سؤال وجواب ابي اشتكي على جيراننا

[هدى الكويت]

السلام عليكم
جارنه ماخذ 8 مواقــف وهـادم الـدوار شايل الزرع الي فيـه مخرب الواجهه الجماليـه للـدوار
غلطان شرايه ياخذ 10 مواقف بعـد !! ولا شرايه يصفط عند بيتنا !!
ابي اعرف والي يخليكم اشلون اذا نبي نشتكي عليه بلبلديه اي صوب نروح وشنو الاجراءات ؟
علما اننا من سكان محافـظـة الفروانيـه

 

[فيصل الظفيري]

تشتكين على جيرانكم ..؟!

اعوذو بالله ​

 

[هدى الكويت]

تشتكين على جيرانكم ..؟!​

اعوذو بالله ​

اي كيفـنــا
احنى لمن نصفط عندهم يقلبون الدنيـا ومايقعدونها واهم لمن ياخذون مواقفنا ويشوهون الواجهه الجماليـه للــدوار _ التعدي على ممتلكات الدولـه تبينا نسكـتله !!
كل مواطــن خفيـر ولمن نشوف الغلط يبلغ عنـــه
قبل كنا نفتح الدريشه شوي نشوف شير نشوف شي حلو مو الحين 10 مواقف عشان يبت واحــد !!

 

[ذويقة]

شكاوي بين الجيران والله فشله!!!!!
بالطيب تقدرين تاخذين الي تبينه
الشكاوي بين الجيران عيب
قدامكم عمر تعيشونه مع بعض كجيران واهل
لاجل عين تكرم الف عين....
لازم نصبر على جيراننا ونتنازل شوي عشان نكسبهم
مرات الجار اقرب من اهلك....لا تنسين وصية الرسول بالجار!!!

 

[ركازي]

اذا كان الجار سبق واشتكى عليكم

ما تلامون فيه

 

[سلطان زماني]

قبل لا تشتكون...

تفاهمو وياهم..

عيب مهما كان هذا جار...

الحمدلله انكم موو جيرانا...​

 

[فيصل الظفيري]

والله عيب تشتكين على جيرانكم على شان مصافط ؟


الحمد لله والشكر ​

 

[هدى الكويت]

شكاوي بين الجيران والله فشله!!!!!
بالطيب تقدرين تاخذين الي تبينه
الشكاوي بين الجيران عيب
قدامكم عمر تعيشونه مع بعض كجيران واهل
لاجل عين تكرم الف عين....
لازم نصبر على جيراننا ونتنازل شوي عشان نكسبهم
مرات الجار اقرب من اهلك....لا تنسين وصية الرسول بالجار!!!

اخيــه كلمناهـم بالطيـب كـذا مره ماينفـع وياهــم المسايــس
يعني شنسوي يخربون علينا الواجهه الجماليـه للـدوار ويشيلون الشجر والورد الي فيـه ويعتدون على املاك الدوله وتبيننا نسكـت !!
والمشكلـه ان اهـو عنـده سيـاره لكـن قايم مكسـر الـدوار ومخرب علينا الدوار بحجـة ان عنـده سيارتين !! والمشكله اثنينهم مخردعـه كحيانـــه كل وحده اردى من الثانيـه
سيارتين شماله !! مو من كثر المصافـط
سيـاره وحده كافـي
يعني ينفع احنى نحط لنـا 10 مواقـف !!



حتى لو كـــانــت امـي مخالفـه راح ابلـغ عليهـــا
القانون يجب ان يطبق على الجميـــــع
كــل مــواطــــن خفيــــــر
انا كذا مره امـي ترمي الكلنكس من سيارتـي تقطه بالشارع واتناجر وياها

 

[هدى الكويت]

قبل لا تشتكون...​

تفاهمو وياهم..​

عيب مهما كان هذا جار...​

الحمدلله انكم موو جيرانا...​

تـجـــاهـــــــــل

 

[فيصل الظفيري]

إبلش والله بهالدوار اللي يخلي جار يشتكي على جاره​

والله لو يدري الدوار كان ناقد عليكم ​

 

[q8xtra]

اخيــه كلمناهـم بالطيـب كـذا مره ماينفـع وياهــم المسايــس
يعني شنسوي يخربون علينا الواجهه الجماليـه للـدوار ويشيلون الشجر والورد الي فيـه ويعتدون على املاك الدوله وتبيننا نسكـت !!
والمشكلـه ان اهـو عنـده سيـاره لكـن قايم مكسـر الـدوار ومخرب علينا الدوار بحجـة ان عنـده سيارتين !! والمشكله اثنينهم مخردعـه كحيانـــه كل وحده اردى من الثانيـه
سيارتين شماله !! مو من كثر المصافـط
سيـاره وحده كافـي
يعني ينفع احنى نحط لنـا 10 مواقـف !!

يالغاليه انتي اللي هامك الدوار واملاك الدوله
والا علشان ماتقدرون تسفطون
نبي نفهم!!!!!!!!!!!!!!!!!

وبعدين
ترا الجار قبل الدار
ولا هي من شيم الكرام الشكوى على الجار
ويقولون الجار جار حتى ولو جار



​

.......................
شمري وربي الله
.......................​

 

[ليله ويوم]

المسأله فيها نظر



اولا ً

اذا كان بيتكم فيه سيارتين

وبيت جاركم فيه 6 سيارات

المفروض ما تتكلمين عليه وتقدرين وضعه وهذا راح يكون من الاحسان للجار اللي وصى فيه النبي صلى الله عليه وسلم

اما اذا كان عندكم 6 سيارات وجاركم 6 سيارات حاولوا بالتفاهم تقسمون المصافط بينكم بالتساوي


وبعدين النبي عليه الصلاة والسلام قال اوصاني جبريل بالجار حتى ظننت انه سيورثه !!!


الجار اقرب للأنسان من اقاربه

وتحمل اذى الجار له اجر عظيم عند الله سبحانه وتعالى





​

 

[هدى الكويت]

المسأله فيها نظر​

اولا ً​

اذا كان بيتكم فيه سيارتين​

وبيت جاركم فيه 6 سيارات​

المفروض ما تتكلمين عليه وتقدرين وضعه وهذا راح يكون من الاحسان للجار اللي وصى فيه النبي صلى الله عليه وسلم​

اما اذا كان عندكم 6 سيارات وجاركم 6 سيارات حاولوا بالتفاهم تقسمون المصافط بينكم بالتساوي​

وبعدين النبي عليه الصلاة والسلام قال اوصاني جبريل بالجار حتى ظننت انه سيورثه !!!​

الجار اقرب للأنسان من اقاربه​

وتحمل اذى الجار له اجر عظيم عند الله سبحانه وتعالى​

احنى عندنـا 4 ومكفيننا واهـم عندهـم 7 وكل يوم تقريبـا عندهم زوار ويصفطون يمنا هذي معـادلـه !!
ماخذين مواقف الفريـج كـلاا وموبس احنى متضايقين حتى بيت جيراننا قالو لنـا اي مخرب الدوار وماخذين مواقف الدوار كلهـا

 

[هدى الكويت]

رجاء انا سئلـت سؤال عشان تجاوبوني وتفيدوني مو تقعدون وتعطوني احاديث نبويه شريفه ومسوين لي فيها رجـال ديــن

 

[ذويقة]

رجاء انا سئلـت سؤال عشان تجاوبوني وتفيدوني مو تقعدون وتعطوني احاديث نبويه شريفه ومسوين لي فيها رجـال ديــن

اختي هدي هدي شوي الاخوان ينصحون مافيها شئ يبون لك الصالح
يدورون لك حل يريحك وما يفشلك جدام جيرانك
لان الشكاوي مهي من عاداتنا بالكويت
يعني شلون تبينهم يطردون زوارهم عشانك!! عيب يا هدي
احنا من خارج السور عندنا هالمساله خطيرة فيها قبايل!!! الجار مهم بالنسبه لنا
اهم شئ ما تزعلين...

 

[عالي مستواه]

حبيبتي روحي البلديه وتفاهمي معاهم الدوله خسرانه وتزين بهالدوارات وناس متخلفين،، في امريكا اذا اهملت الزرع اللي جدام بيتكم يخالفونك .. اشتكي انتي ما تعديتي على احد .. اسكت على الغبن كل يوم وشدعوه حنا نختار جيراننا مو قرعه وحظك عاد .. الجيران جيران اول اما الحين ناس تخاف ما تختشيش..واذا اشتكيتي بالله عليك قولي لنا شقالك موظف البلدية..

 

[هدى الكويت]

حبيبتي روحي البلديه وتفاهمي معاهم الدوله خسرانه وتزين بهالدوارات وناس متخلفين،، في امريكا اذا اهملت الزرع اللي جدام بيتكم يخالفونك .. اشتكي انتي ما تعديتي على احد .. اسكت على الغبن كل يوم وشدعوه حنا نختار جيراننا مو قرعه وحظك عاد .. الجيران جيران اول اما الحين ناس تخاف ما تختشيش..واذا اشتكيتي بالله عليك قولي لنا شقالك موظف البلدية..

عـدل كلامـــــــج
المحافـظـه على المرافـق العامه وممتلكات الدولـه واجـب وطـنـي
مشكوره ويعطيج العافيــــــــــه

 

[الداهية _ 7]

يقول سند الحشار الجاسمي المتوفي في أواخر 1927 :​

حنا هل الجيران وحنا هــل الجـــاه 000 وحنا مسقين المعـــــادي غـــلايل
ياجارنا عن دمعة العين نــــرفــــاه 00 0يحشم ولاتكثر عليـــه الضوايــــــل​

يا حيف بس ​

راحو الأولين ..​

لا أعلم أين رمى هؤلاء المتأخرين رداء الحياء ..؟​

 

[ليله ويوم]

رجاء انا سئلـت سؤال عشان تجاوبوني وتفيدوني مو تقعدون وتعطوني احاديث نبويه شريفه ومسوين لي فيها رجـال ديــن

اعوذ بالله


روحي اشتكي من ماسكج



​

 

[عالي مستواه]

ياجارنا عن دمعة العين نــــرفــــاه 00 0يحشم ولاتكثر عليـــه الضوايــــــل​

​

​

يقول يحشم ولا تكثر عليه الضوايل ،،هالحين هالمسيكينه سيارتين وسادين عليها المواقف،، ولا حشمهم وكلموه ولا حشمهم،، وفوق هذا الدوار اللي خاسره عليه الدوله زروع وورود يخربونه ويخلونه مسافط واسكتي لا تكلمين ،،الجار قبل الدار ،،انا قلت لها هدّي عليه بمشعاب ،، البلديه جهه محايده اذا لها حق بتاخذه وبس .. راحت ايام ((ابن حشار)) جاري اذا ما عجبني شلت بيتي على ذلولي وتركتله المراح ..
هالحين بيوت تنطرها وعقب 14 سنه من الانتظار اتفاجئ بجار موذي . واسكتوا الجار قبل الدار !!!مادام رضينا بالمدنية هاذي ضريبة المدنية ...​