انا من اهل الجنوب بالسعوديه ومن سكان منطقة عسير مدينه خميس مشيط 10 كيلو عن ابها يعني الخميس وابها واحد رفيدة مدينه وحده زي الخبر والدمام
للاسف مافيه امطار قويه امطار عاديه اسبوعين فقط امطار وعاديه بس مع احترامي للبعض مقارنه اجواء الطائف بابها ظلم ابها اروع بكثير في شهر اغسطس ويوليو الجو بعد الساعه 1 الظهر غيوم الى المغرب هذي ميزه الاجواء بالجنوب
لما اشوف اهل الرياض والشرقيه والشمال والخليجيين يتمشون باماكن معروفه ارحمهم لانهم يروحون اماكن مزحومه جداجدا ومزعجه بس حنا اهل الديره نعرف الاماكن وروعه وكانك تتمشى بمدينه اب باليمن وصلاله اماكن فيها غابات بس فيها حيوانات ودواب خطيره جدا للي ماهو مستعد
مدينه الناص للي يسال عنها تبعد عن ابها 100 كيلو تقريبا شمالا بس طريقها جبلي وتعرفون الطرق الجبليه كيف تصير وطبعا محافظة صغيره هيه وتنومه يعني تقريبا نائيه ولكن الان توهم مسوين اهلها شقق مفروشه لان الناس يتوجهون لتنومه والنماص بكثره لان اجوائها عادة تكون ممطره وطبعا اللي يقول غير كذا جاهل بمنطقة عسير
بس والله ياجماعة فيه منطقة مظلومه بالجنوب اسمها (( جبال فيفا )) في منطقة جيزان بصراحه انا اسميها اوروبا الجزيره العربيه بس يبغالها سياره كفو مو لعب جبال خظراء واللي يجهلها يشوف هذا المقطع ويقول رايه
http://www.youtube.com/watch?v=20aVsUOP_jo
والله ياجماعة انا رحت لها اهلها طيبين جدا وفيهم كرم حاول تتحاشاهم لانهم لوعرفوا انك غريب راح يضيفونك بالغصب ماهو بكيفك وانا اقولها من واقع تجربه بس قريبه من الحدود اليمنيه
طبعا المسافه 300 كيلو يعني معاناه بالطرق بالسعوديه الله يعينكم
انا اشتغل بمستشفى واذكر جانا حادث اخر الليل وكانوا عائله كويتية ( من قبليه العجمان ) بالصيف الماضي كانت اوضاعهم الصحيه طيبه ولكن اذكر اني سولف مع احدهم وقالي انهم ساكنين هنا من شهر وانهم راح يقضون رمضان بابها ويقولي ان الاسعار مناسبه وفيه كويتيين كثير بس القطريين اكثر زوار الخليجيين لان لهم انساب كثير عندنا وقبايلهم عندنا
اعتذر للاطاله بس حبيت اشرح للي يسال عن ابها فقلت اهل مكة ادرى بشعابها فحبيت اجاوب .
بس فيه مفارقه عجيبه احنا نقضي اجازاتنا الصيفيه خارج الجنوب اما جده او مكه او المدينه هذولا العوائل اما الشباب تعرفون لازم سفر للخارج والاجواء الزينه عندنا .