سؤال وجواب الجمارك والـ 5%

[Librax]

السلام عليكم

هل يحق للجمارك اخذ ضريبة 5% على الشحنات أقل من 100 دولار عن طريق DHL

 

[خالد العبدلي]

اللي أعرفه انه ما يحق لهم

أنا لما توصلني شحنات أقل من ١٠٠ دولار ما يأخذون عليها شئ

 

[Librax]

واصلتني شحنة اقل من 100 دولار وفارضين على 5% عن طريق DHL " النصابين"

 

[خالد العبدلي]

ترى الجمارك شغلهم والله العالم بالمزاج وعلى حسب المفتش الجمركي

ساعات يعدون شغلات تتعدي المئة دولار وما يأخذون عليها شئ وساعات يأخذون

لكن الDHL وبكل صراحة ما استبعد عليهم انهم هم اللي بياخذون الخمسة بالمئة منك ويحطون العذر على الجمارك

جربنا معظم شركات الشحن مو بس DHL وبعضهم احيانا يسوون هالحركات

على أي حال دامك ما تبي تدفع هالخمسة بالمئة دامها أقل من ١٠٠ دولار ولك بالطويلة والمراجعة تقدر تقول للDHL أنا بأطلع شحنتي من الجمرك فعطوني الأوراق للتخليص الجمركي، وروح بنفسك وهناك لا راجعتهم تقدر تتأكد بنفسك منو اللي بيأخذ الخمسة بالمئة هل هم الجمارك فعلا أم DHL.

والله يوفقك

 

[Librax]

راجعت DHL وبعد مناقشة اعفوني من دفع الضريبة 5% لانها اقل من 100 دولار ومصاريف اخرى " والغلط على جمارك "

الى استخلصته من الموضوع وانبه الاخوان عليه

DHL ما تناقش الجمارك باي شحنة لانهم يدرون ان العميل بالنهاية راح يتكلف بدفع هذي المصاريف ... اما اذا ناقشتهم يتراجعون ويصححون الغلط مع الجمارك ويسترجعون اموالهم !!


وشكرا خالد

 

[خالد العبدلي]

ما سوينا شئ أخوي الغالي