بدون .!

@Noura@

عضو مخضرم
ماجيت أتاجر من ورى آه وطعون = ولاجيت أوقف في منابر تجاره
ولاجيت أبي الشهره ولا ربح مليون = ولا جيت أجامل فوق هذي المناره
قضيتي أسما من اللي يقولون = وأسما من الدينار وملك العماره
قضيتي عنوانها دمعة عيون = قضيتي تربح بعهد الخساره
قضيتي قوسين عنوانها ( أبدون )= ألفين خط نحط تحت العباره
خط الشهاده وخط ناسٍ يضحون = برواحهم لاثار في الدار غاره
خط الجنود اللي على الحد يحمون = مدرعه ومدفع سلاح وإشاره
امرابطين هناك ونتو تنامون = امأمنين الوضع من غدر جاره
خط الرجال على العهد يوفون = اللي ادحروا الظلم في عقر داره
هاذي القضية وكل ابوكم تعرفون = لاكن جديد الوضع شبت شراره
اللي اعتلت مسرح مهو مسرح فنون = اللي اعتلت مسرح بعز أوقاره
دكتوره ( بتله ) والقهر يعزف اشجون = يال الزمن هذا وياكبر عاره
دكتوره ( بتله ) صدق أما زلتي أبدون= رغم الشهاده طب بفخر وجداره
دكتوره بتله تعيش في وقت مجنون= دكتوره إسمك مل طول إنتظاره
أعوام راحت ينتظر سن قانون = دكتوره صرتي بين جمره وناره
مع احترامي جنسوا المقيمون = أهل الطرب والفن وأهل . . . .( تكرمون عن الكلمه )
دكتوره روحي أقصدي قلب ( شارون ) =في ذمتي يبكي عليك بمراره
بنت الشهيد اللي بيشفع لسبعون= هذا جزاها يازمان الحقاره
معها أخوها أمن القهر شاحب اللون = ياكبرها رجال بان إنكساره
يحذف أعقاله وينتخي بس تكفون = ردوا جميل أبوي ردوا أعتباره
هذا جزاه أعيال ظهره أيتباكون = أقلوبكم أقلوب وإلا حجاره
ماعاد نملك شي وأنتم تشوفون = حتى ملابسنا بعضها أطراره
شرطي يوقفنا حشا ماهو ألعون = قصده إهانتنا بعذر استماره
يقوللي ( بدون ) شيطان ملعون= أمن الفضا نازل وخذها أستداره
من رزقي يقطعني على أتفه الدون = لني ( بدون ) إيسوق فيها شطاره
أرجع وهمي شايله من على أمتون= متى عجاج الذل أنفض اغباره
ليه الزمن وأنتوا على إنسان محزون= ليه ( البدون ) يعيش فاقد قراره
يشبع إهانه أمن الصبح لين تمسون = أمن الإهانه عاف طلعت نهاره
حرٍ طليق وداخل الضيم مسجون= كلمة ( بدون ) أتصير فينا عياره
وين أنتوا ياللي بشرع ربي تحكمون = يهل المراجل والحيا والنعاره
أعيالنا تمسي ولا تترس أبطون = صار ( البدون ) الذل رمز لشعاره
في موطنه يال الأسف عاش مهيون= أمن القهر تصفق يمينه يساره
حنا ( بدون ) أرجال وأنتم تخبرون= أهل العلوم الغانمه والصقاره
أختي معي جينا نبي حل مضمون = نبغي كرامتنا بعهد الحضاره
سمعتهم وأبكي مع ناس يبكون = وقلبي قسم بالله زاد إنفطاره
أنا مواطن جيت مابي تصفقون = تسجيل موقف حق أرجي انتصاره
هذي قصيده والسموحه وتبقون = أخواننا في لين وحتى فعساره


رائعة الشاعر حمد المخيـــــــــــــال
 
أعلى