درجه درجه
يوم 19 فبراير هو يوم للشباب الكويتي الواعي الذي يؤمن انه يستطيع ان يغير المجتمع الى الافضل
واعتقد انه الشبكه الوطنيه نفسها ما طلعت إلا بايمان من اصحابها بهذا المبدأ
و اكثركم ما يكتب هباله لا .... يكتب لانه يعتقد انه يستطيع ان يغير و لو القليل وإلا فانت تضيع وقتك هنا فقط لا غير
كل واحد بيقول الشعب الكويتي استهلاكي الشعب ما راح ينفذ
لحظه شوي ممكن تفكر خطوه خطوه
انت اكيد شاب واعي مو من الديناصورات اللي ما تبي الكويت تتغير و تبيها على طمام المرحوم
انت راح تقاطع صح ...... نعم لانك مؤمن بانك لست مغفلا ... وانك قادر على التغيير
ممتاز .... انا بعد بقاطع ..... و هذا بعد ... و هذا
خلاص كمل العدد
الف مبروك لقد تمت المقاطعه
الموضوع بهذه البساطه ..... لا نوقف بوجيه بعضنا
انا كويتي ... انا قادر على التغيير للافضل
يوم 19 فبراير يوم الشباب الكويتي القادر على التغيير
يوم 19 فبراير يوم نقف فيه التجار عن حدودهم
ندافع عن انفسنا عندما تخلت عننا الحكومه
شكرا .. لكل من دعم القضيه
شكرا من لم يرضى بان يكون مغفلا