سؤال وجواب ارجوا الرد بارك الله فيكم

[وجه الخير]

بسم الله الرحمن الرحيم
السلام عليكم ورحمه الله وبركاته
اللهم صل على محمد وعلى أل محمد وصحبه اجمعين


اخواني واخواتي الكرام
اسعد الله مسائكم & صباحكم بكل خير وصحه وعافيه


انا عندي استفسار مزعجني ومتعبني ارجو الرد بإسرع وقت وفقكم الله ويسر اموركم

اذا احد طلع من حلجه دم يعني كحته فيها دم ومن خشم دم
شنو يعني شي جايد ولاعادي
وشنو نوعية المرض ويصير زين ولالا

جزاكم الله خير لاتقصرون معاي
​

تقبلوا فاائق ودي واحترامي

 

[أبو العتاهيه]

أمر عادي جدا والدم اللى طلع من حلقك ..هو فى الاصل من انفك ..
والامر طبيعي جدا ..لوجود احتقان فى الانف جراء التهاب او جرح خصوصا أذا كنت تعاني من جيوب انفيه ..

..وهذا لايمنع زيارة الطبيب و أخذ علاج لهذا الشى ..

.

 

[وجه الخير]

يعني اخوي الامر مو جايد
يعني موو التهاب بالمعده او الكلى
او مرض خطير
لإنه دكتور قال برد​

 

[أبو العتاهيه]

لا ياخوي جزاك الله خير ههههه وين رحت ..

المعده ألتهابها الله يكفيك شرهاااا ..ماتقعد على جهاز الكمبيوتر ربع دقيقه من شدة الألم ولا تقدر تاكل ألم شديد ..والكلى نفس الشى ألم شديد لدرجة الألتواء من الألم ماتقدر توقف على رجولك ..

الله يكفيك ويكفينا شر الامراض ..ألتهاب المعدة آلاااام حاده ..والكلى نفس الشى آلم حاد مع حرقه قوية فى البول (الله يعزك ويعز القاري) ..

مع الاسف الدكاتره مالهم خلق يشرحون ويطمنون الناس ..على طول برد ..بشكل مختصر شديد ..

راجع أذن وانف وحنجره ..الامر باذن الله بسيط ..
.

 

[أبو العتاهيه]

انا أمس واول امس ..دم ينزل من أنفى وممكن ينزل من أنفك الى حلقك ..
اليوم الحمدلله ..اوكيه الوضع ..
فيني جيوب انفيه ..والمشكله ان الجيوب الانفيه حتى ولو سويت عمليه ترجع لك بعد سنه او اقل حسب اللى سووا العمليه ..فأستخدم قطره

.

 

[عـــــبدالمــــــلك]

مابي اخرعك بس لو كنت مكانك رحت لكذا طبيب هذا عمر مو بعزئهالله يشفيك ولازم تراجع الطبيب

 

[وجه الخير]

راجعت الطبيب
وقالي برد وبيخف ان شالله
والكحه عندي شديده شوي
بس اخواني مافهمتوني عدل
يعني جيوب انفيه ولاشنو بالضبط
اللي مار بالتجربه بارك الله فيكم يقولي ويريحني​

 

[خجـل]

تطمن اخوى ان شاء الله مافيك الا الخير

احتمال التهاب بالحلق او جيوب انفيه

علشان تطمن اكثر راجع الدكتور واعمل الفحوصات اللازمه

ماتشووف شر

 

[ليله ويوم]

اخوي خروج الدم مع الكحه لازم تروح للمستوصف عشان يكشف عليك الطبيب


وبعدين انصحك لا تروح للعيادات الخاصه لآنه ماعندهم الا التخرع عشان يطيرون عقلك وياخذون فلوسك


روح للمستوصف الحكومي وان شاء الله ماعليك شر


وترى خروج الدم مع الكحه او مع البول (اعزك الله ) امر طبيعي ولا يدل على مرض جايد


بس روح للمستوصف الحكومي


وشفاكم الله وعافاكم


امين



​

 

[إنكشاري]

مع وجود الكحه الشديده يخرج دم انصحك بمراجه المستوصف
وتطلب ابره كورتيزون يتم صرفها للحالات المتقدمه من التهاب الشعب
وبإذن الله تتحسن خلال ثلاث ايام