أقول أنا في خير وشيوخنا سنود ** صدق بدوي الله يعز الحكومه

[عبدالله الثامن]

​

مدري شْكَلينا يا عسى ياكْلك الدود

طَرْق المعاش وطَرْق بيت الحكومه ​

ودينن علينا بالربى فايضه زود ​

لقبل سواد الليل نحسب نجومه ​

القرش الابيض ما حفظناه للسود ​

تقدر تقول انعيش يومٍ بيومه​

حتى مع الاسكان بالحظ مقرود ​

البيت سَدْ ولا لِقى من يسومه ​

أكبر مصيبه موقف البيت محدود ​

بيني وبين الجار صارت خصومه ​

ما بيننا نرسم علامات وحدود ​

وكلن على حدّه مكفّي علومه ​

أبشرك بعته بخساره على سعود ​

وجدّدت قرضي في بنوكٍ ظلومه​

هذي مع هذي وعودٍ على عود ​

وخابر ذهب من يوم عرسي بحومه​

بروح للشايب عسى بحالنا يجود ​

وبلْعب على الألفاظ واسحب نعومه ​

عل وعسى مايشترط عشرة بنود ​

يذكر زمان أول أقلّب هدومه ​

يجيب لي من كل حادث له شهود ​

يقعد يغني سيرة الحب ثومه ​

أطلع وحالي من بلا الوقت مشدود ​

مع كل شارع من غثا النفس حومه​

ارجع على ايجار شقه مع هنود ​

اليوم نفطر بس بكره نصومه ​

هذا ومثلي بالعرب صار محسود ​

واللي ابتلى بالدين لَحْدن يلومه​

المشكله ما بين ناشد ومنشود ​

مثلي قليل اللي يغيّر سلومه​

أقول أنا في خير وشيوخنا سنود ​

صدق بدوي الله يعز الحكومه

قصيده تنطق بلسان حال اغلب اهل الكويت واحوالهم المتواضعه ومشاكلهم اللى ماتخلص للشاعر حمد المخيال ​

 

[عبدالله الثامن]

القرش الابيض ما حفظناه للسود ​

تقدر تقول انعيش يومٍ بيومه​

 

[ساهر الليل]

الله الله قصيده في محلها وعلى الجرح

الله يصلح الحال​

 

[فهيدااان]

همومي اكثر من همومك بزود ...... ما ينفع ناصر و لا عيال العمومه