الكارثه القادمة ..
كلامك صحيح اخوي سليمان
انا لاأتكلم عن ملف مريض .. شي طبيعي ان الطبيب يعرف اسرار المريض .. والطبيب انسان مهني أدى القسم لحفظ اسرار المريض .. التسريبات والفضايح الشخصية لشخص ما او سوء سلوك طبيب ما شي وارد ولايعني الا اصحاب الشأن فقط..
بالنسبة لقواعد البيانات شي طبيعي ان تكنولوجيا المعلومات عمودها الفقري هو قواعد البيانات
دعنا نتكلم عن شركات الهواتف النقالة .. وكلكم عارفين ويمكن مريتوا بحالة " انك تعرف اسم صاحب الرقم بواسطة احد الموظفين" مع ان شركات الهواتف تحمي اصحاب الهواتف النقالة بقوانينها .. ماذا لو قام موظف بتوزيع الارقام والاسماء والعناوين على سي دي؟
وكلكم تذكرون قصة سي دي الهواتف المتنقلة اللي تنباع بالسوق السودا بدون حماية..
موضوع التلفونات مو خطير لهالدرجة (بالرغم من خطورة انتهاك الخصوصية) لأن اي شخص ممكن يغير رقم تلفونه.. قسها على معلوماتك الصحية.. من ناحية الحمل ال.. - الجرعات الزايدة - واي امور صحية فيما لو كشفت لأنهت الحياة الاجتماعية او السياسية لشخص ما..
قاعدة البيانات الرئيسية التي تحوي كل البيانات و رموز كلمات الحماية لها مع شخص او اشخاص (مبرمجين او مديرو قواعد بيانات) وليسوا اطباء نثق بهم .. وهم من جنسيات عربية .. ويستطيعون بكل سهولة نسخ قاعدة البيانات على سي دي .. وممكن تنتهي عقودهم مع الشركة ويتوظفون بشركات ثانية او بدول اخرى..
وهذا ليس تشكيكا بنزاهتهم .. ولكن.. الاحتمالات كلها وارده طالما لاتوجد خطه لأمن البيانات من قبل الدوله ..
حساسية الموضوع تكمن بشمولية قاعدة البيانات والاشخاص الموجودين وراها..
الكل ممكن يعتقد ان العملية مدروسة وان فيه مراقبه و و و
ولكن أأكد لك ان الشق عوووووود ولااحد يدري شالسالفة وكلهم يقولون .. انا بكرا اتقاعد والا وراي جم عضو مجلس امه يحميني والا والا ..وبالنهاية لما تصير مشكلة بالتسريب الكل يعرف يحمي نفسه والا يقطها على غيره والا والا ..... (تعبت)
تذكرون فضيحة وزارة العدل؟ اللي نشرتها جريدة الشعب مادري الشاهد (المهم وحده فيهم)
لما تم مسح قاعدة بيانات مهمه فيها اسماء ناس عليهم احكام؟؟؟
طبعا تطمطم الموضوع (لانه اخفاء معلومات وليس تسريب معلومات) ورقصني ياجدع
شرايك ان قاعدة بيانات المعلومات المدنية كانت معروضه للبيع بالسوق السوداء قبل خمس سنوات بمبلغ 500 دينار
لم أرها ولاأعرف من يبيعها ولكني سمعت هذا الكلام من شخص ثقه ..
تخيل قاعدة البانات جدامك الحين .. وتبي فلان شنو مراجعاته الصحية .. ولقيت مكتوب (عملية بواسير) .. تخيله محرج يقول لأحد ... ودش عليك الديوانية !!!!!!
)
موضوع بسيط .. تخيل الموضوع أكبر ..
ولمعلوماتك ومعلومات الاعضاء المهتمين ... وهذا الكلام استقيته من عدة اشخاص ثقات يعملون في مجال التكنولوجيا .. قاعدة البيانات بيد اشخاص من جنسية عربية .. وبعضهم بدون اقامة على الشركة .. والادارات المعنية - اللي هم كويتيين وفخورين بهالانجاز - مايدرون شسالفه ولا مبدأ الحماية ويعتقدون ان هالشخص الاجنبي هو اللي يفهم بس ومعطين الشركة الخيط والمخيط ...
الآلية اللي تمشي فيها البلد اسمها .. الاستعباط التكنولوجي ...
خلنا من الصحة .. روح المواصلات .. نفس الشركة .. ونفس المشكلة .. بالامس كانت فضيحة تجسس من احد السنترالات .. وغدا .. الله يستر .. اممم المواصلات شنو قواعد بياناتها المهمه؟
لك ان تتخيل..
انتقل معي لوزارة الدفاع !!
) نفس الشركة! شنو عندنا اسرار بعد؟!!!
اممممم العمالة الوافدة حطولها نظام .. نفس الشركة .. شنو ممكن يتسرب او يتم تجاوزه؟
شنو شنو شنو بعد ................ ايه .. ديوان الخدمة المدنية .. هني انا اوقف .. بيقولك هذا نظام كمبيوتر مايفرق بين مواطن ومواطن عند التعيين .. دقق النظر .. امممم (تقرون شكاوي الناس بالجرايد؟) قصة التعيينات ال في آي بي ..يبه هذا كمبيوتر! بس منو ورا قاعدة البيانات!!!
ارجع لنظام الاجازات المرضية
) تدري ان الموظف اذا يبي اجازة مرضية لازم يدق على الديوان وتتحول مكالمته لملفه بالمستوصف؟
والله تكنولوجيا ... بس يقولك الكمبيوتر خربان .. والا الرقم اللي تدق عليه ماتدري شلون تتصرف وياه .. بس ليش سوو النظام والبنية التحتية مو كاملة؟؟
لأن النفوذ يبي فلوس .. يبي مناقصه .. وطز بالموظف المسكين.. اذكر ان وكيل وزارة الصحة صرح مرتين باعتماد النظام وتراجع مرتين لما انفضحت الوزارة..
الموضوع متشعب .. ولكن لو علمت ان الناس الاداريين اللي وراه جايين بالواسطه عشان الكادر ومحسوبين على ناس .. راح تعرف حجم الكارثه بعدين..
ماذا لو نشرت بالانترنت (وهات ياقوقل خبر عن فلان والا فلان)
عندك فلاش ميموري؟ روح اي مستشفى ودشلك غرفة طبيب ونزل تروجان وبعد فترة اسحب هالملف وراح تعرف الطبيب شنو كتب ووصف بالاسماء والارقام من ساعة ماحطيت ملف التجسس لين ترد وتسحب الملف .... اي واحد يقدر يسوي هالشغله..
كان هدفي من اثارة الموضوع هو معرفة حجم الكارثه القادمة
بناء على معلومات او حتى شكوك ممكن احد من الاعضاء يثيرها
لسنا نتهم أحدا .. ولكن نعرض الجوانب الكارثية للموضوع لينتبه الجميع
وللموضوع تتمه
