سامحـــــونا ( خذينا الـ 1000 ونسيناكم )

منشار

عضو مميز
طاير من الألف طاير

مع هذه الفرحه بـالـ 1000 دينار واللي ماستلمتها للحين

لأني بإختصار حلفت وحرمت الفرحه على نفسي حتى ألتقي بقريبي والذي ضاع من عمره أجمله خلف بوابات الزنازين المظلمه وفي كل عام يمني نفسه بالعام اللي بعده ولسان حاله يقول بكره تفرج ولا يبدو لها فرج

بالأمس وفي إتصال مع ذاك القريب ( البعيد ) وفي أكثر من مره وهو يردد على مسامعي ( تكفى ياخوك ماسمعت شي عن العفو ) وأنا أقول ( اللي سمعناه كثير ) ناس تقول بيطيحون نص المده وناس تقول راح يطيح من حكم كل سجين خمس سنوات واللي يقولا لا لا بيطيحون سنتين وناس تقول يوم 25 فراير تبيض سجون وعفو شامل وناس تقول ورى العيد ابشروا بخير لأن القياده مشغوله بإستقبال ضيوفها هذا اللي سمعناه وبيني بينك ياقريبي لنا يومين مانسمع لأن الشعب مشغول مثل القياده وهمه شلون يصرف المحنه ( أسف ) قصدي المنحه ومثلك خابر الحروب إندلعت في بيوتنا وعلى ثلاث جبهات الزوجه من جبهه والعيال من جبهه ثانيه والمصيبه عند الباب جبهة الديانه وما أدراك مالديانه

المهم يابعد قلبي أنت شخبارك ؟

أدري بتقول ( زفت بزفت ) وأدري ( ماكل خ ...... ) وأدري ( دبلت جبدك )

بس تدري شلون

بلغ نفسك وربعك اللي معاك

شكل العفو مثل بيض الصعو

وسااااااااااامحونا نسيناكم
 

TH!NK

عضو فعال
الله عليك وعلى طرحك يا منشار

أبدعت والله، والله يفك عوق كل مسجون

يارب
 

احمد لكويت

عضو بلاتيني
وين سالفة العفو للسجناء

وين اسقاط المخالفات والكهرباء والماء

كلا كلام فاضي عشات يلتهي الشعب وينسى
 

المهذب جدا

عضو بلاتيني
الله يتوب عليهم ويفرج لهم ويرجعون لاهلهم
ويعيشون حالهم حال باقي الناس وكلن يتعلم من غلطاته
ولا يكررها بالمستقبل ؛؛؛
مشكور على تسليط الضوء على المساجين
 

منشار

عضو مميز
الشكر لكل من وضع بصمته هنا

يكفينا بعد ماسقط القناع عن قضية الميموني وكيف أن القضايا تفبرك أن نعي بأن السواد الأعظم هم مظلومين وتم الزج به في قضايا مدسوسه لهم وأخذت إعتلرافاتهم تحت التعذيب

ننتظر العفو المزعوم
 

adilalroh

عضو ذهبي
الشكر لكل من وضع بصمته هنا


يكفينا بعد ماسقط القناع عن قضية الميموني وكيف أن القضايا تفبرك أن نعي بأن السواد الأعظم هم مظلومين وتم الزج به في قضايا مدسوسه لهم وأخذت إعتلرافاتهم تحت التعذيب


ننتظر العفو المزعوم
هل لديك الجرأة لتقول لنا ماهو سبب سجن صاحبك؟
حتي نطالب معك او علي الاقل لانستنكر مطالبتك.!!
ربما يكون صاحبك القابع خلف القضبان قاتل او تاجر مخدرات او مرتشي او عليه حقوق لدي الغير...ألخ

العفو يطلبه الجاني ولا يطلبه التي فبركة له قضيه.. لانه في كل الاحوال الطلب والعون والنصره
من الله سبحانه وتعالي..فلا تجعل قضيه الميموني شماعه لصاحبك.


لهذا اطلب العفو لانه مذنب
واطلب العفو لانه سجن بعد عرض علي القضاء وليس لان القضيه فبركة له.!!
 

منشار

عضو مميز
هل لديك الجرأة لتقول لنا ماهو سبب سجن صاحبك؟
حتي نطالب معك او علي الاقل لانستنكر مطالبتك.!!
ربما يكون صاحبك القابع خلف القضبان قاتل او تاجر مخدرات او مرتشي او عليه حقوق لدي الغير...ألخ

العفو يطلبه الجاني ولا يطلبه التي فبركة له قضيه.. لانه في كل الاحوال الطلب والعون والنصره
من الله سبحانه وتعالي..فلا تجعل قضيه الميموني شماعه لصاحبك.


لهذا اطلب العفو لانه مذنب
واطلب العفو لانه سجن بعد عرض علي القضاء وليس لان القضيه فبركة له.!!

أنا بقولك شي وقل أمين

إن كان صاحبي مظلوم عسى الله يفك عوقه ويبليك في ما بلاه عشان تعرف الجرأه

شوي خجل وعلم إن السجن فيه الظالم وفيه المظلوم

والحمدلله إن العفو من الله ومن ولي الأمر وإلا لو العفو منك علووووم
 

BDWI

عضو فعال
الله يتوب عليهم ويفرج لهم ويرجعون لاهلهم
ويعيشون حالهم حال باقي الناس وكلن يتعلم من غلطاته
ولا يكررها بالمستقبل ؛؛؛
مشكور على تسليط الضوء على المساجين

:إستحسان::إستحسان::إستحسان: سيم سيم كلام مال آنا
 

adilalroh

عضو ذهبي
أنا بقولك شي وقل أمين


إن كان صاحبي مظلوم عسى الله يفك عوقه ويبليك في ما بلاه عشان تعرف الجرأه

شوي خجل وعلم إن السجن فيه الظالم وفيه المظلوم


والحمدلله إن العفو من الله ومن ولي الأمر وإلا لو العفو منك علووووم
وانا بقولك شي بعد وقل أمين
اذا صاحبك مو مظلوم عسى ربي يبتلك بما بلاه علشان تعرف شلون تعلق تهمك علي شماعه الاخرين( محمد الميموني)..تبي تتكسب من قضيته العادله.

وبعدين انا مو اللى ساجن صاحبك ولا اللى ماسكه ولا اللى حاكم عليه..
والسؤال صاحبك ليش بالسجن جاوب.؟

علي فكره اصحاب المخدرات والقتل ..مالهم عفوو فإن كان صاحبك منهم
قله ينطر لين انتهاء المده

ولي الامر ما امر..لهذا اقولك استريح لين يعطي امر

اللى المفروض انه يخجل هو من يطالب بالعفو..ويدعي بان صاحبه برئ
وهمش دور المحكمه التي اصدرت الحكم عليه وبقناعه وجعلها وكانها خصمه
 

حره

عضو فعال
الله يفك عوق وسجن كل مظلوم

ولا الظلام الله يهديهم لانفسهم ويتعلمون من أخطاءهم

السجن وضع للتأديب المخطئين ولم يكن فترت نقاهه لهم ومتى مااطروا عفو استبشروا خيرا

من أمن العقوبه أساء الأدب

نسأل الله السلامه
 
أعلى