اعلان هام جدا للفنيين ومساعدين المهندسين

م

مزيد المطيري

عضو مميز
يعلن تجمع شباب الفنيين ومساعدين المهندسين التجمع غدا باذن الله يوم الثلاثاء الموافق 29\ 3\ 2011 الساعة 9 مساء في ساحة الارادة بالمقهى الشعبي المقابل لمجلس الامة بخصوص المساهمة المالية المقدرة بمبلغ 20 دينار الخاصة لاعلان ( بيان التوضيح ) لحقوقنا ومطالبنا المشروعة في الصحف اليومية وذلك بعد الزيادة الغير عادله والغير مرضية -يرجى يااخوان تلبية هذه الدعوة وارسالها لجميع من تعرفه من اصحاب وظايف ذات الطابع الهندسي من مساعد فني وفني ومساعد مهندس ومساعد مشرف ومشرف - لضمان تاكيد حضوركم الكريم يرجى الرد برسالة ( موافق )

ملاحظة \ سيتم ارسال مسجات بالارقام المتوفره لدينا للفنيين ومساعدين المهندسين بشأن هذا الموضوع
 
التعديل الأخير:
ا

الحر الابي

عضو مميز
الله يعطيكم العافية والله محد يشتغل ويكرف كثر ((محمد المطوع ومزيد المطيري وقريب منكم )))) عندي شباب مساعدين مهندسبن بالدوام اقولهم دشوا عالشبكة وشجعوا بعض وهم نايمين اتمني الزيادة بس انتم ال3 تجيكم عشان يحسووون الله يوفقكم والله انتم مجتهدين وان شاء الله لكم نصيب بس انتم ال3
 
ق

قريب منكم

عضو فعال
ياشباب لاحد يستخصر الحضور أو يستخصر 20 دينار لأجل قضيه للك حق فيها و بأذن الله 20 الي دفعتها راح تعوضك بدبل دبلات التعديل القادم الهم ياشباب والله قهر عددكم أكثر من 12000 الف ولافيه تفاعل
 
م

مزيد المطيري

عضو مميز
اتمنى يااخواني الكرام التفاعل معانا وهذا الشي لمصلحتنا جميعا واتمنى منكم نشر الخبر لجميع ربعكم واخوانكم الفنيين بجميع الوزارات حتى يكون الحضور قوي ودعم لنا لتحقيق مطالبنا المشروعة والمستحقة بنفس الوقت ولاننسى نحن الفنيين تعرضنا للظلم الواضح من ديوان الخدمة المدنية ونقول للديوان الزيادة مرفوضة مرفوضة مرفوضة
 
م

محمد المطوع

عضو فعال
للأسف بعثت رسايل قبل اشوي....البعض اتصل علي وكأني مسوي جريمة والبعض يغلط بالكلام...ويقولون منو معطيك رقمنا ولا احنا جايين ولا شي....الواحد ماني عارف.. الظاهر الشباب يفكرون إنه انطالب لنفسنا فقط ...
شباب للتنويه فقط: التجمع بإذن الله باجر سلمي ولا راح نقبل إنه يكون اي توتر ولا إثارة اي فوضى
 
B

BARLMANI

عضو فعال
مزيد المطيري .. قريب منكم .. محمد المطوع
الفضل لله ثم لكم لأي زياده قادمه بإذن الله
انتوا اللي تعبتوا واجتهدتوا لبعض الناس الكسالى اللي مالهم خلق يسوون اعتصام
انتوا تبونهم اذا جا اخر الشهر مايدق الواحد فيهم البنك ويقوله لديك ربع دينار
انتوا مثل اللي بيعطي الواحد فيهم وزن وقيمه بديرته وهو يقول لا خلني اعيش بين الرجول
وماعنده مانع يزيدون الوافد ١٤٠ دينار وهو ٩٥ لأنه بكل بساطه مو معطي لنفسه قيمه وقدر ولا كرامه
اغلبهم اتكاليين يعيشون على الفتات وراضين بالمهانه والمذله
لو فيهم خير اقسم بالله مايقعد ولا واحد باجر فبيته يروح يتحرك مثل الرجال اللي اخذوا حقوقهم مو طايح حظه فبيته ومقابل اربع طوف ويقلب بالرسيفر واصبعه بخشمه
خلك رجال مثل غيرك وروح باجر طالب بحقك طول عمرك عايش على الفتات والحين جوكم اوادم بيسنعونكم تقولون لهم منو عطاكم رقمي وماني جاي؟؟؟
انا اتمنى والله اتمنى اتمنى يحطون كشف الاسماء بإيدي واحد الزياده
للي شارك واجتهد وتعب اما اللي مقابل الطوف وسهر بالجواخير والله مايشم دينار
وخله يبجي دم طيح الله حظكم البشر اخذوا حقوقهم وانت بتجيك زياده ماتقل عن ٤٠٠
ورافضها شارك بس شارك وروح كثر العدد خل لك قيمه ورهبه هذي فرصتك ماعندك فرصه غيرها ياكسلان احمد ربك طلعوا لك ناس من تحت الارض يقولون لك ابشر بس
تعال والباقي علينا ناس عارفه شلون تتصرف تركت اشغالها واهلها عشان
ماتلف فيك الارض اذا طلب منك ولد فلوس وقلت له ماعندي طيح الله حظكم بشر لا ماضي لاحاضر لامستقبل عايشين ياكلون السور
وانا كلامي طبعاً مو موجه لكل الفنيين انا اقصد بعضهم اللي يراقب الوضع من بعيد
ويبي يعيش على مجهود غيره 
 
B

BARLMANI

عضو فعال
مزيد المطيري .. قريب منكم .. محمد المطوع
انا كنت فني وحالياً اكمل بمجال مختلف نهائياً عن الوظائف الهندسيه والحمدلله بتقولون لي شلون بقولكم سالفه طوووويله
لكن كنت فني وعارف انتوا شنو الوضع اللي انتوا فيه وكنت عايشه مثلكم
كان معاشي ٣٢٧ دينا واكرف مثل (....) وغيري يستلم ٧٠٠ و ٨٠٠ و ١٠٠٠
وانا رغم اني مو فني لكن اعلن عن حضوري باجر لتجمعكم مسانده لكم
واذا الله عطاني عمر إن شاء الله بجي وبقط معاكم عشرين دينار
اللي الواحد يصرفها مايدري وين صرفها بيوم واحد
دعم دعم دعم مسانده لجهودكم فقط مو لعيون اللي قاعد فبيته وعايش عالفتات
 
م

محمد المطوع

عضو فعال
BARLMANI قال:
مزيد المطيري .. قريب منكم .. محمد المطوع
انا كنت فني وحالياً اكمل بمجال مختلف نهائياً عن الوظائف الهندسيه والحمدلله بتقولون لي شلون بقولكم سالفه طوووويله
لكن كنت فني وعارف انتوا شنو الوضع اللي انتوا فيه وكنت عايشه مثلكم
كان معاشي ٣٢٧ دينا واكرف مثل (....) وغيري يستلم ٧٠٠ و ٨٠٠ و ١٠٠٠
وانا رغم اني مو فني لكن اعلن عن حضوري باجر لتجمعكم مسانده لكم
واذا الله عطاني عمر إن شاء الله بجي وبقط معاكم عشرين دينار
اللي الواحد يصرفها مايدري وين صرفها بيوم واحد
دعم دعم دعم مسانده لجهودكم فقط مو لعيون اللي قاعد فبيته وعايش عالفتات
أنقر للتوسيع...

ماقصرت برلماني على كلامك الطيب..واحنا والله وربي يشهد إنه موقاعدين انقوم بالتحرك هذا إلا لمصلحتنا ولمصلحتكم..
ربي يوفقك
 
م

محمد المطوع

عضو فعال
رسالة

اخواني خاصة فنيين الكهربة والماي العاملين بالمحطات وفنيين وزارة الأشغال والبلدية..أعلم ونعلم علم اليقين مدى الجهد والتعب اللي تبذلونه وظروف وطبيعة وخطورة دوامكم..وعارفين إنه لكم بدلات اتطالبون فيها نقاباتكم...لكن للأسف مافي مستجيب ولا في تفاعل والتقصير واضح وبين..
بإذن الله بعدما انخلص من موضوع كادرنا...راح انبلش بإشهار جمعية للفنيين ومساعدين المهندسين لتحقيق مطالبكم وحقوقكم المشروعة وإختصار الطريق بدلا من منة افلان وعلان ومناشدات لاتفيد ولاتضر للاسف...
اموفقين ان شاالله
 
التعديل الأخير:
ص

صندوق

عضو فعال
اتمنى يااخواني الكرام التفاعل معانا وهذا الشي لمصلحتنا جميعا واتمنى منكم نشر الخبر لجميع ربعكم واخوانكم الفنيين بجميع الوزارات حتى يكون الحضور قوي ودعم لنا لتحقيق مطالبنا المشروعة والمستحقة بنفس الوقت ولاننسى نحن الفنيين تعرضنا للظلم الواضح من ديوان الخدمة المدنية ونقول للديوان الزيادة مرفوضة مرفوضة مرفوضة
 
M

mr__777

عضو فعال
جهود جباره من الشباب تشكرون عليها ان شاء الله وباذن الله من الو الحضور غدا وما ضاع حق من وراه مطالب يا شباب اللي ما يبي يقط شي راجع له ولا احد يغصبه على الدفع لكن نبي الحضور ايضا نبي تجمع قوي شوف الاعلام واعلاناتهم وشوفوا النقابات الثانيه عندهم احد يطالب لهم بس انتم لا يعني جهود شخصيه منكم انت اللي تطالبون فيها فنتمنى الحضوررر غدا


بالنسبه للاخ محمد المطوع اتمنى ان تشرح لنا بالتفصيل عن الزياده الاخيره لان صراحه كل شوي جاينا واحد ويقولونا كلام واحنا ما حنا عارفين بالضبط هي كم


يعني مثلا انا حاليها معاي دبلوم من معهد الكهرباء والماء بعد الثانويه وعلى الدرجه الرابعه بدون علاوات جم يحوشني بالزياده الجديده​
 
ق

قريب منكم

عضو فعال
يا شباب والله ماتحركنا ألا علشان حقنا نشوفه وبيضيع منا والله ثم والله دقيت اليوم على

الاتحاد العام للنقابات وسمعت أنهم مستنفرين وقلت يمكن تحرك ضميرهم وقلت أدق

عليهم والله ياليتني مادقيت قلت يقولون أنكم تبي تسون أعتصام يوم الاربعاء وقالو تقريبا

بس راح يبين القرار العصر قلت ليش انت موراضين على الزيادات الضعيفه كفو والله ترى

والله من الصبح تلفون مايسكت من أخواني الفنيين والله موراضين على الزياده الضعيفه

وقالولي بالحرف الواحد لايبا مو علشانكم أنت أحمدو ربكم جتكم من 90 الى 230 شنو

أنتو موعاجبكم بعد أحمدو ربكم بس قلت الحمدالله طيب ليش موعاجبكم الوضع الحين

قالو لا بس في شغلات وراح يردون خبر يعني بعض الكوادر ؟؟؟ أنا أهنيه أتسأل هل في

مساومات وهل هم الان يطلبون زياده ماليه سنويه للنقابات بدت رائحه الصفقات والله

أعلم وهاذا الي خلانا نجتمع بمجهود الشباب عند ساحة الاراده لكي نوصل رسالتنا

وسوف نضغط على مكتب الوزير الشيخ أحمد الحمود لكي نقابله خلال هاذا الاسبوع

ونبين التخبطات في الديوان والاحباط لدى الفنيين ودمتم
 
M

mr__777

عضو فعال
mr__777 قال:
يعني مثلا انا حاليها معاي دبلوم من معهد الكهرباء والماء بعد الثانويه وعلى الدرجه الرابعه بدون علاوات جم يحوشني بالزياده الجديده​
أنقر للتوسيع...


قريب منكم او اي احد من الاخوان الموجودين فهمونا الزياده جم اتمنى انك تجاوبني على موضوعي المقتبس او اي واحد من الاخوان اللي عندهم معرفه بالزياده الاخيره وشكرا
 
يجب تسجيل الدخول أو التسجيل كي تتمكن من الرد هنا.
أعلى