سؤال وجواب سؤال لأصحاب المواقع و مصممين المواقع

One_Kuw

عضو ذهبي
السلام عليكم

ابي احد يدلني على مكان يقدر يسويلي موقع و يديره لي .. يعني يعرض منتجاتي و خدماتي

شنو اسوي و وين احصلهم؟

كم التكلفه لعمل موقع كامل ؟

و اتمنى احد يفيدني

مشكورين
 

عزيز وغالي

عضو بلاتيني
اخوي عليك بشركة ترايدنت
شركه محترمه وعالميه وصاحبها رجل نحسبه والله حسيبه يخاف الله
وان كانوا اغلي ولكن موقعك في المضمون حمايه وتطوير
ما يبقي عليك الا اضافات المواضيع والامور السهله الباقيه

واحذر من اغلب الاشخاص لاني تعاملت معهم
وكانت تجارب فاشله من تهرب وتسكير مواقعهم او عدم الرد عليك لو صار لك مشكله

فيه مثل يقول من تراخص اللحم بارت فيه المرقه

عليك بالمضمون الشركات المعروفه والي لهم مكاتب
 

إنطباعي

عضو مميز
اخوي One_Kuw


ابي احد يدلني على مكان يقدر يسويلي موقع و يديره لي .. يعني يعرض منتجاتي و خدماتي
تحتاج الى شركة تبرمج لك مثل هالبرامج بحيث تكون برامج تفاعليه
تعرض عليها منتجاتك بكل سهولة
بحيث تكون شركة رسمية 100% وان امكن اخذ لك شركة كويتية
رغم قلة تفاعل الشركات الكويتيه وقلة خبرتهم ولكن القريب افضل من حيث طريقة التعامل
بالاضافة الى ان كثير من الاشخاص مبرمجين .. يبرمج لك البرنامج وينتهي منه ويسلمه لك بدون اي مشاكل .. وبمجرد عطل بسيط بالبرنامج .. تحصل لك مصيبه .. تعال ودور االمبرمج .. وشوف الذل على اصوله ..

شنو اسوي و وين احصلهم؟
الشركات الرسمية افضل لك مثل ماقلت ، والاخوان نصحوا بترايدنت
ترايدنت اشوفهم ممتازين فعلا ولكن فيهم بعض السلبيات
اولا: تصاميمهم غير جيدة
ثانياً: اسعارهم مبالغ فيها جدا .. وذلك لتوفر الارخص !

كم التكلفه لعمل موقع كامل ؟
* الدومين وهو اسم الموقع مثلا: www.one-kuw.com .. وهو بـ 5 دنانير سنوياًَ ويفضل تسجيله بالكويت بشركة رسمية كويتية .. او باسمك مباشراً ... لانه هو اساس بناء اي موقع .
* الاستضافه : وهو السيرفر المشترك الخاص بموقعك بحيث تكون جميع منتجاتك معروضه عليه .. وهذا تقدر تأجره من اي شركة . كما اقترحوا عليك الاخوان . وانا ارشح لك شركة مربع وهي شركة سعودية رسمية والاستضافه تقريبا تكلفك 300 ريال سنوياً .. اي مايقارب 25 دينار
* البرمجة: وتختلف اسعارها حسب رسمية المبرمج و طلباتك بالاضافه الى ان كانت البرمجة خاصه لك وحدك ام برنامج متوفر جاهز . والاسعار تقريباً .. من 40 الى 60 دينار
* التصميم: معظم شركات البرمجة توفر لك تصميم ويتراوح السعر بين 60 الى 80 دينار ... حسب حجم البرنامج .


واذا تبي اي خدمة انا حاضر
 

Q8_L0v3r

عضو
السلام عليكم

ابي احد يدلني على مكان يقدر يسويلي موقع و يديره لي .. يعني يعرض منتجاتي و خدماتي

شنو اسوي و وين احصلهم؟

كم التكلفه لعمل موقع كامل ؟

و اتمنى احد يفيدني

مشكورين
عليكم السلام

فيه شركات كثيره تقدم خدمات استضافة المواقع

لكن نصيحه اذا تبي تحجز مساحه مع دومين تعامل مع الشركات الاجنبيه اسعارهم معقولة

مو مثل شركات العربيه الي قيمة الاستضافه تقدر تحجز فيها سيرفر :cool:

بالنسبه للتكلفة تقدر تطلع على الاسعار

http://www.bluehost.com
 

إنطباعي

عضو مميز
عليكم السلام

فيه شركات كثيره تقدم خدمات استضافة المواقع

لكن نصيحه اذا تبي تحجز مساحه مع دومين تعامل مع الشركات الاجنبيه اسعارهم معقولة

مو مثل شركات العربيه الي قيمة الاستضافه تقدر تحجز فيها سيرفر :cool:

بالنسبه للتكلفة تقدر تطلع على الاسعار

http://www.bluehost.com

كلامك سليم اخوي
ولكن شركة بلو هوست
من خلال تجربتي ومعاناتي معهم
كنت ماخذ منهم استضافه مشتركة
اسعارهم رخيصه جدا
ولكن لا تنسى ان حقوق الملكية لها قوانين وخاصه عند الشركات الاجنبيه
يعني تخيل .. لو تحط صوره بدون حقوق ... يسكرون موقعك
واي ضغط على السيرفر قفلوا موقعك
يعني يدورون الزله ... بالاضافه الى صعوبة التواصل معهم ...

الاستضافات العربية في الوقت الحالي
جيده واسعارهم معقولة جدا
على سبيل المثال .. من افضل الشركات العربية شركة مربع
وانا حاليا ماخذ منهم سيرفر ... ومرتاح جدا كملت الـ 9 شهور حتى الآن .. وناوي اجدد اشتراكي معهم باذن الله
انظر الى اسعارهم


هل تبحث عن إستضافة لمدونتك الخاصة؟ أو لعمل صفحتك الشخصية على الإنترنت ومتابعة بريدك الإلكتروني بشكل دائم، خطة مربع عادي بلص تلبي إحتياجات موقعك،
وبسعر 200 ريال سنويا فقط

  • عنوان خاص ومباشر للموقع , مثلا www.yourname.com
  • عدد لا نهائي من عناوين البريد الإلكتروني باسم موقعك
  • مساحة 1 جيجا و ترافك 20 جيجا شهريا عدد لا نهائي من قواعد البيانات
  • دعم فني متواصل و إحترافي باللغة العربية مع إتقان في العمل و على مدار الساعة
الدعم الفني لديهم عربي:
ومتواصل 24 ساعه ،، اكتب تذكرة ... وفي اقل من دقيقه يردون علي

:وردة:
 
أعلى