السلام عليكم اخواني في الشبكة بصراحة الموضوع اليوم هو موضوع الكوادر
هناك مطالبات بكوادر وكوادر اقرت وكوادر لم تقر و لست هنا في معرض الحديث عن مافعله جهابذة مجلس ديوان الخدمة اللي لو في دولة ثانية كانوا اعدموهم في ميدان عام مجلس الخدمة المدنية اللي ما يستحي خلص كل وسائل المساعدة اولها الطلب من البنك الدولي انه يشوف هالموظفين اللي يطالبون بالزيادة يستحقون ولا لا ؟؟؟؟؟ وبعدين طلبوا من توني بلير انه يكتبلهم تقرير عن الزيادات والكوادر طبعا غير تحابيش جماعة ال26 وتصريحاتهم النارية
الكوادر والزيادات مطالبات من 2004 علي الاقل وفيه ناس ما حصلت ولا فلس وفيه ناس حصلوا اكثر من كادر وزيادة اذا في اخر اجتماع زادوا اعضاء بعثة الحج هذا شنو معناه يعني فيه تضخم واليومية للمبتعث في حملة الحج الكويتية اضطروا انهم يزيدونها
اوكي يعني الزيادة مستحقة للكل لكن فيه بعض الاصوات تقول تكلفة علي الميزانية والدولة من ويين راح تجيب فلوس حق الكل يعني نقاش بيزنطي ما منه فايدة
من هذا المنطلق بادرت انا العبد الفقير لله (تابعه قفة ) بان اطرح علي مجلس الخدمة المدنية اقتراح لا راح يكلف الحكومة اي فلس زيادة ولا راح يتعبهم بالتفكير لانهم ناس تنابلة ما يبون يشغلون مخهم
اقتراحي بسيط وسهل وقابل للتطبيق اليوم قبل باجر
اقنراحي يقوم علي نوع من المساواة يعني يظل فيه كوادر حق الاخوان اللي ماخذين كوادر بس يتم تعديلها طبعا واحد راح يقولي اشلون تعديلها
الرد كالاتي :
قرار من مجلس الخدمة المدنية ( النايم بالعسل من 1976 )
بناءا علي الاطلاع علي مواد الدستور ( يا حلاتك يالدستور متي ما بغوك رفعوك واذا ما يبونك قطوك)
وعلي الاطلاع علي مواد قانون الخدمة المدنية ( اهو القانون حلو بس وين اللي يطبق )
وبعد الدراسات المستفيضة للبنك الدولي لواقع الحال الوظيفي في الكويت
وبعد تقرير السيد توني بلير عن حال الموظفين بالكويت اللي كتبه واهو قاعد بفندق السافوي بلندن )
وبعد المشاورة في جلسة المجلس الاعلي للخدمة المدنية قررنا الاتي :
1- الغاء جميع الكوادر والمميزات الوظيفية لكل الموظفين في القطاع العام سواء اكانوا موظفي وزارات الدولة او مؤسساتها او الهيئات التابعة لها السابقة علي هذا القانون ويطبق هذا القرار من تاريخه
2- الوظائف التي تحتاج زيادات خاصة وهي الوظائف الشاقة او المنفرة او ذات الطبيعة الخاصة يمكن اقرار زيادة خاصة لها علي بند طبيعة عمل بشرط ان لا تجاوز 25% من الراتب الاساسي باي حال من الاحوال
3- يتم النظر في زيادة الراتب الاساسي للموظفين بشكل عام كل سنتين كما نص قانون الخدمة المدنية
تم بحمد الله
طبعا هالاقتراح راح يريح جميع الموظفين في الدولة لعدة اسباب :
1- راح ترجع قيمة الدينار لانه راح يقل التضخم بسبب الكوادر الخيالية اللي بعضها وصل لست اضعاف الراتب العادي
2- راح يزول الاحساس بالظلم لدي الموظف اللي ما عنده كادر
3- راح يزيد انتاجية الموظف لانه ما راح يحس انه مهمل من النظام
4- راح تقل الاسعار علي الموظف اللي في قاع السلم الوظيفي لانه التاجر يحسبها علي راس السلم ومعاشاتهم العالية
5- تفعيل ادوات الظبط الوظيفي يعني حجة الحكومة انه الموظف ما ينتج وهذا بسبب سوء الادارة مو سوء الموظف نفسه
ادري انه فيه ناس تكره هالطرح بس فكروا معاي بدون انفعال واحسبها راح تلقي انه كلام منطقي
اتوقع اذا تم تطبيق القرار انه الكامري بتصير ب3000 والكرولا 2000 ودشة الجمعية 50 اذا كثرت
هناك مطالبات بكوادر وكوادر اقرت وكوادر لم تقر و لست هنا في معرض الحديث عن مافعله جهابذة مجلس ديوان الخدمة اللي لو في دولة ثانية كانوا اعدموهم في ميدان عام مجلس الخدمة المدنية اللي ما يستحي خلص كل وسائل المساعدة اولها الطلب من البنك الدولي انه يشوف هالموظفين اللي يطالبون بالزيادة يستحقون ولا لا ؟؟؟؟؟ وبعدين طلبوا من توني بلير انه يكتبلهم تقرير عن الزيادات والكوادر طبعا غير تحابيش جماعة ال26 وتصريحاتهم النارية
الكوادر والزيادات مطالبات من 2004 علي الاقل وفيه ناس ما حصلت ولا فلس وفيه ناس حصلوا اكثر من كادر وزيادة اذا في اخر اجتماع زادوا اعضاء بعثة الحج هذا شنو معناه يعني فيه تضخم واليومية للمبتعث في حملة الحج الكويتية اضطروا انهم يزيدونها
اوكي يعني الزيادة مستحقة للكل لكن فيه بعض الاصوات تقول تكلفة علي الميزانية والدولة من ويين راح تجيب فلوس حق الكل يعني نقاش بيزنطي ما منه فايدة
من هذا المنطلق بادرت انا العبد الفقير لله (تابعه قفة ) بان اطرح علي مجلس الخدمة المدنية اقتراح لا راح يكلف الحكومة اي فلس زيادة ولا راح يتعبهم بالتفكير لانهم ناس تنابلة ما يبون يشغلون مخهم
اقتراحي بسيط وسهل وقابل للتطبيق اليوم قبل باجر
اقنراحي يقوم علي نوع من المساواة يعني يظل فيه كوادر حق الاخوان اللي ماخذين كوادر بس يتم تعديلها طبعا واحد راح يقولي اشلون تعديلها
الرد كالاتي :
قرار من مجلس الخدمة المدنية ( النايم بالعسل من 1976 )
بناءا علي الاطلاع علي مواد الدستور ( يا حلاتك يالدستور متي ما بغوك رفعوك واذا ما يبونك قطوك)
وعلي الاطلاع علي مواد قانون الخدمة المدنية ( اهو القانون حلو بس وين اللي يطبق )
وبعد الدراسات المستفيضة للبنك الدولي لواقع الحال الوظيفي في الكويت
وبعد تقرير السيد توني بلير عن حال الموظفين بالكويت اللي كتبه واهو قاعد بفندق السافوي بلندن )
وبعد المشاورة في جلسة المجلس الاعلي للخدمة المدنية قررنا الاتي :
1- الغاء جميع الكوادر والمميزات الوظيفية لكل الموظفين في القطاع العام سواء اكانوا موظفي وزارات الدولة او مؤسساتها او الهيئات التابعة لها السابقة علي هذا القانون ويطبق هذا القرار من تاريخه
2- الوظائف التي تحتاج زيادات خاصة وهي الوظائف الشاقة او المنفرة او ذات الطبيعة الخاصة يمكن اقرار زيادة خاصة لها علي بند طبيعة عمل بشرط ان لا تجاوز 25% من الراتب الاساسي باي حال من الاحوال
3- يتم النظر في زيادة الراتب الاساسي للموظفين بشكل عام كل سنتين كما نص قانون الخدمة المدنية
تم بحمد الله
طبعا هالاقتراح راح يريح جميع الموظفين في الدولة لعدة اسباب :
1- راح ترجع قيمة الدينار لانه راح يقل التضخم بسبب الكوادر الخيالية اللي بعضها وصل لست اضعاف الراتب العادي
2- راح يزول الاحساس بالظلم لدي الموظف اللي ما عنده كادر
3- راح يزيد انتاجية الموظف لانه ما راح يحس انه مهمل من النظام
4- راح تقل الاسعار علي الموظف اللي في قاع السلم الوظيفي لانه التاجر يحسبها علي راس السلم ومعاشاتهم العالية
5- تفعيل ادوات الظبط الوظيفي يعني حجة الحكومة انه الموظف ما ينتج وهذا بسبب سوء الادارة مو سوء الموظف نفسه
ادري انه فيه ناس تكره هالطرح بس فكروا معاي بدون انفعال واحسبها راح تلقي انه كلام منطقي
اتوقع اذا تم تطبيق القرار انه الكامري بتصير ب3000 والكرولا 2000 ودشة الجمعية 50 اذا كثرت