سؤال وجواب طلبات للفيزا للنمسا + المانيا ضروري

صوتك يناديني

عضو بلاتيني
السلام عليكم

اخواني بغيت اطلع تامين لي ولزوجتي كم يكلف ومن وين اطلعه بالكويت

وبغيت فيزا شنو الطلبات ضروري يا اخوان رحلتي تاريخ 7-7 شخصين والعوده من المانيا 21 - 7

وكم ياخذون وقت وشنو تنصحوني فيه وكم السعر ... للضرورة
 

لا تعليق

عضو ذهبي
حضورك للسفارة اسم الفيزا شنقل وهي على اوربا كافة يعني

بداية رحلتك وين المانيا روح للسفارة الالمانيه وطلع الفيزا من هناك واذهب من المانيا الي النسما عادي
واذا النسما السفارة النمساوية والامر نفس ما ذكرت لك فيزا اوربيه هي شنقل

تروح اول شي لمركز تصوير تطلب صورة فيزا اقلب المصورين يعرفون الاحجام
وتقدم طلب فيزا من السفارة و وتوضح القرض من الذهاب الي السفر سياحه علاج عمل الخ

وتنطر يومين تطلع لك ان شاء الله

وبسلامه مقدماً
 
اخوي فهد لا تتعب نفسك وتراكض بالسفارات روح لمكتب شنغن بالكويت بعمارة الدوليه اللي فيها محلات السفريات قط عليهم الجوازين مالك ومال زوجتك مع تذاكر السفر واوراق حجز الفندق راح ياخذون 35 دينار على الجواز الواحد يعني جوازين ب70 دينار + تامين صحي 20 دينار = 90 فقط
هذا رقم مكنب شنغن 22458066
ونصيحة لك احجز تذاكر السفر من الحين وادخل على موقع بوكينج واحجز فنادقك ترا كل ما تتاخر ماراح تلقى حجوزات بالفنادق الحلوه ولا بتصير اغلى عليك يدزولك ايميل اطبعه واخذ معاك تذاكر السفر وروح للمكتب اللي قلتلك عنه
طلع الفيزا على اول بلد بتوصله ان شاءالله
وبالتوفيق ان شاءالله
 

صوتك يناديني

عضو بلاتيني
شكرا لك اخي لاتعليق

الرحله تبدء من النمسا واغلب الوقت فيها وتنتهي من المانيا ..

ابوعبدالرحمن العازمي اشكرك اخوي على المعلومات

بس انا بغيت اسويها بنفسي مابي مكتب وبالنسبه للحجوزات الفنادق والتذاكر حاجزها من مبطي حتى السياره ابشرك

بس تكاسلت اطلع الفيزا هههههههه

واشكرك على اضافه رقم المكتب احتمال اذا ماسويتها بنفسي اتصل عليه


عبدالله مشكور يالذيب وماتقصر ;)
 
أعلى