الكويت فيها ظلم ولا ما فيها؟؟

محاور بأدب

عضو فعال
السلام عليكم ورحمت الله وبركاته موضعي للمسلمين فقط:) لان اليوم بتكلم بمعاير الاسلام:)


البدون؟؟ فئه مظلومه بالكويت من 58 سنه ولم تجد من يساندها الا القليل الذين يذكرون الحق؟

جديد البدون الحكومه وعدت بالحقوق اما الملأ وبتأكيد قبل ثمانيه ثلاث للاسف ما تحقق ولا شي ومحد انكر على الحكومه ترصفها وقال وين وعودج؟


بس الغريب يوم مظاهرت البدون كل الشعب اعترض يوم الحكومه استمرت بظلم محد قال ليش وين راحت الوعود

يجي احد يرد على الموضوع يقول مزورين يقول نصابين اهو فيه مستحقين والاكثر مستحقين
بس نقول ان البدون مزورين ويهود وكفره وملعونين خير:)

ماكو شي بدين او شرع يحلل انك تحرم الانسان من حقوق الانسانيه دينا الاسلامي امر برحمت الحيوان فكيف بالانسان


الحكومه وعدت ولم تنفذ شي يجي احد يقول شوف وضع الساحه السياسيه والعربيه وديره

انا شكو صارلي ستين سنه مظلوم ومحد بطل حلقه وعدو بتوظيف وحق التملك وحق الورث؟

ياناس حق الورث ممنوع تخيلو روعة المنظر لا اصلن قالو ماكو حق تملك فكيف يورث؟ الحين شهايد الميلاد لازم توقع انك من ديره فلانيه يعني غصب توقع عندك دليل خلني اروح اعيش
والي يقول مت يموت جوع بالكويت فيه بدون يلمون اكلهم من الزبايل اجلكم الله:)؟؟؟؟؟؟

اتقو دعوت المظلووم وظلم ظلمات يوم القيامه كل كاتب كل صاحب راي كل صاحب قرار سوف يحاسب يوم القيامه لو كان 10 الف بس المستحقين من ميت الف ماكو شي يبرر وراح تتحاسبون على العشره كلهم ليه ظلمتوهم مع العلم 95 بالميه مستحقين اذا الموكل بس مو هذا موضعنا


اي دين واي شرع يسوي جذي اي دين يقول انتهكو حرمت الانسان ماخلو للانسان البدون حرمه كل شي اخذوه خلو الحيوان اعز منه؟ ايه الحيوان شهادت ميلاد وعلاج ؟؟؟ استغفر الله
بدين الاسلام حرمت الانسان المسلم اعظم من حرمت الكعبه ؟ اتقو دعوت المظلوم؟


السؤال لو طلعو البدون تظاهرو بيقلون الشعب نفس المره الي طافت خربو على النفسهم الحكومه كانت جاده؟ لو جاده سوت ونفذت وعودها قبل ثمانيه ثلاثه؟؟؟


السؤال الى الشعب الكويتي عااامه والعقلاء منهم والعنصري لا يرد ويكلف روحه ابي ردود عقلانيه


الحين بالاسلام جزاء الاسائه بالاحسان

وعند الكفره واليهود جزاء الاحسان بالاحسان
؟؟


بس السؤال متى يكون جزاء الاحسان بظلم ونكران؟؟ ناس وقفو وحاربو وضحو بروحهم وولليوم تظلمومنهم

هذا وين كان كان بالكويت جزاء الاحسان الظلم ونكران ؟ شنو مذهب الحكومه مدري الي تعامل الشهداء والي دافعو عن الوطن بظلم ماكو كويتي قال ليه ظلم الحكومه للبدون كلن ع همه سرى :)


الوكاد لا تلمون البدون لا تظاهرو بيسون مظاهر يمكن بعد فتره لحد يلومهم بعد كذب الحكومه


لو الحكومه تقول فيه مزورين خل تحاكمهم وفيه مستحقين خل تجنسهم بسرعه ولا يجذبون عيب علكم الجذب


لو قلت ديره ظالم الحين الكل بيقول لا احترم نفسك ديرتي مافيها ظلم بس اهي فيها ظلم وستين سنه يقولون فيه مستحقين والحكومه تعرفهم ما جنستهم لليوم يعني الظلم لليوم موجود الله لا يسامح كل ظالم


اللهم ارنا فيهم عجائب قدرتك

اللهم ارنا فيهم عجائب قدرتك


من الطريف والمضحك يطلعون بعض اعضاء السنه والذي يدعون الدين والاسلام بالحا فقط وهم عارضو على حقوق الانسان للمعلومه انا سني:) بس استغرب من الي يمثلون الدين وسلف ويقولن ما يجوز الزواج للبدون وما تجوز عليهم الزكااه؟ ويصوتون ضد الحقوق الانسانيه؟


الله لا يسلم فيهم ولا عظم والله لا يسامح كل ظالم من كبيرهم الى صغيره


اللهم ارنا فيهم عجائب قدرتك يارب العالمين يا اكرم الكرمين
 

باب الحكمة

عضو فعال
يقول الله سبحانه لعبده المظلوم :

لأنصرنك و لو بعد حين

ما للضعيف إلا الدعا لو ما يجاب ما غيره الا الشوف مكتوف اليدين
 

ثامر العنزي

عضو بلاتيني

الظلم في كل بلد .. دولة مسلمة او كافرة كانت ، ديمقراطية او ديكتاتورية .
ولكن يختلف من دولة لأخرى ، على حسب المزاج والأهواء . مثال

الكويت بها ظلم . والبدون خير دليل
الدولة تقر بشكل لا يقبل الشك بوجود مستحقين من البدون للجنسية ، وهذا الاقرار
على لسان كبار رجالات الاسرة الكريمة وبعض المسؤولين فيها ، ولكن ليش يسكتون على ظلمهم ؟؟
هنا السؤال المهم ؟؟؟

نسأل الله أن ينهي عذاب البدون ، رحمة بالبلد وشعبها ، لأن الظلم له عواااقب وخييييمة وجبااارة

 
لن تتحقق الوحده الوطنيه الا باعطاء البدون حقوقهم كاملة واولها الحق في التجنيس ، والعجيب ان رغبة الامير بحل القضيه يقابلها تسويف ومنح حقوق على الورق فقط !
 

دائرة واحدة

عضو ذهبي
لن تتحقق الوحده الوطنيه الا باعطاء البدون حقوقهم كاملة واولها الحق في التجنيس ، والعجيب ان رغبة الامير بحل القضيه يقابلها تسويف ومنح حقوق على الورق فقط !

شنو علاقة الوحدة الوطنية بتجنيس البدون ؟؟؟ البدون نفس الكويتيين فيهم الشيعي والسني والبدوي والحضري ولو تجنسوا كل واحد فيهم بينضم لطائفته أو قبيلته !!! وراح يستمر تدمير الوحدة الوطنية ..

اما زجك برغبة سمو الأمير فهذا غير مستغرب !!! لأن البعض سبقك بزج رغبته بعدة مواضيع !!!
 

محاور بأدب

عضو فعال
الظلم في كل بلد .. دولة مسلمة او كافرة كانت ، ديمقراطية او ديكتاتورية .
ولكن يختلف من دولة لأخرى ، على حسب المزاج والأهواء . مثال​

الكويت بها ظلم . والبدون خير دليل
الدولة تقر بشكل لا يقبل الشك بوجود مستحقين من البدون للجنسية ، وهذا الاقرار
على لسان كبار رجالات الاسرة الكريمة وبعض المسؤولين فيها ، ولكن ليش يسكتون على ظلمهم ؟؟
هنا السؤال المهم ؟؟؟​

نسأل الله أن ينهي عذاب البدون ، رحمة بالبلد وشعبها ، لأن الظلم له عواااقب وخييييمة وجبااارة​

اسال الله ين يعجل فيه عواقبه ويرينا فيهم عجائب قدرته كما رؤنا هم عجائب قدرتهم:)
 

يعقوب الشمري

عضو بلاتيني
عندنا بالكويت واجد ناس تعرف الظلم حرام تطلب الرحمه من الله ويرفع عنها وتتصدق وتزكي ومساجد ممتليئه

لك لو وصل الامر للمسلمين البدون لا والف لا هذا كاولي ومزور وداش تهريب وخاش جنسيته تحت طابوقه
ويبي ياخذ اللقمه من اعيالنا ويبي يصير راسنا براسه

علبالهم الاسلام صوم وصلاة وزكاه بس

ما نقدر الا لله المستعان
 

محاور بأدب

عضو فعال
محاور :وردة:

أنت متأكد من هالمعلومة من صجك 58 سنه

أصبح مسجل من أهل السور أو من بادية الكويت


تبي اوريك شهادت الشيخ نبي العوضي تبي اوريك اوراق ناس واجد:)
بقولك الحكومه تجذب يوم تقول فيه مزورين لو فيه مزورين ليش ما تحاكمهم بدال مو اهي تطلع جوزات مزوره؟؟:)
حكم عقلك جذبت المزورين جذبوها وصدقوها لو فيه مزورين اتحدا الحكومه تحاكم :)

وفيه ناس اقدم وايد؟

وفيه الي شاركو بالحروب واستشهدو ما فيه اعظم من اهداء الروح لاثبات الولاء وروح تساوي الوطن :)
 

محاور بأدب

عضو فعال
لن تتحقق الوحده الوطنيه الا باعطاء البدون حقوقهم كاملة واولها الحق في التجنيس ، والعجيب ان رغبة الامير بحل القضيه يقابلها تسويف ومنح حقوق على الورق فقط !

مشكور على المرور ونطالبك بندوه للبدون خلا الشهرين هذي :) لان الناس تبي توعى اكثر
 

فـــهـــد

عضو فعال
البدون ظالمين انفسهم

شحقة قاعدين بالكويت كل هالسنين لية ماراحوا للسعودية او العراق وينتهي الظلم

اول مرة اشوف واحد مظلوم وماهو بمسجون وقاعد عند الي ظالمة
 

يعقوب الشمري

عضو بلاتيني
البدون ظالمين انفسهم

شحقة قاعدين بالكويت كل هالسنين لية ماراحوا للسعودية او العراق وينتهي الظلم

اول مرة اشوف واحد مظلوم وماهو بمسجون وقاعد عند الي ظالمة


الامارات اطلبت البدون وتم الرفض

بعدين يااخي بلدنا مهما صار ما نقدر نهاجر

هالظلم كله لهدف تهجير البدون

بس ولله ما يطولونها

لو نوصل مليون ما عندنا مشكله

انت تقدر تهد للكويت
 

محاور بأدب

عضو فعال
البدون ظالمين انفسهم

شحقة قاعدين بالكويت كل هالسنين لية ماراحوا للسعودية او العراق وينتهي الظلم

اول مرة اشوف واحد مظلوم وماهو بمسجون وقاعد عند الي ظالمة

اروح لسعوديه يقولون اصولك كوتيه اروح لكويت يقولون اصولك سعوديه

وش اسوي؟ اذبح نفسي مثلن الي راحو لسعوديه تسنعو بس الي راحو للكويت للحين مظلومين وان شاء الله لي موضوع خاص عن بدون السعوديه وكويت
 

فـــهـــد

عضو فعال
اروح لسعوديه يقولون اصولك كوتيه اروح لكويت يقولون اصولك سعوديه

وش اسوي؟ اذبح نفسي مثلن الي راحو لسعوديه تسنعو بس الي راحو للكويت للحين مظلومين وان شاء الله لي موضوع خاص عن بدون السعوديه وكويت

لمة تقول الي راحوا السعودية تسنعوا بقولك انك ظلمت نفسك كثيير بعد

شنو يعني تسنعوا درس وصار عندة شهادة !!

ومو لاقي ياكل حالة حال الفقير المحرووم نص شعب المملكة الله يعلم بحالهم

بالكويت البدون الي تقول عنة مظلووم ياكثر عروسهم وياكثر الي عايشين احسن عيشة

بخير ونعم يتمناها كثير من الشعب السعودي المغلوب على امرة

وياليت لو عندك جواز 17 تروح الامارات تشوف بدون الامارات الي تيقول الشمري اطلبتكم والكويت عارضت

والله انة عيشة البدون هني فوق النخل بالنسبة لبدون الخليج او بعض شعوب الخلييج
 
أعلى