الحمدلله إني وصلت الدوام

وطن_عمري

عضو مميز
السلام عليكم ..
الزحمة ما لها حل ؟؟؟
سؤال أطرحه للمناقشة ... واللي عنده الجواب تكفه يعلمنا ؟؟؟
معقوله كل أطلع من بيتنا الساعة 6:45 وأروح أوصل العيال المدرسة بحولي ( وآه من حولي ) يأخذ مني الوقت خمس أربعين دقيقة ( 7:30 ) مع إني من سكان السرة ؟؟؟!!! ومعقولة إن دوامي بحولي وأوصله الساعة 8:00 ؟؟!! وصاكيني بتأخير كل يوم ؟؟؟:باكي:
تدرون وين المشكلة :
* عدم احترام قانون المرور من الناس
* عدوم وجود رجال المرور إلا واحد يم إشارة مجمع النقرة (الله يعطيه العافية)
 

باب الحكمة

عضو فعال
اخوي الله يعينك و يعنا معاك

لكن صدقني لو اي دولة في العالم ما راح تقدر تحل هالمشكلة

عندما يكون كل مواطن ( من الضروري ) ان تكون له سيارة خاصة اكيد بيصير جذي بالشوارع


حت لو حطولنا باصات و قطارات ... الكويتي ( ما ينزل نفسه ) و يركب قطار

ثقافة سادت لا يمكن تغييرها
 

اينشتاين

عضو ذهبي
والله صارلي يومين بكتب عن هالموضوع

الزحمه صايرة مووووو طبيعيه

كل من عنده ليسن

حتي ربات البيوت الاسيويات

المفروض فيه ضوابط علي الليسن

مايعطونه من الوافدين الا مهندس او دكتور او عنده شهادة وخادم البلد

مو صباغ والا نجار

ويفعلون باصات النقل العام علي الاقل نستفيد من وجودهم بالبلد

ويقللون من التكاسي الجواله اللي صايرة ترس الديرة

وعندهم حلين يايحطون ظوابط علي صرف الليسن او يطورون الطرق ويبنون جسور وانفاق اللي

بانينها من ايام السبعينيات لما كان الشعب والوافدين شوية
 

رُبـّـمــا

عضو مخضرم
نصيحتي اخي الكريم

اطلع من البيت 6:20

ترى 6:30 بداية اجتماع ذروة السيارات


خروجك 6:45 جريمة بحق نفسك واولادك اللي يوصلون المدرسة تعبانين من القعدة بالسيارة بدال لا يدشون المدرسة نشيطين ..



6:45 كل سيارة بالكويت حتى اللي بدون مكينة وتواير تمشي بالشارع


الله يسهل عليكم اموركم يارب وعلى كل مسلم​
 

اينشتاين

عضو ذهبي
اخوي الله يعينك و يعنا معاك

لكن صدقني لو اي دولة في العالم ما راح تقدر تحل هالمشكلة

عندما يكون كل مواطن ( من الضروري ) ان تكون له سيارة خاصة اكيد بيصير جذي بالشوارع


حت لو حطولنا باصات و قطارات ... الكويتي ( ما ينزل نفسه ) و يركب قطار

ثقافة سادت لا يمكن تغييرها


تبون الكويتي يركب قطار والوافدين يسوقون سيارات:باكي::باكي:
 

أم فواز

فـزّاعة
اهي بس يت على زحمة الصبح ؟

شرايكم انا امس من طلعت من دوامي الساعه 1:45 دقيقة وصلت البيت الساعة 3:10 !!!!

وربي ان الشوارع امس الظهر وين ما تطقها عوية

لا وهذا اسبوع المرور يعني المفروض يكون في تنظيم

الله يعينك ويعينا اخوي .. بس جرب تطلع ابجر مثل ما تكرمت ربما
 

رُبـّـمــا

عضو مخضرم
اهي بس يت على زحمة الصبح ؟


شرايكم انا امس من طلعت من دوامي الساعه 1:45 دقيقة وصلت البيت الساعة 3:10 !!!!

وربي ان الشوارع امس الظهر وين ما تطقها عوية

لا وهذا اسبوع المرور يعني المفروض يكون في تنظيم


الله يعينك ويعينا اخوي .. بس جرب تطلع ابجر مثل ما تكرمت ربما




بالسيارة وقت الردة للبيت وبعز الزحمة والبريكات خاصة عند دوار الامم المتحدة ..

الله ياني اطقطق روس .. وما اصدق على الله ادخل البيت واشوف عيالي ..



يارب الحكومة تستصدر قرار بمنع النساء من العمل لأكثر من اربع ساعات ..:باكي:



سوف تخف الزحمة غاليتي فزاعة ..

وعانج الله على شقى الدنيا

كلنا بالهوا سوا ..​
 

أم فواز

فـزّاعة
والله يعين الجميع اختي ربما

الزحمة صبح و ضحى و ظهر وليل .. يعني في كل وقت

وبصراحة لما يمشي الطريج وتدوّر حواليك تقول يمكن حادث لا سمح الله والا سيارة متعطله

ما تشوف الا شرطي واقف والا على سيكل او سيارة شرطة ويطالع الرايح والجاي

لو شرطية واقفة بداله جان علوم


* انا تفسيري للزحمة هذي ان السيارات كثرت في هالديرة
والمنحة ماشالله ساعدت في زيادة السيارات
الكل يبي سيارة .. وبدل مالسايق يشيل 4 اشخاص كل صبح
صار بداله 4 سيارات زيادة بالشارع

عمار على باصات المدرسة ..
الا ليت الباصات تعود يوما لأخبرها بما فعلت الزحمة
 

رُبـّـمــا

عضو مخضرم
والله يعين الجميع اختي ربما


الزحمة صبح و ضحى و ظهر وليل .. يعني في كل وقت

وبصراحة لما يمشي الطريج وتدوّر حواليك تقول يمكن حادث لا سمح الله والا سيارة متعطله

ما تشوف الا شرطي واقف والا على سيكل او سيارة شرطة ويطالع الرايح والجاي

لو شرطية واقفة بداله جان علوم



* انا تفسيري للزحمة هذي ان السيارات كثرت في هالديرة
والمنحة ماشالله ساعدت في زيادة السيارات
الكل يبي سيارة .. وبدل مالسايق يشيل 4 اشخاص كل صبح
صار بداله 4 سيارات زيادة بالشارع

عمار على باصات المدرسة ..

الا ليت الباصات تعود يوما لأخبرها بما فعلت الزحمة




انا اقول لج سبب الزحمة من وجهة نظر شخصية ..


شوارع الكويت يا الغالية مصممة من السبعينات لتبقى وفق خطة خمسية او عشرية ثم يتم توسعتها ..


الحاصل إنّ هالشوارع اللي من السبيعات من القرن الماضي ما قامت تتحمل الطاقة الاستيعابية للسيارات اللي كل يوم تدخل الديرة بعشرات المئات ..

واحنا في 2011:cool:






يعني اهمال اداري على فساد اداري على بوق اداري على تنفيع اداري ادّى الى ركوب سياراتنا فوق بعضها البعض ..



قبل الغزو اللي ضايق خلقه ويبي يتمشى يمسك الدائري الخامس .. تقولين راكب طيارة وبالسما


من شدة ان الشارع فاضي ويستقبل الاعداد اللي كانت متوقعة لتلك الفترة


الحين كبار شركات السيارات تستورد سنوياً سيارات وتنزلها السوق ويستهلكها المستهلك ..

دون رقابة او تفكير او حكمة مرورية بعواقب هذا البيع والشوارع اهي اهي ما تغيرت من السبعينات


اللهم جم حفرة يحفرونها ويستغرق حفرها سبع سنوات : /




ديرة الحرامي فيها صار شريف !!



فتخيلي بيت حكومي 400 متر .. وكل سنة يقطون فيه فيل هندي ..

تتوقعين البيت ماراح ينفجر ؟



هذا احنا ..

شوارعنا بيت حكومي

والسيارات فيل هندي





العاقلة .. فزاعة ..

شكراً :وردة:​
 

أم فواز

فـزّاعة

والله كلامج عين العقل يا ربما


عيل شرايج انا أجلت موضوع اني اشتري سيارة يديدة

سيارتي المصونه صار لها معاي الحين 6 سنوات وللامانة مافيها شي

بس قلت من باب التغيير .. وعيوني زاغت على السيارات اليديدة الحين

بس كل ما اتذكر الزحمة اتردد واقول خليني على مينوني احسن

بعدين لا تروحين بعيد ..

اول يوم تبتدي العطلة الصيفية ومافي مدارس ولا جامعات كانت الشوارع فاااااااااااااااضية

ونوصل الدوام بأقل من ربع ساعه

اما الحين اللهم يا كافي .. تقولين حاطين مسابقة وفيها جائزة لأكثر شارع مزدحم


القفي يا ربما بردتي جبدي :وردة:
 

رُبـّـمــا

عضو مخضرم
والله كلامج عين العقل يا ربما


عيل شرايج انا أجلت موضوع اني اشتري سيارة يديدة

سيارتي المصونه صار لها معاي الحين 6 سنوات وللامانة مافيها شي

بس قلت من باب التغيير .. وعيوني زاغت على السيارات اليديدة الحين

بس كل ما اتذكر الزحمة اتردد واقول خليني على مينوني احسن

بعدين لا تروحين بعيد ..

اول يوم تبتدي العطلة الصيفية ومافي مدارس ولا جامعات كانت الشوارع فاااااااااااااااضية

ونوصل الدوام بأقل من ربع ساعه

اما الحين اللهم يا كافي .. تقولين حاطين مسابقة وفيها جائزة لأكثر شارع مزدحم


القفي يا ربما بردتي جبدي :وردة:





اذا سيارتج ما فيها شي وفيها كشنات وسكّان .. لا تغيرينها .. : /

الله يبارك لج فيها .. واستانسي بمعاشج بلا سيارة يديدة بلا موديلات ..



المهم سيارة اتودّي واتييب ..

وفيها هِرن :D





اما بخصوص الشوارع تفضى بالعطل انا اشهد انج صاجة ..

محتاجين حل جذري ..


انا اقترح ان الادارة العامة للمرور تنظم مسابقة بالتعاون مع المركز العلمي وتفرز هدايا مالية كبيرة تفوق الـ 20 الف دينار كويتي


لمن يُقدّم شمروع لتطوير الطرق


يعني يخلون الناس تخترع وسيلة ومشاريع تقضي على الزحمة سواء بالبنيان او بالافكار الاصلاحية التي تبث للشعب والمقيمين ..




هذا اللي اشوفه غاليتي فزاعة ..

غير جذيه مالنا الا نداوم على سياكل نزرّق بين السيارات ..


عاد تخيليني انا وعباتي طايرة وراي ودايسة 130











باتمان بالنسخة الكويتية :p








فزاعة .. نقزي واخذيها قبل لحد ياخذها :وردة:​
 

أم فواز

فـزّاعة
غير جذيه مالنا الا نداوم على سياكل نزرّق بين السيارات ..


عاد تخيليني انا وعباتي طايرة وراي ودايسة 130​


باتمان بالنسخة الكويتية :p



فزاعة .. نقزي واخذيها قبل لحد ياخذها :وردة:​


لقفتها

ههههههههههه ياحليلج يا ربما والله انج شقردية


يا علّه مشروع مبارك وسعيد

وخوش اقتراح ان شالله يفكرون فيه قبل لا .. والا بلاش هالايام العيون زايغة على كل شي :cool:
 

وطن_عمري

عضو مميز
السلام .. اليوم طلعت الساعة أبجر شوي .. وفي طريجي لازم أنزل شارع الملك فهد علشان أوصل حولي
تقولون وين المشكلة : الإشارة مالت جسر السرة ؟؟؟
السواق الهنود وبسيارات معزبينهم الكشخة مو عاجبهم الناس اللي واقفه بالدور ويخاذون الشارع الثني والحارة اليسار وينامون بسياراتهم على اللي ناطرين بالدور ؟؟؟
شنو عينهم قوية ؟؟ ولأن ما شرطة قمت من القهر ووقفت خمس دقايق بالجزيرة اللي قبل الجسر أزف فيهم وأخلي الناس تطوف اللي بالدور وزرعتهم يعني صرت شرطي مرور
والله قهر سواق ومتمردين على القانون
 

طموح رجل

عضو ذهبي
السلام عليكم ..
الزحمة ما لها حل ؟؟؟
سؤال أطرحه للمناقشة ... واللي عنده الجواب تكفه يعلمنا ؟؟؟
معقوله كل أطلع من بيتنا الساعة 6:45 وأروح أوصل العيال المدرسة بحولي ( وآه من حولي ) يأخذ مني الوقت خمس أربعين دقيقة ( 7:30 ) مع إني من سكان السرة ؟؟؟!!! ومعقولة إن دوامي بحولي وأوصله الساعة 8:00 ؟؟!! وصاكيني بتأخير كل يوم ؟؟؟:باكي:
تدرون وين المشكلة :
* عدم احترام قانون المرور من الناس
* عدوم وجود رجال المرور إلا واحد يم إشارة مجمع النقرة (الله يعطيه العافية)


الحال من بعضه

انا يوميا اخرج من بيتنا الساعة 6:45 واوصل حدة حدة انا دوامي في منطقة الوزاراة في جنوب السرة

اليوم طلعت الساعة 7:00 وصلت متاخر

صج وهقة

اتمنى يسوون لنا جسور طوابق وانفاق :D

وبعدين في مشكلة بالشاحنات المفروض مايطلعون هالحزة

في تساهل كبير معاهم

المفروض من الساعة 6:00 صباحة تتوقف حركتهم

شكرا لك على الموضوع الذي اشجاني :(
 

أم فواز

فـزّاعة

يا جماعة الخير اللي يبي يوصل دوامه مبجر لازم يطلع قبل الموعد اللي دايما يطلع فيه على الاقل بعشر دقايق

انا عندي اوصل قبل الدوام بنص ساعه ولا اقعد بالشارع ساعه كامله تقول ناطور
 

طموح رجل

عضو ذهبي
يا جماعة الخير اللي يبي يوصل دوامه مبجر لازم يطلع قبل الموعد اللي دايما يطلع فيه على الاقل بعشر دقايق


انا عندي اوصل قبل الدوام بنص ساعه ولا اقعد بالشارع ساعه كامله تقول ناطور


انا اطلع قبل دوامي بساعة

واحيانا بساعة ونص اذا بغيت امر المطعم واكل اسرع سريع

اما اذا كانت النفس مفتوحة على الاكل لا زم اطلع قبل ساعين اقل شي

معن بيني وبين الدوام ربع ساعة :(
 
أعلى