سؤال وجواب ابي اصوت بالإنتخابات !

[« غ ـريب الأطوآر »]

مساء الخير يا اهل الخير

مابقى شىء واكمل 21 سنه

(اذا كنت من الحيين ) واذا صارت الانتخابات الجايه .. اقدر اصوت ولا لازم قبلها اسوي اجراءات معينه ؟

وشكرا ً

​

 

[بوركينا فاسو]

تروح تسجل عند المختار في منطقتك

التسجيل يفتح حسب علمي في شهر 2 فقط

والله اعلم

 

[« غ ـريب الأطوآر »]

تروح تسجل عند المختار في منطقتك

التسجيل يفتح حسب علمي في شهر 2 فقط

والله اعلم

شكرا ياباشا

وبانتظار من يقطع الشك باليقين :وردة:
​

 

[whahd1]

المفروض تكون مقيد بشهر 2
انطر شهر 2 الياي واحتمال ما تلحق

 

[« غ ـريب الأطوآر »]

المفروض تكون مقيد بشهر 2
انطر شهر 2 الياي واحتمال ما تلحق

مقيّد وين بالضبط ؟
​

 

[( الصحفي )]

اخوي تروح المختاريه اللي بمنطقتكم

وتاخذ الجنسيه وصوره عنها والبطاقه وصوره عنها

تقولهم بسوي قيد انتخابي راح يقولون لك الطلبات اللي قلتها لك

بس الحين سكر شهر 2 الجاي تزهب وماأوصيك صوت حق اللي يستاهلون


تحياتي :وردة:​

 

[« غ ـريب الأطوآر »]

اخوي تروح المختاريه اللي بمنطقتكم

وتاخذ الجنسيه وصوره عنها والبطاقه وصوره عنها

تقولهم بسوي قيد انتخابي راح يقولون لك الطلبات اللي قلتها لك

بس الحين سكر شهر 2 الجاي تزهب وماأوصيك صوت حق اللي يستاهلون


تحياتي :وردة:​

الله يعطيك العافيه .. ماقصرت يالغالي

و لاتوصي
​

 

[اسد السنة ( محمد بن هايف)]

يا اخوي الكريم ، في فترتين بس كل سنة :

الفترة الاولى خلصت في فبراير .


الفترة الثانيه :1 مارس الى 20 مارس ، يعني باقي خمس ايام ، لحق من الحين وعطني خبر اذا سجلت ، روح للمختاريه تابعه للمنطقة الي انت فيها ، معاك الجنسية والبطاقة المدنية ، ما طول دقيقة ، يعطيك وصل ، وينتهي الموضوع ................

ترى احتمال كبير في حل قريب ، بعد تهديد في استجواب الزلزله لوزير الصحة ، والراشد يهدد وزير الاعلام والنفط ، والكتلة الوطنية تهدد احمد الفهد ، والشعبي رئيس الحكومة ، شكل هذا المجلس مارح يطول ، وتقبل تحياتي ..........

 

[.. عصآمية *]

^^^^^

لازم الشخص نفسه يروح و الا ولي الامر يكفي ؟؟؟

 

[اسد السنة ( محمد بن هايف)]

^^^^^

لازم الشخص نفسه يروح و الا ولي الامر يكفي ؟؟؟

اذا بنت تقدر تخلي ينوب عنها ولي الامر ، مع الاثباتات : الجنسية والبطاقة المدنية ، يجوز ان يقوم بتلك الاجراءات ،نيابة عنها احد اقاربها : كالاب - الاخ - الخ ، مرتعاة لظروف النساء الاجتماعية ،اما الرجل ما اعتقد ، اقل من دقيقه المراجعه ، تعطيه الاثباتات يعطيك وصل انك مقيد في الدائرة......

والشروط التي يلزم توافرها هي:
1 ـ أن يكون طالب القيد كويتي الجنسية.
2 ـ أن يكون بالغا من العمر 20 سنة ميلادية كاملة خلال شهر فبراير 2011. ​

وعلى طالب القيد ان يقدم للجنة صورة شهادة جنسيته وكذلك صورة البطاقة المدنية.

هذا والله اعلم بذلك .......

 

[.. عصآمية *]

^^^^^

اشششكرررك ماقصرت

جزاك الله خير

 

[mxm8]

اليوم سجلت اهلي بالقيد الانتخابي عند المختارية
المطلوب
الجنسية (الأصل) + البطاقة المدنية (صورة البطاقة تمشي)
يصير الاخ او الاب ينوب عنج والسالفة ماتاخذ 5 دقايق
باقي 5 ايام وينتهي التسجيل ــــــــــــــــ 3/20 ينتهي

موفقة​