سؤال وجواب بسرعه ارجوكم .. ممكن اكبر معرض لغسالات LG

[الديفي]

السلام عليكم

غسالتنا الويل بول صار لها اكثر من 10 سنين تطحن والحين اطتكم عمرها ..
ما ابي اصلحها لأني ذقت الويل مع سيرفس الغانم .. رفعو اسعار خدمتهم ويتأخرون لأيام على يا يجون والفنيين مصاروه ونفسهم شينه وثقال طينه

انا جربت سيرفس البابطين الهنود ممتازين يأتون بسرعه وشغلهم دقيق .. حيث عندي مكيفات LG
ممكن اكبر معرض لغسالات LG بالكويت كفالة البابطين؟

البعض حذرني قال لي خلك على مينونك اي على غسالات ويل بول الغانم لأم غسالات الـ LG تمشي من مكان لمكان لما تشغلها ومو ثابته! صحيح هذا الكلام؟!
ملاحظة انا بحط فوق الغساله نشافه الويل بول..

 

[ARMOUR ON]

انحش عن lg غسالات وماركه زباله حشاك عن تجربه
عندي غساله شاريها ب 300 دينار منهم وطاحت بجبدي ماكملت سنتين وخربانه اكثر من اربع مرات يصلحون وتخرب تقول ماوراي بهالدنيا من اشغال الا ادقدق علا الصيانه
خذ ياباني باناسونيك او هيتاشي وريح بااااااااالك او جنرال الكتريك بس الياباني افضل واليوسفي خدمتهم ممتازه مال باناسونيك

 

[عبدالله .]

عندي صارلها 9 شهور الحمدلله ما اشتكيت منها
وعندي منهم بعد ثلاجة ما اشتكيت منها
بس عندي منهم بعد غسالة مواعين توها بعد الغبار اختربت ودقيت اليوم عليهم !

عريس جديد مطقم LG

​

 

[الديفي]

صديقي يمدح LG يقول غسالته LG وشغاله من غير مشاكل

انا توني راد من يوريكا شريت غساله LG مع تمديد بالكفاله! يعني 4 سـنـيــن كـفـالـه شــامـلــه!! مع 13 سنه كفاله على محرك الغساله!! وهو محرك مطور حديث منخفض الضوضاء وقليل الاهتزاز !!

أي احط ببطني بطيخ صيفي ولا احاتي خلال الاربع سنين على الاقل وهنود سيرفس البابطين حطهم على يمينك .. مـو مصاروة سيرفس الغانم النفيسه والغالين..

 

[World on Wheelz]

مبروك

بجم شريتها وهل فيها تنشيف وجم كيلو ؟؟

 

[الديفي]

غسالتي القديمه "ويل بول" تشيل 6 كيلو وكل 3 او 4 اشهر طايحه خربانه . وكيلها الغانم

غسالتي الجديده تشيل 8 كيلو وسعرها الصج 130 دينار صناعه كوريه ومـو صينيه انتبهو يا اخوان زين هناك LG تجميع صيني وتركي .. انتو اخذو الكوري .. شريتها من يوريكا الشويخ
وانا دفعت 22 دينار لكي ازيد من عمر الكفاله الشامله وصارت 4 سنين وكفالة المحرك لما تشتريها وهذا هو المهم 10 سنين ومع زيادة الكفاله صارت 13 سنه كفاله

اتحداكم تأتون لي بمنتج يعطي كفاله راهيه مثل غسالات LG
البابطين واثق منها .. :إستحسان:

 

[بقيييط]

طقووو من الناشونال خرابات عليكم بناسونيك اوسوني ودك اذا شريت اشتر الحجم الكبير مو تقوول بس انا وزوجتي وبزر اشتر رااهي حتي لوتبي تقط داخله زوجتك تااخذه الغساله​

 

[الحر الابي]

غسالتي القديمه "ويل بول" تشيل 6 كيلو وكل 3 او 4 اشهر طايحه خربانه . وكيلها الغانم

غسالتي الجديده تشيل 8 كيلو وسعرها الصج 130 دينار صناعه كوريه ومـو صينيه انتبهو يا اخوان زين هناك LG تجميع صيني وتركي .. انتو اخذو الكوري .. شريتها من يوريكا الشويخ
وانا دفعت 22 دينار لكي ازيد من عمر الكفاله الشامله وصارت 4 سنين وكفالة المحرك لما تشتريها وهذا هو المهم 10 سنين ومع زيادة الكفاله صارت 13 سنه كفاله

اتحداكم تأتون لي بمنتج يعطي كفاله راهيه مثل غسالات LG
البابطين واثق منها .. :إستحسان:

الله يبارك لك افضل غسالة ال الجي لي شهر ماحصلت يا خوووك انا ابحث عن 12 كيلو مع نظام البخار كل يوم اجي يقولون الاسبوع الجاي احد يقدر يفيدني ممكن